മനാമ: (gcc.truevisionnews.com) ജീവകാരുണ്യ പ്രവർത്തനങ്ങളുടെ ഭാഗമായി തണൽ ബഹ്‌റൈൻ ചാപ്റ്റർ രക്തദാന ക്യാമ്പ് സംഘടിപ്പിച്ചു.
സൽമാനിയ മെഡിക്കൽ കോംപ്ലക്സുമായി സഹകരിച്ചു നടത്തിയ ക്യാമ്പ് ബ്ലഡ് ബാങ്ക് മേധാവി സകനാ സഈദ് ഉദ്ഘാടനം ചെയ്തു.
പ്രവാസികളായ ഇന്ത്യക്കാർ, വിശിഷ്യാ മലയാളികൾ ചെയ്യുന്ന ഇത്തരം ജീവകാരുണ്യ പ്രവർത്തനങ്ങൾ അഭിനന്ദനാർഹമാണെന്ന് ഉദ്ഘാടന പ്രസംഗത്തിൽ സകനാ സഈദ് പറഞ്ഞു.
ലോകകേരള സഭ അംഗങ്ങളായ സുബൈർ കണ്ണൂർ, ഷാജി മൂതല, മറ്റു സാമൂഹിക പ്രവർത്തകരായ കെ.ആർ. നായർ, കെ.ടി. സലിം, സയ്യിദ് ഹനീഫ്, ഇ.വി.രാജീവൻ എന്നിവർ സംസാരിച്ചു.
റിയാസ് ആയഞ്ചേരി, ശ്രീജിത്ത് കണ്ണൂർ, സലിം കണ്ണൂർ, അനിൽ കൊയിലാണ്ടി, ജലീൽ പി.കെ, ഷംസുദ്ദീൻ വി.പി., സത്യൻ പേരാമ്പ്ര എന്നിവർ പരിപാടികൾക്ക് നേതൃത്വം നൽകി.
കെ.എം.സി.സി. ജനറൽ സെക്രട്ടറി ഷംസുദ്ദീൻ വെള്ളികുളങ്ങര, ഗഫൂർ കൈപ്പമംഗലം, കെ.പി.മുസ്തഫ, നവാസ് കുണ്ടറ എന്നിവർ ക്യാമ്പ് സന്ദർശിച്ചു.
അഷറഫ് മണിയൂർ, ഹരീന്ദ്രൻ, ഫൈസൽ മടപ്പള്ളി, മണിക്കുട്ടൻ, ഷബീർ മാഹി, എം.പി.വിനീഷ്, അസീൽ അബ്ദു റഹ്മാൻ, ഇബ്രാഹിം ഹസ്സൻ പുറക്കാട്ടിരി, ലത്തീഫ് ആയഞ്ചേരി എന്നിവർ പരിപാടികൾ നിയന്ത്രിച്ചു.
റഷീദ് മാഹി സ്വാഗതവും മുജീബ് മാഹി നന്ദിയും പറഞ്ഞു.
#thanal #bahrain #chapter #organized #blood #donation- #camp
