---
title: "മോശം കാലാവസ്ഥ; സമയക്രമത്തിൽ മാറ്റം, കുവൈത്ത് എയർവേയ്‌സ് വിമാനങ്ങൾ വഴിതിരിച്ചുവിടും"
english_title: "Bad weather Schedule changes Kuwait Airways flights to be diverted"
publisher: "gccnews.in"
canonical_url: "https://gcc.truevisionnews.com/news/330946/bad-weather-schedule-changes-kuwait-airways-flights-to-be-diverted"
published_at: "2025-12-13T15:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/693d388d350fc_kuwait_airways.jpg"
keywords: []
---

# മോശം കാലാവസ്ഥ; സമയക്രമത്തിൽ മാറ്റം, കുവൈത്ത് എയർവേയ്‌സ് വിമാനങ്ങൾ വഴിതിരിച്ചുവിടും

> **Lead Summary:** **കുവൈത്ത് സിറ്റി:[ ** കുവൈത്തിൽ നിലവിലെ മോശം കാലാവസ്ഥാ മൂലം കുവൈത്ത് അന്താരാഷ്ട്ര വിമാനത്താവളത്തിൽ ലാൻഡ് ചെയ്യേണ്ട ചില വിമാനങ്ങൾ താൽക്കാലികമായി വഴിതിരിച്ചുവിട്ടേക്കാം എന്ന് കുവൈത്ത് എയർവേയ്‌സ് അറിയിച്ചു.

## Article Content

**കുവൈത്ത് സിറ്റി:[ ** കുവൈത്തിൽ നിലവിലെ മോശം കാലാവസ്ഥാ മൂലം കുവൈത്ത് അന്താരാഷ്ട്ര വിമാനത്താവളത്തിൽ ലാൻഡ് ചെയ്യേണ്ട ചില വിമാനങ്ങൾ താൽക്കാലികമായി വഴിതിരിച്ചുവിട്ടേക്കാം എന്ന് കുവൈത്ത് എയർവേയ്‌സ് അറിയിച്ചു.

യാത്രക്കാരുടെ സുരക്ഷ ഉറപ്പാക്കുന്നതിനായി എത്തിച്ചേരുന്നതും പുറപ്പെടുന്നതുമായ വിമാനങ്ങളുടെ സമയക്രമത്തിൽ മാറ്റങ്ങൾ വരുത്തിക്കൊണ്ടിരിക്കുകയാണെന്നും എയർലൈൻ സ്ഥിരീകരിച്ചു. എക്സ് പ്ലാറ്റ്‌ഫോമിലെ ഔദ്യോഗിക അക്കൗണ്ടിൽ പ്രസിദ്ധീകരിച്ച പ്രസ്താവനയിൽ എല്ലാ അപ്‌ഡേറ്റുകളും ടിക്കറ്റ് ബുക്കിംഗ് സമയത്ത് നൽകിയിട്ടുള്ള കോൺടാക്റ്റ് വിവരങ്ങൾ ഉപയോഗിച്ച് യാത്രക്കാരെ നേരിട്ട് അറിയിക്കുമെന്ന് എയർലൈൻ വിശദീകരിച്ചു.

എയർലൈൻ്റെ നിയന്ത്രണത്തിന് അതീതമായ സാഹചര്യങ്ങളാണ് ഈ തടസ്സങ്ങൾക്ക് കാരണമെന്ന് ചൂണ്ടിക്കാട്ടിയ കുവൈത്ത് എയർവേയ്‌സ് യാത്രക്കാരുടെ സഹകരണത്തിനും മനസ്സിലാക്കലിനും നന്ദി അറിയിച്ചു. കൂടുതൽ സഹായം ആവശ്യമുള്ള യാത്രക്കാർ കുവൈത്തിനുള്ളിൽ നിന്ന് 171 എന്ന നമ്പറിലോ, രാജ്യത്തിന് പുറത്തുനിന്ന് +965 24345555 (എക്സ്റ്റൻഷൻ 171) എന്ന നമ്പറിലോ കസ്റ്റമർ സർവീസ് സെൻ്ററുമായി ബന്ധപ്പെടണമെന്ന് കമ്പനി നിർദ്ദേശിച്ചു. കൂടാതെ, +965 1802050 എന്ന വാട്ട്‌സ്ആപ്പ് സേവനം വഴിയും യാത്രക്കാർക്ക് അന്വേഷണങ്ങൾക്കായി ബന്ധപ്പെടാം

### Related Links & Sources
- [Original Story Source](https://gcc.truevisionnews.com/news/330946/bad-weather-schedule-changes-kuwait-airways-flights-to-be-diverted)