മസ്കത്ത്: ആരോഗ്യ സുരക്ഷ മാനദണ്ഡങ്ങൾ പാലിക്കാത്ത സ്ഥാപനങ്ങൾക്കെതിരെ നടപടിയുമായി മസ്കത്ത് മുനിസിപ്പാലിറ്റി. ഇതിന്‍റെ ഭാഗമായി ബൗശര്‍ വിലായത്തില്‍ 468 പരിശോധനകൾ അധികൃതർ നടത്തി.
എട്ടിടങ്ങളില്‍ നിയമലംഘനങ്ങള്‍ കണ്ടെത്തുകയും ചെയ്തു. നാല് കടകള്‍ അടച്ചുപൂട്ടുകയും ചെയ്തതായി മസ്കത്ത് മുനിസിപ്പാലിറ്റി അറിയിച്ചു. അധികൃതർ നിർദേശിച്ച ആരോഗ്യ സുരക്ഷ മാനദണ്ഡങ്ങള്‍ പാലിക്കാൻ എല്ലാ ഭക്ഷ്യവിതരണ സ്ഥാപനങ്ങളും തയാറാകണമെന്ന് മുനിസിപ്പാലിറ്റി അധികൃതർ ആവശ്യപ്പെട്ടു.
നിയമം ലംഘിക്കുന്നവര്‍ക്കെതിരെ കര്‍ശന നടപടിയുണ്ടാകുമെന്നും അധികൃതര്‍ മുന്നറിയിപ്പ് നൽകി.
Health and safety standards were not met; Four shops were closed
