---
title: "ഹൃദയാഘാതം; കണ്ണൂർ സ്വദേശി ഷാർജയിൽ അന്തരിച്ചു "
english_title: " heart attack young man from Kannur passed away in Sharjah "
publisher: "gccnews.in"
canonical_url: "https://gcc.truevisionnews.com/news/307685/heart-attack-young-man-from-kannur-passed-away-in-sharjah"
published_at: "2025-08-10T19:10:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6898a1b7e4482_death.jpg"
keywords: []
---

# ഹൃദയാഘാതം; കണ്ണൂർ സ്വദേശി ഷാർജയിൽ അന്തരിച്ചു 

> **Lead Summary:** **ഷാർജ: **ഹൃദയാഘാതത്തെ തുടർന്ന് കണ്ണൂർ സ്വദേശിയായ യുവാവ് ഷാർജയിൽ അന്തരിച്ചു. മാളൂട്ട് കണ്ണാടിപറമ്പ് സ്വദേശി അജ്സൽ ആണ് മരിച്ചത്. രണ്ട് മാസം മുമ്പാണ് അജ്സൽ വിസിറ്റിംഗ് വിസയിൽ ഷാർജയിലെത്തിയത്. രാവിലെ ഭക്ഷണം കഴിക്കുന്നതിനിടെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ഷാർജയിലെ അൽ ഖാസ്മി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

## Article Content

**ഷാർജ: **ഹൃദയാഘാതത്തെ തുടർന്ന് കണ്ണൂർ സ്വദേശിയായ യുവാവ് ഷാർജയിൽ അന്തരിച്ചു. മാളൂട്ട് കണ്ണാടിപറമ്പ് സ്വദേശി അജ്സൽ ആണ് മരിച്ചത്. രണ്ട് മാസം മുമ്പാണ് അജ്സൽ വിസിറ്റിംഗ് വിസയിൽ ഷാർജയിലെത്തിയത്. രാവിലെ ഭക്ഷണം കഴിക്കുന്നതിനിടെ ദേഹാസ്വാസ്ഥ്യം അനുഭവപ്പെട്ടതിനെ തുടർന്ന് ഷാർജയിലെ അൽ ഖാസ്മി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

യാബ് ലീഗല്‍ സര്‍വീസ് സി.ഇ.ഒ സലാം പാപ്പിനിശ്ശേരിയുടെ നേതൃത്വത്തില്‍ മൃതദേഹം നാട്ടിലെത്തിക്കാനുള്ള നിയമപരമായ നടപടികള്‍ പൂര്‍ത്തിയാക്കി. ദുബായ് എംബാമിങ് സെന്ററില്‍ നടന്ന മയ്യിത്ത് നമസ്‌കാരത്തില്‍ ബന്ധുക്കളും സുഹൃത്തുക്കളും ഉള്‍പ്പെടെ നിരവധി പേര്‍ പങ്കെടുത്തു. ഇന്ന് രാത്രി എയര്‍ ഇന്ത്യ വിമാനത്തില്‍ കൊണ്ടുപോകുന്ന മൃതദേഹം നാളെ പുലര്‍ച്ചെ നാട്ടിലെത്തിച്ച് ഖബറടക്കം ചെയ്യുമെന്ന് സഹോദരന്‍ അജ്മലും ബന്ധുക്കളും അറിയിച്ചു.

### Related Links & Sources
- [Original Story Source](https://gcc.truevisionnews.com/news/307685/heart-attack-young-man-from-kannur-passed-away-in-sharjah)