മനാമ: (gccnews.in) 2024-ൽ ലോകത്തിലെ ഏറ്റവും സുരക്ഷിതമായ രാജ്യങ്ങളിലൊന്നായി ബഹ്‌റൈൻ.
പ്രമുഖ മാസികയായ സിഇഒ വേൾഡ് മാസികയാണ് 2024-ലെ ലോകത്തിലെ ഏറ്റവും സുരക്ഷിതമായ രാജ്യങ്ങളുടെ കണക്കെടുപ്പ് നടത്തി റിപ്പോർട്ട് പ്രസിദ്ധീകരിച്ചത്.
കണക്കനുസരിച്ച്, ബഹ്‌റൈൻ ഗൾഫ് മേഖലയിൽ മൂന്നാം സ്ഥാനത്തും ആഗോളതലത്തിൽ 20-ാം സ്ഥാനത്തുമാണ്.
ഗൾഫിൽ ഒന്നാം സ്ഥാനവും ആഗോളതലത്തിൽ രണ്ടാം സ്ഥാനവും യുഎഇ കരസ്ഥമാക്കി. സൗദി അറേബ്യ ഗൾഫിൽ രണ്ടാം സ്ഥാനത്തും ആഗോളതലത്തിൽ 16-ാം സ്ഥാനത്തുമെത്തിയപ്പോൾ ഗൾഫിൽ കുവൈത്ത് നാലാമതും ആഗോളതലത്തിൽ 36-ാമതും സ്ഥാനം നേടി.
ഗൾഫിൽ ഖത്തർ അഞ്ചാമതും ആഗോളതലത്തിൽ 60-ാമതും, ഒമാൻ ഗൾഫിൽ ആറാമതും ആഗോളതലത്തിൽ 147-ാം സ്ഥാനത്തുമാണ്.
#Bahrain #safestcountries #world
