---
title: "ലുസൈലിൽ കിരീടമുദ്ര; ആവേശ ഫൈനലിൽ ജോർഡാനെ വീഴ്ത്തി മൊറോക്കോ"
english_title: "FIFA Arab Cup Final, Morocco"
publisher: "gccnews.in"
canonical_url: "https://gcc.truevisionnews.com/news/331954/fifa-arab-cup-final-morocco"
published_at: "2025-12-19T12:31:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6944f8826819f_gcc.jpg"
keywords: []
---

# ലുസൈലിൽ കിരീടമുദ്ര; ആവേശ ഫൈനലിൽ ജോർഡാനെ വീഴ്ത്തി മൊറോക്കോ

> **Lead Summary:** **ദോഹ: [[nadapuram.truevisionnews.com]]** ആവേശം നിറഞ്ഞ കൈയടിയും ഗാലറിയിൽ നിന്നുള്ള ആരവവും നേരിയ മഴയും ചേർന്ന ലുസൈൽ സ്റ്റേഡിയത്തിൽ നടന്ന ഫിഫ അറബ് കപ്പ് ഫൈനൽ മൊറോക്കോയുടെ വിജയം കുറിച്ചുകൊണ്ട് അവസാനിച്ചു. ശക്തമായ പോരാട്ടത്തിനൊടുവിൽ ജോർഡാനെ 2-1ന് കീഴടക്കിയാണ് മൊറോക്കോ കിരീടം സ്വന്തമാക്കിയത്.

## Article Content

**ദോഹ: [[nadapuram.truevisionnews.com]]** ആവേശം നിറഞ്ഞ കൈയടിയും ഗാലറിയിൽ നിന്നുള്ള ആരവവും നേരിയ മഴയും ചേർന്ന ലുസൈൽ സ്റ്റേഡിയത്തിൽ നടന്ന ഫിഫ അറബ് കപ്പ് ഫൈനൽ മൊറോക്കോയുടെ വിജയം കുറിച്ചുകൊണ്ട് അവസാനിച്ചു. ശക്തമായ പോരാട്ടത്തിനൊടുവിൽ ജോർഡാനെ 2-1ന് കീഴടക്കിയാണ് മൊറോക്കോ കിരീടം സ്വന്തമാക്കിയത്.

ഇതോടെ രണ്ടാം തവണയാണ് അറബ് കപ്പ് കിരീടം മൊറോക്കോ കൈവശപ്പെടുത്തുന്നത്. 2012ലാണ്  മൊറോക്കോ ആദ്യമായി കിരീടം നേടിയത്. മത്സരത്തിന്റെ തുടക്കത്തിൽ തന്നെ മുന്നേറ്റം പിടിച്ച മൊറോക്കോ നാലാം മിനിറ്റിൽ ആദ്യ ഗോൾ നേടി. 

ആദ്യപകുതിയിൽ തുടർച്ചയായ ആക്രമണങ്ങളിലൂടെ മൊറോക്കോ ജോർഡാന്റെ പ്രതിരോധത്തെ സമ്മർദത്തിലാക്കി. കരീം അൽ ബർകോ, മുഹമ്മദ് റബീ എന്നിവർ മികച്ച അവസരങ്ങൾ സൃഷ്ടിച്ചെങ്കിലും ലക്ഷ്യം കണ്ടില്ല.

മറുവശത്ത് ജോർഡാന്റെ മുഹന്നദ് അബുതാഹയും ഹുസാം അബുദഹബും നടത്തിയ ശ്രമങ്ങൾ ഗോൾകീപ്പർ അൽ മഹ്ദി തടുത്തു. ശക്തമായ പ്രതിരോധനിരയുടെ പിന്തുണയോടെ മൊറോക്കോ 1-0 ലീഡിലാണ് ആദ്യപകുതി അവസാനിപ്പിച്ചത്.

രണ്ടാംപകുതിയിൽ ജോർഡാൻ ശക്തമായി തിരിച്ചുവന്നു. 48-ാം മിനിറ്റിൽ അലി ഒൽവാൻ സമനില ഗോൾ നേടി. പിന്നീട് 68-ാം മിനിറ്റിൽ ലഭിച്ച പെനാൽറ്റി അലി ഒൽവാൻ തന്നെ വലയിലാക്കിയതോടെ ജോർഡാൻ മുന്നിലെത്തി. എന്നാൽ കളി അവസാനിക്കാനിരിക്കെ 88-ാം മിനിറ്റിൽ അബ്ദുറസാഖ് ഹമദല്ല നേടിയ ഗോൾ മത്സരം സമനിലയിലാക്കി.

എക്സ്ട്രാ ടൈമിലേക്ക് നീണ്ട മത്സരത്തിൽ ഇരുടീമുകളും മികച്ച അവസരങ്ങൾ സൃഷ്ടിച്ചെങ്കിലും നിർണായക ഗോൾ മൊറോക്കോയ്ക്കായി വന്നു. മർവാൻ സഅദിന്റെ അസിസ്റ്റിൽ ഹമദല്ല തന്റെ രണ്ടാം ഗോളിലൂടെ മൊറോക്കോയ്ക്ക് വിജയവും കിരീടവും ഉറപ്പിച്ചു.

### Related Links & Sources
- [Original Story Source](https://gcc.truevisionnews.com/news/331954/fifa-arab-cup-final-morocco)