മനാമ: സിവിൽ ഡിഫൻസ് അതോറിറ്റിയുമായി സഹകരിച്ച് വിവിധ സേവനങ്ങൾ ഓൺലൈനാക്കുമെന്ന് ഇ-ഗവൺമെൻറ് ആൻഡ് ഇൻഫർമേഷൻ അതോറിറ്റി അറിയിച്ചു. കഴിഞ്ഞ ദിവസം ചേർന്ന മന്ത്രിസഭ യോഗത്തിൽ ഇതുസംബന്ധിച്ച് അംഗീകാരം നൽകിയിരുന്നു.
ആഭ്യന്തരമന്ത്രി കേണൽ ജനറൽ ശൈഖ് റാഷിദ് ബിൻ അബ്ദുല്ല ആൽ ഖലീഫയുടെ നിർദേശപ്രകാരമാണ് സിവിൽ ഡിഫൻസ് വകുപ്പിന്റെ വിവിധ സേവനങ്ങൾ ഓൺലൈനാക്കാൻ തീരുമാനിച്ചത്.
കെട്ടിടങ്ങളുടെ ഫയർ സർട്ടിഫിക്കറ്റ് കരസ്ഥമാക്കാനുള്ള അപേക്ഷ നൽകുന്നതടക്കമുള്ള കാര്യങ്ങൾ ഓൺലൈനായി ചെയ്യാം. ഇ-കീ വഴി സേവനങ്ങൾ ആവശ്യപ്പെടാം. സുരക്ഷ ഉപകരണങ്ങളുമായി ബന്ധപ്പെട്ട സേവനങ്ങളും ഓൺലൈനായി ലഭിക്കുമെന്ന് ബന്ധപ്പെട്ടവർ അറിയിച്ചു.
civil Defense Service is online
