---
title: "#fire | കുവൈത്തിൽ ഫ്ലാറ്റിന് തീ പിടിച്ചു; നാല് പേർ മരിച്ചതായി റിപ്പോർട്ട് "
english_title: "#Flat #caught #fire #Kuwait;#people #reported #dead"
publisher: "gccnews.in"
canonical_url: "https://gcc.truevisionnews.com/news/211614/flat-caught-fire-kuwaitpeople-reported-dead"
published_at: "2024-06-12T11:38:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/66693b88d75d8_ff.jpg"
keywords: []
---

# #fire | കുവൈത്തിൽ ഫ്ലാറ്റിന് തീ പിടിച്ചു; നാല് പേർ മരിച്ചതായി റിപ്പോർട്ട് 

> **Lead Summary:** **[ ** കുവൈത്തിൽ ഫ്ലാറ്റിന് തീപിടിച്ച് 4 പേർ മരിച്ചതായി റിപ്പോർട്ട്. ഒട്ടേറെപേർക്ക് പരുക്കേറ്റിട്ടുണ്ടെന്നാണ് വിവരം.

## Article Content

**[ ** കുവൈത്തിൽ ഫ്ലാറ്റിന് തീപിടിച്ച് 4 പേർ മരിച്ചതായി റിപ്പോർട്ട്. ഒട്ടേറെപേർക്ക് പരുക്കേറ്റിട്ടുണ്ടെന്നാണ് വിവരം.

മങ്കെഫ് ബ്ലോക്ക് നാലിൽ പ്രവാസി മലയാളിയുടെ ഉടമസ്ഥതയിലുള്ള കമ്പനിയിലെ ജീവനക്കാർ താമസിച്ചിരുന്ന ഫ്ലാറ്റിലാണ് പുലർച്ചെ നാലുമണിയോടെ തീപിടിത്തമുണ്ടായത്.

പുലർച്ചെ നാലുമണിക്ക് ആരംഭിച്ച തീ കെട്ടിടത്തിൽ ആളി പടരുകയായിരുന്നു. മലയാളികൾ അടക്കം ഒട്ടേറെ പേരാണ് ക്യാമ്പിൽ താമസിക്കുന്നത്.

തീ പടർന്നതിനെ തുടർന്ന് കെട്ടിടത്തിൽ നിന്നും ചാടിയവർക്കാണ് ഗുരുതര പരിക്കേറ്റത്. ഇവരെ അദാൻ, ജബൈര്‍ , മുബാറക് എന്നീ ആശുപത്രികളിലായി പ്രവേശിപ്പിച്ചിരിക്കുകയാണ്.

മരണസംഖ്യ ഉയർന്നേക്കുമെന്നാണ് സൂചന. തീ നിയന്ത്രണ വിധേയമായിട്ടുണ്ട്. സമീപത്തേക്ക് തീ പടരാതിരുന്നതിനാൽ വൻ അപകടമാണ് ഒഴിവായിയത്.

അഗ്നിശമനസേനയും പൊലീസും ചേർന്ന് പരുക്കേറ്റവരെ ആശുപത്രിയിലേക്ക് എത്തിച്ചുകൊണ്ടിരിക്കുകയാണ്.

### Related Links & Sources
- [Original Story Source](https://gcc.truevisionnews.com/news/211614/flat-caught-fire-kuwaitpeople-reported-dead)