മു​നി​സി​പ്പാ​ലി​റ്റി പ​രി​ശോ​ധ​ന; റി​യാ​ദി​ൽ മൂ​ന്ന്​ പ്ര​മു​ഖ റ​സ്റ്റാ​റ​ന്റു​ക​ൾ ഉ​ൾ​പ്പെ​ടെ 29 സ്ഥാ​പ​ന​ങ്ങ​ൾ അ​ട​ച്ചു​പൂ​ട്ടി

റി​യാ​ദ്​: ജ​ന​ങ്ങ​ളു​ടെ ജീ​വി​ത​നി​ല​വാ​രം മെ​ച്ച​പ്പെ​ടു​ത്തു​ന്ന​തി​നും ആ​രോ​ഗ്യ​സു​ര​ക്ഷ മു​ൻ​നി​ർ​ത്തി​യും റി​യാ​ദ്​ ന​ഗ​ര​ത്തി​ൽ മു​നി​സി​പ്പാ​ലി​റ്റി ന​ട​ത്തി​വ​രു​ന്ന പ​രി​ശോ​ധ​ന​യി​ൽ ഗു​രു​ത​ര നി​യ​മ​ലം​ഘ​ന​ങ്ങ​ൾ ന​ട​ത്തി​യ മൂ​ന്ന്​ പ്ര​മു​ഖ റ​സ്റ്റാ​റ​ന്റു​ക​ൾ ഉ​ൾ​പ്പെ​ടെ 29 സ്ഥാ​പ​ന​ങ്ങ​ൾ അ​ട​ച്ചു​പൂ​ട്ടി. അ​ന​ധി​കൃ​ത​മാ​യി ജോ​ലി ചെ​യ്​​ത 23 തൊ​ഴി​ലാ​ളി​ക​ളെ അ​റ​സ്റ്റു​ചെ​യ്​​തു.

Also read: പെ​ട്രോ​ൾ പ​മ്പു​ക​ളി​ൽ പ​രി​ശോ​ധ​ന; കാ​മ്പ​യി​ൻ ആ​രം​ഭി​ച്ചു

സൗ​ദി ത​ല​സ്ഥാ​ന​ന​ഗ​ര​ത്തി​ലെ ന്യൂ ​മ​ൻ​ഫു​അ, ദീ​ര, ഊ​ദ്, മ​ർ​ഖ​ബ്​ എ​ന്നി​വി​ട​ങ്ങ​ൾ കേ​ന്ദ്രീ​ക​രി​ച്ച്​ ന​ട​ത്തി​യ പ​രി​ശോ​ധ​ന​യി​ൽ പാ​ച​കം​ചെ​യ്​​ത 121 കി​ലോ ഉ​പ​യോ​ഗ​ശൂ​ന്യ​മാ​യ ഭ​ക്ഷ​ണ​വി​ഭ​വ​ങ്ങ​ളും അ​ന​ധി​കൃ​ത​മാ​യും വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ലും സൂ​ക്ഷി​ച്ച 4500 കി​ലോ​ഗ്രാം ഭ​ക്ഷ്യ​വ​സ്​​തു​ക്ക​ളും പി​ടി​കൂ​ടി.

വി​വി​ധ​യി​നം ന​ട്​​സു​ക​ൾ വി​ൽ​ക്കു​ന്ന ര​ണ്ടു സ്റ്റാ​ളു​ക​ൾ, നാ​ല്​ മൊ​ബൈ​ൽ ഫോ​ൺ മെ​യി​ന്റ​ന​ൻ​സ്​ കൗ​ണ്ട​റു​ക​ൾ, ര​ണ്ട്​ തു​ണി​ക്ക​ട​ക​ൾ, 53 പ​ഴം​പ​ച്ച​ക്ക​റി സ്റ്റാ​ളു​ക​ൾ എ​ന്നി​വ നീ​ക്കം​ചെ​യ്​​തു.

Also read: വി​രു​ദ്ധ ചോ​ദ്യ​ങ്ങ​ൾ അ​ട​ങ്ങി​യ ചോ​ദ്യാ​വ​ലി വി​ദ്യാ​ർ​ഥി​ക​ൾ​ക്ക് നൽകി; സ്വ​കാ​ര്യ സ്കൂ​ളി​നെ​തി​രെ അന്വേഷണം

റി​യാ​ദ്​ മേ​ഖ​ല ഡെ​പ്യൂ​ട്ടി അ​മീ​റി​​ന്റെ മേ​ൽ​നോ​ട്ട​ത്തി​ന് കീ​ഴി​ൽ റി​യാ​ദ്​ മു​നി​സി​പ്പാ​ലി​റ്റി​ക്ക്​ കീ​ഴി​ലു​ള്ള ജോ​യ​ന്റ്​ ഓ​പ​റേ​ഷ​ൻ​സ്​ ടീ​മാ​ണ്​ പ​രി​ശോ​ധ​ന ന​ട​ത്തി​യ​ത്. ബ​ന്ധ​പ്പെ​ട്ട വി​വി​ധ അ​തോ​റി​റ്റി​ക​ളു​ടെ സ​ഹ​ക​ര​ണ​വു​മു​ണ്ടാ​യി.

സ്ഥാ​പ​ന​ങ്ങ​ളു​ടെ​യും തൊ​ഴി​ലാ​ളി​ക​ളു​ടെ​യും ഒൗ​ദ്യോ​ഗി​ക രേ​ഖ​ക​ളെ​ല്ലാം പ​രി​ശോ​ധ​ന​വി​ധേ​യ​മാ​ക്കി

#Municipality #Examination #establishments #shut #down #Riyadh #three #prominent #restaurants