---
title: "കുവൈത്തിലെ 250 ഓളം മലയാളി നഴ്സുമാരുടെ ജോലി പ്രതിസന്ധിയിൽ"
english_title: "About 250 Malayalee nurses in Kuwait in crisis"
publisher: "gccnews.in"
canonical_url: "https://gcc.truevisionnews.com/news/23318/about-250-malayalee-nurses-in-kuwait-in-crisis"
published_at: "2022-01-29T16:32:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/61f51fd963d18_nurse.jpg"
keywords: []
---

# കുവൈത്തിലെ 250 ഓളം മലയാളി നഴ്സുമാരുടെ ജോലി പ്രതിസന്ധിയിൽ

> **Lead Summary:** **കുവൈത്ത് സിറ്റി : **കുവൈത്ത് ആരോഗ്യ മന്ത്രാലയത്തിനു ‌കീഴിൽ ജോലി ചെയ്യുന്ന, 250 മലയാളികളടക്കം 380 നഴ്സുമാരുടെ ജോലി പ്രതിസന്ധിയിൽ. 26ന് തൊഴിൽ കരാർ കാലാവധി അവസാനിക്കുമെന്ന് 2 ദിവസം ‌മുൻപ് ആശുപത്രി അധികൃതർ നഴ്സുമാരെ അറിയിക്കുകയായിരുന്നു.

## Article Content

**കുവൈത്ത് സിറ്റി : **കുവൈത്ത് ആരോഗ്യ മന്ത്രാലയത്തിനു ‌കീഴിൽ ജോലി ചെയ്യുന്ന, 250 മലയാളികളടക്കം 380 നഴ്സുമാരുടെ ജോലി പ്രതിസന്ധിയിൽ. 26ന് തൊഴിൽ കരാർ കാലാവധി അവസാനിക്കുമെന്ന് 2 ദിവസം ‌മുൻപ് ആശുപത്രി അധികൃതർ നഴ്സുമാരെ അറിയിക്കുകയായിരുന്നു.

ജെടിസി- അൽസുകൂർ കമ്പനി വഴി കരാർ വ്യവസ്ഥയിൽ നിയമിക്കപ്പെട്ടവരാണ് എല്ലാവരും. അവധിയെടുത്തു നാട്ടിൽ പോകണമെന്നും പുതിയ കരാർ ലഭിച്ചാൽ തിരികെ കൊണ്ടുവരാമെന്നുമാണു കമ്പനി പറയുന്നത്.

എന്നാൽ കമ്പനിയിൽനിന്നു വിടുതൽ നൽകിയാൽ ഇവർക്ക് ആരോഗ്യമന്ത്രാലയത്തിൽതന്നെ നിയമനം ലഭിക്കാൻ സാധ്യതയുണ്ട്. പുതിയ ആളുകളെ എത്തിക്കാൻ കമ്പനിക്ക് അവസരം നഷ്ടപ്പെടുന്നതുകൊണ്ടാണു വിടുതൽ നൽകാത്തതെന്നാണ് ആരോപണം.

നഴ്സുമാരുടെ തൊഴിൽ നഷ്ടപ്പെട്ടതുമായി ബന്ധപ്പെട്ടു സ്ഥാനപതി സിബി ജോർജ് കഴിഞ്ഞ ദിവസം കുവൈത്ത് ആരോഗ്യ മന്ത്രിയുമായി ചർച്ച നടത്തിയിരുന്നു. ഉചിതമായ പരിഹാരം ഉണ്ടാകുമെന്ന് ആരോഗ്യമന്ത്രി വ്യക്തമാക്കിയതായാണു വിവരം.

### Related Links & Sources
- [Original Story Source](https://gcc.truevisionnews.com/news/23318/about-250-malayalee-nurses-in-kuwait-in-crisis)