---
title: "കുവൈത്തിലെ ആദ്യ മൊബൈൽ ഫുഡ് ടെസ്റ്റിംഗ് ലബോറട്ടറി പ്രവർത്തനമാരംഭിച്ചു"
english_title: "#Kuwait's #first #mobile #food #testing #laboratory #launched"
publisher: "gccnews.in"
canonical_url: "https://gcc.truevisionnews.com/news/267657/kuwaits-first-mobile-food-testing-laboratory-launched"
published_at: "2025-02-03T11:53:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/67a0610f3b3c0_kuwait.jpg"
keywords: []
---

# കുവൈത്തിലെ ആദ്യ മൊബൈൽ ഫുഡ് ടെസ്റ്റിംഗ് ലബോറട്ടറി പ്രവർത്തനമാരംഭിച്ചു

> **Lead Summary:** **കുവൈത്ത് സിറ്റി: ** പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷൻ കുവൈത്തിലെ ആദ്യത്തെ മൊബൈൽ ഫുഡ് ടെസ്റ്റിംഗ് ലബോറട്ടറി അന്താരാഷ്ട്ര വിമാനത്താവളത്തിൽ ഔദ്യോഗികമായി തുറന്നു.

## Article Content

**കുവൈത്ത് സിറ്റി: ** പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷൻ കുവൈത്തിലെ ആദ്യത്തെ മൊബൈൽ ഫുഡ് ടെസ്റ്റിംഗ് ലബോറട്ടറി അന്താരാഷ്ട്ര വിമാനത്താവളത്തിൽ ഔദ്യോഗികമായി തുറന്നു.

ഭക്ഷ്യസുരക്ഷ ഉറപ്പാക്കുന്നതിനും വ്യാപാരം സുഗമമാക്കുന്നതിനും കസ്റ്റംസ് നടപടിക്രമങ്ങൾ കാര്യക്ഷമമാക്കുന്നതിനും ലക്ഷ്യമിട്ടുള്ള രാജ്യത്ത് നടന്നുകൊണ്ടിരിക്കുന്ന വികസന പദ്ധതികളുടെ ഭാഗമാണ് ഈ പുതിയ സംരംഭം.

വിമാനത്താവളത്തിൽ നേരിട്ട് പരിശോധന നടത്തി ഭക്ഷ്യ ഉൽപന്നങ്ങളുടെ, പ്രത്യേകിച്ച് കേടാകുന്നവയുടെ ക്ലിയറൻസ് ത്വരിതപ്പെടുത്തുകയാണ് ലബോറട്ടറിയിലൂടെ സ്ഥാപനം ലക്ഷ്യമിടുന്നതെന്ന് ഡയറക്ടർ ബോർഡ് ചെയർമാനും അതോറിറ്റി ഡയറക്ടർ ജനറലുമായ ഡോ. റീം അൽ ഫുലൈജ് വിശദീകരിച്ചു.

ഇത് ഷുവൈഖിലെ പ്രധാന ലബോറട്ടറിയിലേക്ക് സാധനങ്ങൾ കൊണ്ടുപോകേണ്ടതിന്‍റെ ആവശ്യകത ഇല്ലാതാക്കുന്നു. വേഗമേറിയതും കാര്യക്ഷമവുമായ പരിശോധന ഉറപ്പാക്കുന്നുവെന്നും അദ്ദേഹം കൂട്ടിച്ചേര്‍ത്തു.

### Related Links & Sources
- [Original Story Source](https://gcc.truevisionnews.com/news/267657/kuwaits-first-mobile-food-testing-laboratory-launched)