ജിദ്ദ: (gccnews.in) വെള്ളിയാഴ്ച മുതൽ ചൊവ്വാഴ്ച വരെ മക്കയിലും സൗദി അറേബ്യയിലെ മറ്റ് പ്രദേശങ്ങളിലും മഴയ്ക്ക് സാധ്യതയുള്ളതായി സൗദി സിവിൽ ഡിഫൻസ് ജനറൽ ഡയറക്ടറേറ്റ് അറിയിച്ചു.
കാലാവസ്ഥാ പ്രവചനത്തിന്റെ പശ്ചാത്തലത്തിൽ പൊതുജനങ്ങൾ അതീവ ജാഗ്രത പാലിക്കണമെന്നും സുരക്ഷ ഉറപ്പാക്കണമെന്നും ഡയറക്ടറേറ്റ് അഭ്യർഥിച്ചു.
സുരക്ഷിതമായ സ്ഥലങ്ങളിൽ തങ്ങാനും വെള്ളക്കെട്ടുകളും താഴ്‌വരകളും ഒഴിവാക്കാനും പൊതുജനങ്ങളോട് ആവശ്യപ്പെട്ടു.
ഈ പ്രദേശങ്ങളിൽ നീന്തരുതെന്ന് ഡയറക്ടറേറ്റ് ആവശ്യപ്പെട്ടു. വിവിധ മാധ്യമങ്ങളിലൂടെയും സമൂഹ മാധ്യമങ്ങളിലൂടെയും നൽകുന്ന നിർദ്ദേശങ്ങൾ വ്യക്തികൾ കർശനമായി പാലിക്കണമെന്ന് ഡയറക്ടറേറ്റ് ഊന്നിപ്പറഞ്ഞു.
ഈ ദിവസങ്ങളിൽ പേമാരി, ആലിപ്പഴം, പൊടിക്കാറ്റ് എന്നിവയ്ക്ക് കാരണമാകുന്ന സാമാന്യം ശക്തമായ മഴ മക്ക മേഖലയിലെ പല ഗവർണറേറ്റുകളെയും പ്രദേശങ്ങളെയും ബാധിക്കുമെന്ന് ഡയറക്ടറേറ്റ് അഭിപ്രായപ്പെട്ടു.
ഇവയിൽ തായിഫ്, മെയ്‌സാൻ, അദം, അൽ കാമിൽ, അൽ അർദിയാത്ത് എന്നിവ ഉൾപ്പെടുന്നു. അതേസമയം റിയാദ് , അൽ കാമിൽ, അൽ ജുമും, ഖുൻഫുദ, അലൈത്ത്, അൽ ഖുർമ, തുർബ, റാനിയ, അൽ എന്നിവിടങ്ങളിൽ നേരിയതോ മിതമായതോ ആയ മഴ പ്രതീക്ഷിക്കാവുന്നതാണ്.
ഈ ദിവസങ്ങളിൽ റിയാദ് മേഖലയിലെ അൽ അഫ്‌ലാജ്, ഹോത്താഹ് ബാനി തമീം, അൽ ഖർജ്, വാദി അൽ ദവാസിർ, അൽ സുലൈയിൽ എന്നിവിടങ്ങളിൽ നേരിയതോ മിതമായതോ ആയ മഴയും മണൽക്കാറ്റും ബാധിക്കുമെന്ന് ഡയറക്ടറേറ്റ് മുന്നറിയിപ്പ് നൽകി.
അസീർ, അൽ ബാഹ, ജിസാൻ മേഖലകളിൽ ഇടത്തരം മുതൽ ശക്തമായ മഴയും മദീന, നജ്‌റാൻ, കിഴക്കൻ പ്രവിശ്യകൾ എന്നിവിടങ്ങളിൽ നേരിയതോ മിതമായതോ ആയ മഴയും അനുഭവപ്പെടുമെന്ന് ഡയറക്ടറേറ്റ് പത്രക്കുറിപ്പിൽ അറിയിച്ചു.
#Chance #rain #Makkah #areas #Friday #Tuesday
.jpg)
