---
title: "നെസ്‌ലെ ബേബി മിൽക്ക് ഉപയോഗിക്കുന്നവർ ശ്രദ്ധിക്കുക; 'സിറിയുലൈഡ്' വിഷാംശം അടങ്ങിയിരിക്കാൻ സാധ്യത  വിവിധ ഉൽപന്നങ്ങൾ സൗദി പിൻവലിച്ചു"
english_title: "Saudi Arabia withdraws various products that may contain toxic 'cirulide'"
publisher: "gccnews.in"
canonical_url: "https://gcc.truevisionnews.com/news/335184/saudi-arabia-withdraws-various-products-that-may-contain-toxic-cirulide"
published_at: "2026-01-07T15:52:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/695e356a31e20_BABY_PRODUCTS.jpg"
keywords: []
---

# നെസ്‌ലെ ബേബി മിൽക്ക് ഉപയോഗിക്കുന്നവർ ശ്രദ്ധിക്കുക; 'സിറിയുലൈഡ്' വിഷാംശം അടങ്ങിയിരിക്കാൻ സാധ്യത  വിവിധ ഉൽപന്നങ്ങൾ സൗദി പിൻവലിച്ചു

> **Lead Summary:** റിയാദ്**[:**പ്രമുഖ കമ്പനിയായ നെസ്‌ലെയുടെ ചില ബേബി മിൽക്ക് ഉൽപന്നങ്ങൾ പിൻവലിച്ച് സൗദി അറേബ്യ. നെസ്‌ലെയുടെ നാൻ, അൽഫാമിനോ, എസ്-26 ഗോൾഡ്, എസ്-26 അൾട്ടിമ എന്നീ ബ്രാൻഡുകളുടെ വിവിധ ബാച്ചുകളിലെ ഉത്പന്നങ്ങളാണ് സൗദി ഫുഡ് ആൻഡ് ഡ്രഗ് അതോറിറ്റി പിൻവലിച്ചത്.

## Article Content

റിയാദ്**[:**പ്രമുഖ കമ്പനിയായ നെസ്‌ലെയുടെ ചില ബേബി മിൽക്ക് ഉൽപന്നങ്ങൾ പിൻവലിച്ച് സൗദി അറേബ്യ. നെസ്‌ലെയുടെ നാൻ, അൽഫാമിനോ, എസ്-26 ഗോൾഡ്, എസ്-26 അൾട്ടിമ എന്നീ ബ്രാൻഡുകളുടെ വിവിധ ബാച്ചുകളിലെ ഉത്പന്നങ്ങളാണ് സൗദി ഫുഡ് ആൻഡ് ഡ്രഗ് അതോറിറ്റി പിൻവലിച്ചത്.

ഈ ഉൽപന്നങ്ങളിൽ 'ബാസിലസ് സിറിയസ്'എന്ന ബാക്ടീരിയ ഉൽപാദിപ്പിക്കുന്ന 'സിറിയുലൈഡ്' എന്ന വിഷാംശം അടങ്ങിയിരിക്കാൻ സാധ്യതയുണ്ടെന്നും ഇത് കുട്ടികളുടെ ആരോഗ്യത്തിന് ഭീഷണിയായേക്കാമെന്നും കമ്പനി അറിയിച്ചു.

ഇവയുടെ ഉപഭോ​ഗം ഛർദ്ദി, വയറുവേദന തുടങ്ങിയവ ഉണ്ടാക്കാൻ സാധ്യതയുണ്ട്. എന്നാൽ ഇതുവരെ ഉൽപന്നങ്ങൾ ഉപയോഗിച്ചത് മൂലം ആർക്കും ആരോഗ്യപ്രശ്നങ്ങൾ ഉണ്ടായതായി റിപ്പോർട്ട് ചെയ്യപ്പെട്ടിട്ടില്ലെന്ന് അതോറിറ്റി വ്യക്തമാക്കി.

വിപണിയിൽ നിന്ന് ഈ ഉൽപന്നങ്ങൾ പൂർണമായും പിൻവലിക്കുന്നുണ്ടെന്ന് ഉറപ്പാക്കാൻ കമ്പനിയുമായി ചേർന്ന് ആവശ്യമായ നടപടികൾ സ്വീകരിച്ചിട്ടുണ്ടെന്നും അതോറിറ്റി അറിയിച്ചു.

### Related Links & Sources
- [Original Story Source](https://gcc.truevisionnews.com/news/335184/saudi-arabia-withdraws-various-products-that-may-contain-toxic-cirulide)