കുവൈത്ത് സിറ്റി: (gccnews.in) ജഹ്റ റോഡിൽ രണ്ട് വാഹനങ്ങൾ കൂട്ടിയിടിച്ച് ഒരാൾ മരിച്ചു. എട്ടുപേർ നേരിയ പരിക്കുകളോടെ രക്ഷപ്പെട്ടതായും അൽ അൻബ റിപ്പോർട്ട് ചെയ്തു. ഞായറാഴ്ച രാവിലെയാണ് അപകടം. പാസഞ്ചർ ബസ് മറ്റൊരു വാഹനവുമായി കൂട്ടിയിടിക്കുകയായിരുന്നു.
വാഹനങ്ങൾ കൂട്ടിയിടിച്ചതായി സെൻട്രൽ ഓപറേഷൻസ് വകുപ്പിന് രാവിലെ റിപ്പോർട്ട് ലഭിച്ചതായി ജനറൽ ഫയർഫോഴ്സിന്റെ പബ്ലിക് റിലേഷൻസ് ആൻഡ് മീഡിയ വിഭാഗം അറിയിച്ചു.തൊട്ടടുത്ത ഫയർ സ്റ്റേഷനിൽനിന്നുള്ള ജീവനക്കാർക്ക് സ്ഥലത്തെത്താൻ നിർദേശം നൽകി.
ഫയർഫോഴ്സ് ജീവനക്കാർ ഉടൻ സ്ഥലത്തെത്തി രക്ഷാപ്രവർത്തനങ്ങൾക്ക് നേതൃത്വം നൽകി. മരിച്ചയാളെ ഫോറൻസിക് വിഭാഗത്തിനും മറ്റുള്ളവരെ ആശുപത്രിയിലേക്കും മാറ്റി.
One person died after vehicles collided on Jahra Road, Kuwait.