---
title: "ഡെലിവറി ജീവനക്കാരന്‍റെ കൈ തല്ലിയൊടിച്ചു, ചോദ്യം ചെയ്ത പൊലീസുകാരന്‍റെ തലയിൽ ആഷ് ട്രേ കൊണ്ടടിച്ച് യുവാവ്"
english_title: "young man broke delivery worker arm hit police officer head ashtray while questioning"
publisher: "gccnews.in"
canonical_url: "https://gcc.truevisionnews.com/news/287065/young-man-broke-delivery-worker-arm-hit-police-officer-head-ashtray-while-questioning"
published_at: "2025-04-30T22:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6812568c757ca_dfgfd.jpg"
keywords: []
---

# ഡെലിവറി ജീവനക്കാരന്‍റെ കൈ തല്ലിയൊടിച്ചു, ചോദ്യം ചെയ്ത പൊലീസുകാരന്‍റെ തലയിൽ ആഷ് ട്രേ കൊണ്ടടിച്ച് യുവാവ്

> **Lead Summary:** **കുവൈത്ത് സിറ്റി: [** ഭക്ഷണം ഡെലിവറി ചെയ്യാനെത്തിയ റെസ്റ്റോറന്‍റ് ജീവനക്കാരനെ മർദ്ദിച്ച് കൈ ഒടിച്ച കുവൈത്തി പൗരനെതിരെ കേസ്. ഇയാളെ പൊലീസ് സ്റ്റേഷനിലേക്ക് വിളിച്ചുവരുത്തിയപ്പോൾ ഒരു പൊലീസ് ഉദ്യോഗസ്ഥന്‍റെ തലയിൽ സിഗരറ്റ് ആഷ് ട്രേ കൊണ്ട് അടിക്കുകയും ചെയ്തതിന് മറ്റൊരു കേസും ചുമത്തിയിട്ടുണ്ട്.

## Article Content

**കുവൈത്ത് സിറ്റി: [** ഭക്ഷണം ഡെലിവറി ചെയ്യാനെത്തിയ റെസ്റ്റോറന്‍റ് ജീവനക്കാരനെ മർദ്ദിച്ച് കൈ ഒടിച്ച കുവൈത്തി പൗരനെതിരെ കേസ്. ഇയാളെ പൊലീസ് സ്റ്റേഷനിലേക്ക് വിളിച്ചുവരുത്തിയപ്പോൾ ഒരു പൊലീസ് ഉദ്യോഗസ്ഥന്‍റെ തലയിൽ സിഗരറ്റ് ആഷ് ട്രേ കൊണ്ട് അടിക്കുകയും ചെയ്തതിന് മറ്റൊരു കേസും ചുമത്തിയിട്ടുണ്ട്.

മുബാറക് അൽ കബീറിലെ വീട്ടിൽ ഒരു പൗരൻ ഒരു റെസ്റ്റോറന്റിൽ നിന്ന് ഭക്ഷണം ഓർഡർ ചെയ്തു. ഓർഡർ വീട്ടിലെത്തിയപ്പോൾ, താൻ ഓർഡർ ചെയ്ത ഭക്ഷണം സംബന്ധിച്ച് അയാൾ ഡെലിവറി ജീവനക്കാരനുമായി തർക്കിച്ചു. തുടര്‍ന്ന് ഡെലിവറി ജീവനക്കാരനെ മർദ്ദിക്കുകയും അയാളുടെ കൈ ഒടിക്കുകയും ചെയ്തെന്നാണ് അധികൃതർ പറയുന്നത്.

പരിക്കേറ്റ ജീവനക്കാരൻ മെഡിക്കൽ റിപ്പോർട്ടുമായി പൊലീസ് സ്റ്റേഷനിൽ പൗരനെതിരെ പരാതി നൽകി. തുടർന്ന് പൗരനെ പൊലീസ് സ്റ്റേഷനിലേക്ക് വിളിച്ചുവരുത്തി.

സ്റ്റേഷനിലെത്തിയപ്പോൾ സംഭവത്തെക്കുറിച്ച് ചോദ്യം ചെയ്യവേ, അയാൾ മേശപ്പുറത്തിരുന്ന സിഗരറ്റ് ആഷ് ട്രേ എടുത്ത് ഒരു പൊലീസുകാരന്‍റെ തലയിൽ ആഞ്ഞടിക്കുകയായിരുന്നു. പൊലീസുകാരനും പരിക്കേറ്റതായി സുരക്ഷാ വൃത്തങ്ങൾ അറിയിച്ചു.

### Related Links & Sources
- [Original Story Source](https://gcc.truevisionnews.com/news/287065/young-man-broke-delivery-worker-arm-hit-police-officer-head-ashtray-while-questioning)