---
title: "#dubai | കഥകളിലെ രാജകുമാരിയെപ്പോലെ അതിസുന്ദരിയായി ശൈഖ മഹ്‌റ, വിവാഹ വീഡിയോ "
english_title: "#ShaikhaMahra #gorgeous #fairytale #princess #wedding #video"
publisher: "gccnews.in"
canonical_url: "https://gcc.truevisionnews.com/news/130928/shaikhamahra-gorgeous-fairytale-princess-wedding-video"
published_at: "2023-07-16T20:06:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64b4026f15385_shaiq.jpg"
keywords: []
---

# #dubai | കഥകളിലെ രാജകുമാരിയെപ്പോലെ അതിസുന്ദരിയായി ശൈഖ മഹ്‌റ, വിവാഹ വീഡിയോ 

> **Lead Summary:** **ദുബൈ: **കഥകളില്‍ കേട്ടിട്ടുള്ള രാജകുമാരിയെപ്പോലെ അതിസുന്ദരിയായി, തൂവെള്ള ഗൗണിലെത്തുന്ന ദുബൈ ഭരണാധികാരിയുടെ മകള്‍. കൈപിടിച്ച് ചേര്‍ത്തുനിര്‍ത്തി ശൈഖ് മഹ്‌റ സ്വപ്‌നതുല്യമായ അത്യാഢംബര വിവാഹത്തിന്റെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ തരംഗമാകുന്നത്.

## Article Content

**ദുബൈ: **കഥകളില്‍ കേട്ടിട്ടുള്ള രാജകുമാരിയെപ്പോലെ അതിസുന്ദരിയായി, തൂവെള്ള ഗൗണിലെത്തുന്ന ദുബൈ ഭരണാധികാരിയുടെ മകള്‍. കൈപിടിച്ച് ചേര്‍ത്തുനിര്‍ത്തി ശൈഖ് മഹ്‌റ സ്വപ്‌നതുല്യമായ അത്യാഢംബര വിവാഹത്തിന്റെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ തരംഗമാകുന്നത്.

അടുത്തിടെയാണ് യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂമിന്റെ മകള്‍ ശൈഖ മഹ്‌റ ബിന്‍ത് മുഹമ്മദ് ബിന്‍ റാഷിദ് അല്‍ മക്തൂം വിവാഹിതയായത്. മനോഹരമായ രാജകീയ വിവാഹത്തിന്റെ ചിത്രങ്ങള്‍ നേരത്തെ തന്നെ സോഷ്യല്‍ മീഡിയയുടെ മനം കവര്‍ന്നിരുന്നു.

= [https://www.instagram.com/reel/CuruJbCIiUJ/?utm_source=ig_embed&ig_rid=7ba445e3-3824-4578-830e-88170018adbe](https://www.instagram.com/reel/CuruJbCIiUJ/?utm_source=ig_embed&ig_rid=7ba445e3-3824-4578-830e-88170018adbe)

ഇപ്പോഴിതാ തന്റെ വിവാഹത്തിന്റെ വീഡിയോ പങ്കുവെച്ചിരിക്കുകയാണ് ശൈഖ മഹ്‌റ. തൂവെള്ള നിറത്തിലുള്ള വിവാഹ വസ്ത്രവും വിവാഹവേദിയും കഥകളെ അനുസ്മരിപ്പിക്കുന്ന വിധം സുന്ദരമായിരുന്നു. ശൈഖ് മന ബിന്‍ മുഹമ്മദ് ബിന്‍ റാഷിദ് ബിന്‍ മന അല്‍ മക്തൂമിനൊപ്പം ചേര്‍ന്നു നില്‍ക്കുന്ന ശൈഖ് മഹ്‌റ വിവാഹ വസ്ത്രത്തില്‍ കൂടുതല്‍ സുന്ദരിയായി തിളങ്ങി.

ഇന്‍സ്റ്റാഗ്രാമിലാണ് ശൈഖ മഹ്‌റ വിവാഹ വീഡിയോ പങ്കുവെച്ചത്. നേരത്തെ വിവാഹ വാര്‍ത്തയും പിന്നീട് ഇതിന്റെ ചിത്രങ്ങളും ശൈഖ മഹ്‌റ പങ്കുവെച്ചിരുന്നു. ശൈഖ് മുഹമ്മദ് ബിന്‍ റാഷിദ് ബിന്‍ മന അല്‍ മക്തൂം രചിച്ച കവിത പങ്കുവെച്ചാണ് ശൈഖ മഹ്‌റ തന്റെ വിവാഹ വാര്‍ത്ത അറിയിച്ചത്.

### Related Links & Sources
- [Original Story Source](https://gcc.truevisionnews.com/news/130928/shaikhamahra-gorgeous-fairytale-princess-wedding-video)