കുവൈത്ത് സിറ്റി: (gcc.truevisionnews.com) സെന്‍ട്രല്‍ ജയിലില്‍ നടത്തിയ പരിശോധനയിലാണ് ലഹരിമരുന്ന് പുരട്ടിയ ടോ‌യ്‌ലറ്റ് ടിഷ്യൂ റോളുകള്‍ അധികൃതര്‍ കണ്ടെത്തിയത്.
ഇന്നലെ നടത്തിയ പരിശോധനയിലാണ് 20 വലുപ്പമുള്ള ഷീറ്റുകള്‍ അടങ്ങിയ മൂന്ന് റോളുകള്‍ കണ്ടെടുത്തത്.
സെന്‍ട്രല്‍ ജയിലിനുള്ളിലെ വാര്‍ഡ് 5-ല്‍ നടത്തിയ റെയ്ഡില്‍ രഹസ്യ സ്ഥലങ്ങളില്‍ എ-ഫോര്‍ വലുപ്പമുള്ള റോളുകളായി ഒളിപ്പിച്ച് വച്ചിരിക്കുകയായിരുന്നു ഇവ.
ലഹരിമരുന്ന് അടങ്ങിയ പേപ്പറുകള്‍ക്കൊപ്പം, മൊബൈല്‍ ഫോണുകള്‍, വിവിധ ചാര്‍ജിങ് കേബിളുകള്‍, മൂര്‍ച്ചയുള്ള വസ്തുക്കളും അധികൃതര്‍ പിടിച്ചെടുത്തിട്ടുണ്ട്.
ജയിലിലേക്ക് എങ്ങനെയാണ് ഈ വസ്തുക്കള്‍ കടത്തിയതെന്ന് കണ്ടെത്താന്‍ സിസിടിവി ക്യാമറ ദൃശ്യങ്ങള്‍ നിരീക്ഷിച്ച് വരുകയാണ്.
#Rolls #Drugged #tissue #seized #Kuwait #CentralJail
