---
title: "യുഎഇയിൽ ഒന്നിലധികം വാഹനങ്ങൾ കൂട്ടിയിടിച്ച് അപകടം; 2 എമിറേറ്റികൾക്ക് ദാരുണാന്ത്യം "
english_title: "2 Emiratis killed in multiple vehicle collision in UAE"
publisher: "gccnews.in"
canonical_url: "https://gcc.truevisionnews.com/news/115304/2-emiratis-killed-in-multiple-vehicle-collision-in-uae"
published_at: "2023-05-17T11:00:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/646466d0e2cb2_ACCIDENTUAE.jpg"
keywords: []
---

# യുഎഇയിൽ ഒന്നിലധികം വാഹനങ്ങൾ കൂട്ടിയിടിച്ച് അപകടം; 2 എമിറേറ്റികൾക്ക് ദാരുണാന്ത്യം 

> **Lead Summary:** **യുഎഇ: **യുഎഇയിൽ വാഹനങ്ങൾ കൂട്ടിയിടിച്ച് രണ്ടു പേർ മരിച്ചു. ഇന്നലെയാണ് അപകടമുണ്ടായത്. 17 വയസ്സുള്ള ഒരു എമിറാത്തി പുരുഷനും 44 വയസ്സുള്ള ഒരു സ്ത്രീയുമാണ് മരിച്ചത്. രണ്ട് പേർക്ക് ഗുരുതരമായ പരിക്കുകളുണ്ട്. ഫുജൈറ തുറമുഖത്തേക്കുള്ള കവലയിൽ (ക്രോസിംഗ് റോഡ്) രണ്ട് വാഹനങ്ങൾ ട്രക്കുമായി കൂട്ടിയിടിച്ചാണ് അപകടം.

## Article Content

**യുഎഇ: **യുഎഇയിൽ വാഹനങ്ങൾ കൂട്ടിയിടിച്ച് രണ്ടു പേർ മരിച്ചു. ഇന്നലെയാണ് അപകടമുണ്ടായത്. 17 വയസ്സുള്ള ഒരു എമിറാത്തി പുരുഷനും 44 വയസ്സുള്ള ഒരു സ്ത്രീയുമാണ് മരിച്ചത്. രണ്ട് പേർക്ക് ഗുരുതരമായ പരിക്കുകളുണ്ട്. ഫുജൈറ തുറമുഖത്തേക്കുള്ള കവലയിൽ (ക്രോസിംഗ് റോഡ്) രണ്ട് വാഹനങ്ങൾ ട്രക്കുമായി കൂട്ടിയിടിച്ചാണ് അപകടം.

വിവരം ലഭിച്ചയുടൻ ഫുജൈറ പൊലീസ് ജനറൽ കമാൻഡ് ഉദ്യോഗസ്ഥർ സ്ഥലത്തെത്തി മറ്റ് യാത്രക്കാരെ രക്ഷപ്പെടുത്തി.അറബ് ട്രക്ക് ഡ്രൈവർ അമിതഭാരം കയറ്റിയ വാഹനമാണ് ഓടിച്ചിരുന്നതെന്ന് പ്രാഥമിക അന്വേഷണത്തിൽ തെളിഞ്ഞു. ഡ്രൈവർ അനുവദനീയമായ വേഗപരിധി കവിഞ്ഞതാണ് നിയന്ത്രണം നഷ്‌ടപ്പെടാനും തുടർന്ന് രണ്ട് കാറുകളുമായി കൂട്ടിയിടിക്കാനും ഇടയാക്കിയതെന്നും കണ്ടെത്തി.

അപകടത്തെ തുടർന്ന് പൊട്ടിപ്പുറപ്പെട്ട തീ അണച്ചത് സിവിൽ ഡിഫൻസ് സംഘമാണ്. കത്തിക്കരിഞ്ഞ വാഹനത്തിനുള്ളിൽ കുടുങ്ങിയ യാത്രക്കാരെ അവർ വിജയകരമായി പുറത്തെടുത്തു. ട്രക്ക് ഡ്രൈവറെയും ഒരു വാഹനത്തിലെ ഡ്രൈവറെയും ദേശീയ ആംബുലൻസിൽ ആശുപത്രിയിലേക്ക് മാറ്റി.

എന്നാൽ, ആദ്യ വാഹനത്തിൽ പിതാവിനൊപ്പം പോയ യുവാവും മറ്റ് വാഹനത്തിലുണ്ടായിരുന്ന യുവതിയും മരണത്തിന് കീഴടങ്ങി. ആന്തരികവും ബാഹ്യവുമായ റോഡുകളിൽ അനുവദനീയമായ പരിധിയിൽ കൂടുതൽ വേഗതയിൽ ഹെവി വാഹനങ്ങൾ ഓടിക്കുന്നതിന്റെ അപകടകരമായ പ്രത്യാഘാതങ്ങളെക്കുറിച്ച് ഫുജൈറ പോലീസ് മുന്നറിയിപ്പ് നൽകി.

### Related Links & Sources
- [Original Story Source](https://gcc.truevisionnews.com/news/115304/2-emiratis-killed-in-multiple-vehicle-collision-in-uae)