.jpg)
റിയാദ്: (gcc.truevisionnews.com) പ്രവാസി മലയാളി ഹൃദയാഘാതം മൂലം സൗദിയിൽ അന്തരിച്ചു.
കെഎംസിസി നേതാവായ അബ്ദുൽ ഷുക്കൂർ (57) ആണ് ദമ്മാമിന് സമീപം ഖത്വീഫിൽ നിര്യാതനായത്.
ഖത്വീഫ് അനക്ക് ഏരിയ കെഎംസിസി ചെയർമാൻ മമ്പാട് ടാണയിൽ പനങ്ങാടൻ ബാപ്പുട്ടി-ആമിന ദമ്പതികളുടെ മകനാണ് ഇദ്ദേഹം.
ദീർഘകാലമായി അനക്കിൽ എയർകണ്ടീഷണിങ് മേഖലയിൽ പ്രവർത്തിച്ചു വരികയായിരുന്നു.
ഭാര്യ: സാജിത. മക്കൾ: സുജു സിയാസ്, സിനു സിയാന, സിലി സിഫ്ല. മരുമക്കൾ: ഹംസ തൃപ്പനച്ചി, നിഷാദ് കുണ്ടുതൊട്, വാഹിദ കാട്ടുമുണ്ട.
ഖത്വീഫ് സെൻട്രൽ ആശുപത്രിയിലുള്ള മൃതദേഹം നിയമനടപടികൾ പൂർത്തീകരിച്ച് നാട്ടിൽ കൊണ്ടുപോകുമെന്ന് ബന്ധുക്കളും കെ.എം.സി.സി നേതാക്കളും അറിയിച്ചു.
#heart #attack #Expatriate #Malayali #passed #away #Saudi
