ദോഹ :(gcc.truevisionnews.com)ഖത്തർ അബൂസംറ അതിർത്തിയിലൂടെ സഞ്ചരിക്കുന്ന വാഹനങ്ങൾക്ക് കാലപരിധി ഏർപ്പെടുത്തിയതായി ആഭ്യന്തര മന്ത്രാലയം അറിയിച്ചു.
ടാക്സി, ബസ്, ട്രക്ക് എന്നിവയെ ഇത് ബാധിക്കും.
നിർമിച്ച തീയതി മുതൽ അഞ്ചു വർഷത്തിൽ കൂടുതൽ പഴക്കമുള്ള ടാക്സി കാറുകളും ട്രക്കുകളും ഈ അതിർത്തി വഴി പുറത്തുപോകാൻ അനുവദിക്കില്ല.
ബസുകൾക്ക് ഈ പരിധി പത്ത് വർഷമാണ്.
ഖത്തറിൽ നിന്ന് സൗദിയിലേക്ക് സർവീസ് നടത്തുന്ന നിരവധി ടാക്സി കാറുകൾക്ക് ഈ തീരുമാനം ഒരു പ്രതിസന്ധിയായിരിക്കും.
എന്നാൽ യാത്രക്കാരുടെ സുരക്ഷ ഉറപ്പാക്കുക എന്ന ലക്ഷ്യത്തോടെയാണ് ഈ നടപടി സ്വീകരിച്ചിരിക്കുന്നതെന്ന് അധികൃതർ അറിയിച്ചു.
#qatar #ministry #interior #sets #age #limit #for #vehicles
