---
title: "റോഡ് മുറിച്ചു കടക്കുന്നതിനിടയിൽ കാർ ഇടിച്ച് മലയാളി മരിച്ചു; കുടുംബത്തിന് 95 ലക്ഷം ദയാധനം വിധിച്ച് അബുദാബി കോടതി"
english_title: "Malayali dies after being hit by car while crossing road; Abu Dhabi court awards Rs 95 lakh compensation to family"
publisher: "gccnews.in"
canonical_url: "https://gcc.truevisionnews.com/news/309159/malayali-dies-after-being-hit-by-car-while-crossing-road-abu-dhabi-court-awards-rs-95-lakh-compensation-to-family-NEW"
published_at: "2025-08-17T14:09:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/68a19585577d8_GG.jpg"
keywords: []
---

# റോഡ് മുറിച്ചു കടക്കുന്നതിനിടയിൽ കാർ ഇടിച്ച് മലയാളി മരിച്ചു; കുടുംബത്തിന് 95 ലക്ഷം ദയാധനം വിധിച്ച് അബുദാബി കോടതി

> **Lead Summary:** **അബുദാബി :** **[**റോഡ് മുറിച്ചു കടക്കുന്നതിനിടയിൽ കാർ ഇടിച്ച് മരിച്ച മലയാളിയുടെ കുടുംബത്തിനു 4 ലക്ഷം ദിർഹം (95.3 ലക്ഷം രൂപ) നൽകാൻ അബുദാബി കോടതി വിധിച്ചു. മലപ്പുറം രണ്ടത്താണി കൽപകഞ്ചേരി സ്വദേശി മുസ്തഫ ഓടായപ്പുറത്തിന്റെ കുടുംബത്തിനാണു തുക ലഭിക്കുക. 2023 ജൂലൈ ആറിനായിരുന്നു കേസിനാസ്പദമായ സംഭവം.

## Article Content

**അബുദാബി :** **[**റോഡ് മുറിച്ചു കടക്കുന്നതിനിടയിൽ കാർ ഇടിച്ച് മരിച്ച മലയാളിയുടെ കുടുംബത്തിനു 4 ലക്ഷം ദിർഹം (95.3 ലക്ഷം രൂപ) നൽകാൻ അബുദാബി കോടതി വിധിച്ചു. മലപ്പുറം രണ്ടത്താണി കൽപകഞ്ചേരി സ്വദേശി മുസ്തഫ ഓടായപ്പുറത്തിന്റെ കുടുംബത്തിനാണു തുക ലഭിക്കുക. 2023 ജൂലൈ ആറിനായിരുന്നു കേസിനാസ്പദമായ സംഭവം.

അബുദാബി അൽ ഖലീജ് അൽ അറബി സ്ട്രീറ്റിൽ അൽബതീനിൽ വച്ചായിരുന്നു അപകടം. ബസിൽ നിന്നിറങ്ങിയ ശേഷം റോഡ് മുറിച്ചു കടക്കുകയായിരുന്ന മുസ്തഫയെ സ്വദേശി ഓടിച്ച കാർ ഇടിക്കുകയായിരുന്നു. ഗുരുതര പരുക്കേറ്റ മുസ്തഫ സംഭവസ്ഥലത്തു തന്നെ മരിച്ചു. അശ്രദ്ധമായി വാഹനമോടിച്ചതാണ് അപകട കാരണമെന്ന് അന്വേഷണത്തിൽ കണ്ടെത്തി. ഇതേ തുടർന്നു മുസ്തഫയുടെ കുടുംബം യാബ്‌ ലീഗൽ സർവീസസ് മുഖേന നടത്തിയ നിയമ പോരാട്ടത്തിൽ 2 ലക്ഷം ദിർഹം ദയാധനം (ബ്ലഡ് മണി) നൽകാൻ അബുദാബി ക്രിമിനൽ കോടതി വിധിച്ചു.

കാർ ഡ്രൈവർക്ക് 20,000 ദിർഹം പിഴയും ചുമത്തി. എന്നാൽ തുക അപര്യാപ്തമാണെന്നും നഷ്ടപരിഹാരം കൂടി വേണമെന്ന് ആവശ്യപ്പെട്ട് നൽകിയ കേസിലാണ് ദയാധനത്തിനു പുറമേ 2 ലക്ഷം ദിർഹം കൂടി നൽകാൻ വിധിയുണ്ടായത്. ഇതോടെ കുടുംബത്തിനു മൊത്തം 4 ലക്ഷം ദിർഹം ലഭിച്ചു. ഉമ്മയും ഭാര്യയും 2 മക്കളും അടങ്ങുന്ന മുസ്തഫയുടെ കുടുംബത്തിന് ഇതു വലിയ കൈത്താങ്ങാകുമെന്നു യാബ്‌ ലീഗൽ സർവീസസ് സിഇഒ സലാം പാപ്പിനിശ്ശേരി പറഞ്ഞു.

### Related Links & Sources
- [Original Story Source](https://gcc.truevisionnews.com/news/309159/malayali-dies-after-being-hit-by-car-while-crossing-road-abu-dhabi-court-awards-rs-95-lakh-compensation-to-family-NEW)