---
title: "#saudi | സൗദിയിലെ പ്രസിദ്ധമായ ക്രൗൺ പ്രിൻസ്​ ഒട്ടകോത്സവത്തിന് ത്വാഇഫിൽ​ ഇന്ന്​ തുടക്കം "
english_title: "#saudi #famous #Saudi #CrownPrince #CamelFestival #started #today #Twaif"
publisher: "gccnews.in"
canonical_url: "https://gcc.truevisionnews.com/news/135708/saudi-famous-saudi-crownprince-camelfestival-started-today-twaif"
published_at: "2023-08-01T22:27:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64c939a3488f1_camel.jpg"
keywords: []
---

# #saudi | സൗദിയിലെ പ്രസിദ്ധമായ ക്രൗൺ പ്രിൻസ്​ ഒട്ടകോത്സവത്തിന് ത്വാഇഫിൽ​ ഇന്ന്​ തുടക്കം 

> **Lead Summary:** **ജിദ്ദ : **സൗദിക്കകത്തും പുറത്തും പ്രസിദ്ധമായ ക്രൗൺ പ്രിൻസ്​ ഒട്ടകോത്സവത്തിന് ത്വാഇഫിൽ​ ഇന്ന്​ തുടക്കം.

## Article Content

**ജിദ്ദ : **സൗദിക്കകത്തും പുറത്തും പ്രസിദ്ധമായ ക്രൗൺ പ്രിൻസ്​ ഒട്ടകോത്സവത്തിന് ത്വാഇഫിൽ​ ഇന്ന്​ തുടക്കം.

ഒട്ടകോത്സവത്തി​െൻറ അഞ്ചാം പതിപ്പിന്​ ത്വാഇഫിലെ ഒട്ടകയോട്ട മത്സര മൈതാനത്ത് സംഘാടന സമിതിയും ത്വാഇഫ്​ ഗവർണറേറ്റും ഒരുക്കം പൂർത്തിയാക്കി.

സൗദി കാമൽ ഫെഡറേഷനാണ്​ മത്സരം സംഘടിപ്പിക്കുന്നത്​. ഗൾഫ്, അറബ് മേഖലയിലെയും അന്തർദേശീയ തലത്തിലെയും ഒട്ടകയുടമകളുടെ പങ്കാളിത്തത്തിലാണ്​ മത്സരം നടക്കുക. ഇത്തവണയും രാജ്യത്തിനകത്തും പുറത്തും നിന്നുള്ള നിരവധി പേരുടെ ഒട്ടകങ്ങൾ മത്സരത്തിനുണ്ട്​.

350 മത്സരങ്ങൾക്ക്​ സാക്ഷ്യം വഹിക്കുന്ന പ്രാഥമിക ഘട്ടങ്ങളോടെയാണ്​ മത്സരം ആരംഭിക്കുക. ഇത് 12​ ദിവസം തുടരും. രാവിലെ 6.30 നും വൈകീട്ട്​ രണ്ട്​ സമയങ്ങളിലാണ്​ പ്രാഥമിക തല മത്സരം. അവസാന റൗണ്ട്​ മത്സരം ആഗസ്​റ്റ്​ 28 ന് തുടങ്ങും. 11 ദിവസം നീണ്ടുനിൽക്കും.

അഞ്ച് മാരത്തൺ ഓട്ടങ്ങളും 239 റൗണ്ടുകളും അവസാനഘട്ടത്തിലുണ്ടാകും. ഒരു മാസത്തിലേറെ നീണ്ടുനിൽക്കുന്ന മത്സരത്തിലെ വിജയികൾക്ക്​ വമ്പിച്ച സമ്മാനങ്ങളാണ് സംഘാടകർ ഒരുക്കിയിരിക്കുന്നത്​​.

ഇത്തവണ സമ്മാന തുക വർധിപ്പിച്ചതായി സംഘാടകർ വ്യക്തമാക്കി. ഏറ്റവും കൂടുതൽ പോയിൻറ്​ നേടുന്ന ഒട്ടകയുടമക്ക്​ നൽകുന്ന ക്രൗൺ പ്രിൻസ് വാൾ അവാർഡി​െൻറ തുക 10​ ലക്ഷം റിയാലിൽ നിന്ന് 17.5 ലക്ഷം റിയാലായി (3.83 കോടി രൂപ) ഉയർത്തി​.

മൊത്തം സമ്മാന തുക 5.7 കോടി കവിയുമെന്നും സംഘാടകർ പറഞ്ഞു. പ്രാദേശികവും അന്തർദേശീയവുമായ ഒട്ടകയുടമകളുടെ വൻസംഘം മത്സരത്തിനായി എത്തിയിട്ടുണ്ട്​.2018 ലാണ്​ ക്രൗൺ പ്രിൻസ്​ ഒട്ടകോത്സവം​​ ത്വാഇഫിൽ ആരംഭിച്ചത്​.

നിലവിൽ ലോകത്തിലെ ഏറ്റവും വലിയ ഒട്ടകോത്സവമായി ക്രൗൺ പ്രിൻസ്​ ഒട്ടകോത്സവം മാറിക്കഴിഞ്ഞു.​​ സൗദി സംസ്‌കാരത്തിൽ ഒട്ടക പൈതൃകത്തെ ഏകീകരിക്കാനും മെച്ചപ്പെടുത്താനുമാണ് ഒട്ടകോത്സവത്തിലൂടെ ലക്ഷ്യമിടുന്നത്. കിരീടാവകാശിയുടെയും കായിക മന്ത്രിയുടെയും സൗദി ഒട്ടക ഫെഡറേഷ​െൻറയും പിന്തുണയും ഒട്ടകോത്സവത്തിന്​ ലഭിക്കുന്നുണ്ട്.

### Related Links & Sources
- [Original Story Source](https://gcc.truevisionnews.com/news/135708/saudi-famous-saudi-crownprince-camelfestival-started-today-twaif)