റാസൽഖൈമ : (gcc.truevisionnews.com) റാസൽഖൈമയിൽ മലയിൽനിന്നു വീണ് മരിച്ച കണ്ണൂർ തോട്ടട സ്വദേശിയുടെ മൃതദേഹം നാട്ടിലെത്തിച്ചു.
വട്ടക്കുളം കോൺഗ്രസ് ഭവനു സമീപം മൈഥിലി സദനത്തിൽ സായന്ത് മധുമ്മൽ (32) ആണ് മരിച്ചത്.
അവധി ആഘോഷിക്കാനായി സുഹൃത്തുക്കൾക്കൊപ്പം റാസൽഖൈമയിൽ എത്തിയ സായന്ത് ജബൽ ജെയ്സ് മലയിൽ നിന്ന് വീണാണ് അപകടം.
തിങ്കളാഴ്ച പുലർച്ചെയാണ് അപകടം. മലയ്ക്കു മുകളിൽ സായന്തിനെ കാണാതായതിനെ തുടർന്ന് പൊലീസ് നടത്തിയ തിരച്ചിലിലാണ് താഴെ മരിച്ച നിലയിൽ കണ്ടെത്തിയത്.
ദുബായിൽ ഓട്ടോ ഗാരിജ് ജീവനക്കാരനാണ്. പിതാവ് മധുമ്മൽ രമേശൻ. മാതാവ് സത്യ. ഭാര്യ അനുശ്രീ. സഹോദരി സോണിമ (റെയിൽവേ).
#body #native #Kannur #who #died #after #falling #from #mountain #RasAlKhaimah #brought #home
