#KMCC | കൈ പിടിക്കാൻ കൂടെയുണ്ട്; പാതിവഴിയിൽ മുടങ്ങിയ വിദ്യാഭ്യാസം തുടരാൻ ‘ഹെർ ഇമ്പാക്ട്’ പദ്ധതിയുമായി ഖത്തർ കെ.എം.സി.സി വനിതാ വിങ്

#KMCC | കൈ പിടിക്കാൻ കൂടെയുണ്ട്; പാതിവഴിയിൽ മുടങ്ങിയ വിദ്യാഭ്യാസം തുടരാൻ ‘ഹെർ ഇമ്പാക്ട്’ പദ്ധതിയുമായി ഖത്തർ കെ.എം.സി.സി വനിതാ വിങ്
May 30, 2024 03:15 PM | By VIPIN P V

ദോഹ : (gccnews.com) വ്യത്യസ്ത കാരണങ്ങളാൽ വിദ്യാഭ്യാസം ഇടയ്ക്ക് വെച്ച് അവസാനിപ്പിച്ച് പ്രവാസ ജീവിതത്തിലേക്ക് കുടിയേറിയ സ്ത്രീകളുടെ തുടർ വിദ്യാഭ്യാസത്തിന് ഖത്തർ കെ.എം.സി.സി വനിതാ വിങ് അവസരമൊരുക്കുന്നു.

ജോലി ചെയ്യുന്ന സ്ത്രീകൾക്ക് അവരുടെ കരിയർ മെച്ചപ്പെടുത്തുന്നതിനുള്ള പരിശീലനം ഉൾപ്പെടെ സ്ത്രീകളുടെ ഉന്നമനം ലക്ഷ്യമാക്കി സംഘടിപ്പിക്കുന്ന ‘ഹെർ ഇമ്പാക്റ്റ് സീസൺ വൺ’ പരിപാടിയുടെ പ്രഖ്യാപനവും ഉദ്ഘാടനവും മെയ് 31 വെള്ളിയാഴ്ച വൈകീട്ട് 6.30ന് റയാൻ പ്രൈവറ്റ് സ്‌കൂളിൽ നടക്കുമെന്ന് ഭാരവാഹികൾ ദോഹയിൽ വാർത്താസമ്മേളനത്തിൽ അറിയിച്ചു.

പരിപാടിയോടനുബന്ധിച്ച് വൈകുന്നേരം 4 മണി മുതൽ മുൻകൂട്ടി പേര് രജിസ്റ്റർ ചെയ്ത നൂറിലധികം വനിതകളുടെ മെഹന്തി മത്സരവും മറ്റു പരിപാടികളും നടക്കും.

പരിപാടിയുടെ ഭാഗമായി നടന്ന ഫോട്ടോഗ്രഫി, കലിഗ്രഫി, പ്രബന്ധ രചന, കളറിംഗ്,പെയിന്റിംഗ് മത്സര വിജയികൾക്കുള്ള സമ്മാനദാനവും, വിധികർത്താക്കളെ ആദരിക്കലും നടക്കുമെന്നും സംഘാടകർ അറിയിച്ചു.

തുടർന്ന് ഖത്തറിലെ പ്രമുഖ ഗായകരെ അണിനിരത്തിയുള്ള സംഗീത പരിപാടിയും അരങ്ങേറും.

വൈകീട്ട് 7 മണിക്ക് ആരംഭിക്കുന്ന ഉത്ഘാടന ചടങ്ങ് മുസ്ലിം ലീഗ് സംസ്ഥാന സെക്രട്ടറിയും മുൻ എം.എൽ.എയുമായ പാറക്കൽ അബ്ദുള്ള ഉദ്ഘാടനം ചെയ്യും.

കെ.എം.സി.സി സംസ്ഥാന പ്രസിഡണ്ട് ഡോ.അബ്ദുൽ സമദ് മുഖ്യ പ്രഭാഷണം നടത്തും.സംസ്ഥാന ജനറൽ സെക്രെട്ടറി സലിം നാലകത്ത്, ട്രഷറർ പി എസ് എം ഹുസ്സൈൻ,

ഉപദേശകസമിതി ചെയർമാൻ എംപി ഷാഫി ഹാജി, വടകര നിയോജക മണ്ഡലം മുസ്ലിം ലീഗ് ജനറൽ സെക്രട്ടറി പി.പി. ജാഫർ,വനിതാ വിങ് പ്രസിഡണ്ട് സമീറ നാസർ,ജനറൽ സെക്രട്ടറി സലീന കൂലത്ത്,ട്രഷറർ സമീറ അൻവർ, കെഎംസിസി യുടെ വിവിധ ഘടകങ്ങളിലെ ഭാരവാഹികൾ,പ്രവർത്തകർ, സാമൂഹ്യ സാസ്‍കാരിക രാഷ്ട്രീയ രംഗത്തെ പ്രമുഖർ സംബന്ധിക്കും.

ഖത്തറിൽ ജീവിക്കുന്ന പ്രവാസി വനിതകളുടെ തുടർ വിദ്യാഭ്യാസം ഉൾപ്പെടെ, മാനസിക സമ്മർദം ലഘൂകരിക്കാനുള്ള കൗൺസിലിംഗ്, അവർക്കാവശ്യമായ മറ്റു മാർഗനിർദേശങ്ങൾ എന്നിവ നൽകുന്നതിന് വിവിധ മേഖലകളിൽ പ്രാവീണ്യം നേടിയ വനിതകളുടെ പ്രത്യേക വിങ് രൂപീകരിച്ചാണ് ‘ഹെർ ഇമ്പാക്റ്റ്’ പ്രവർത്തിക്കുകയെന്ന് വനിതാ വിങ് പ്രസിഡണ്ട് സമീറ നാസർ,

ജനറൽ സെക്രട്ടറി സലീന കൂലത്ത് എന്നിവർ പറഞ്ഞു. ഇതിനായി അനുവദിക്കുന്ന പ്രത്യേക ക്യൂ.ആർ കോഡ് വഴി സ്ത്രീകൾക്ക് സഹായം തേടാവുന്നതാണ്. വാര്‍ത്താ സമ്മേളനത്തില്‍ ഡോ. അബ്ദുസ്സമദ്, ഹുസൈന്‍, മൈമൂന, സലീം നാലകത്ത്, സലിന കുലത്ത്, സമീറ അബ്ദുന്നാസര്‍, സമീറ പി കെ എന്നിവര്‍ പങ്കെടുത്തു.

#hold #hands; #Qatar #KMCC #women'swing #HerImpact' #project #continue #education #stopped #halfway

Next TV

Related Stories
#eidprayer |ബഹ്റൈനിൽ ഈദ് നമസ്കാരം 5.05ന്; ഈദ് ഗാഹുകൾ സജ്ജം

Jun 15, 2024 10:51 PM

#eidprayer |ബഹ്റൈനിൽ ഈദ് നമസ്കാരം 5.05ന്; ഈദ് ഗാഹുകൾ സജ്ജം

ഈദ് ഗാഹ് വിജയിപ്പിക്കുന്നതിന് വിപുലമായ സ്വാഗത സംഘം രൂപവത്കരിച്ച് നേരത്തെ തന്നെ...

Read More >>
#death |ചികിത്സക്കുപോയ പ്രവാസി നാട്ടിൽ അന്തരിച്ചു

Jun 15, 2024 10:11 PM

#death |ചികിത്സക്കുപോയ പ്രവാസി നാട്ടിൽ അന്തരിച്ചു

ദോഫാർ ഫുഡ്സ് ആൻഡ് ഇൻവെസ്റ്റ്മെന്റ് വർക്ക്ഷോപ്പ് ഡിപ്പാർട്ട്മെൻറിൽ മെക്കാനിക് സൂപ്പർവൈസറായി ജോലി ചെയ്തു...

Read More >>
#death | വടകര സ്വദേശിയുടെ മൃതദേഹം റിയാദിൽ ഖബറടക്കി

Jun 15, 2024 10:04 PM

#death | വടകര സ്വദേശിയുടെ മൃതദേഹം റിയാദിൽ ഖബറടക്കി

മരണാനന്തര നടപടികൾ പൂർത്തീകരിച്ചത്​ സാമൂഹികപ്രവർത്തകൻ സിദ്ദീഖ്​ തുവ്വൂരിന്റെ...

Read More >>
#death |നാട്ടിലേക്ക്​ മടങ്ങാനിരുന്ന മലയാളി ഹാഇലിൽ മരിച്ചു

Jun 15, 2024 09:01 PM

#death |നാട്ടിലേക്ക്​ മടങ്ങാനിരുന്ന മലയാളി ഹാഇലിൽ മരിച്ചു

ശമ്പള കുടിശ്ശികയും മറ്റുമായി സ്പോൺസർ നൽകാനുള്ള വലിയ തുകക്കായി കോടതിയെ സമീപിച്ച രാജീവൻ അനുകൂല വിധി...

Read More >>
#hajj | രാഷ്ട്രീയ മുദ്രാവാക്യങ്ങള്‍ക്കുള്ള വേദിയായി ഹജ്ജിനെ മാറ്റരുത് -അറഫ പ്രഭാഷണത്തിൽ ശൈഖ് ഡോ. മാഹിർ അൽ മുഖൈലി

Jun 15, 2024 07:14 PM

#hajj | രാഷ്ട്രീയ മുദ്രാവാക്യങ്ങള്‍ക്കുള്ള വേദിയായി ഹജ്ജിനെ മാറ്റരുത് -അറഫ പ്രഭാഷണത്തിൽ ശൈഖ് ഡോ. മാഹിർ അൽ മുഖൈലി

മക്ക ഇമാമും മുതിർന്ന പണ്ഡിത സഭാംഗവുമായ ശൈഖ് ഡോ. മാഹിർ അൽ മുഖൈലിയാണ് അറഫ പ്രഭാഷണം...

Read More >>
#death | ഹജ്ജ് തീര്‍ഥാടനത്തിനെത്തിയ മലയാളി മരിച്ചു

Jun 15, 2024 12:54 PM

#death | ഹജ്ജ് തീര്‍ഥാടനത്തിനെത്തിയ മലയാളി മരിച്ചു

ആശുപത്രിയില്‍ പ്രവേശിപ്പിച്ചെങ്കിലും രോഗം മൂർഛിച്ചതിനു പിന്നാലെ മരിക്കുകയായിരുന്നു. സ്വകാര്യ ഹജ്ജ് ഗ്രൂപ്പ് വഴിയാണ് ഹജ്ജിനു...

Read More >>
Top Stories