---
title: "യുഎഇയിൽ മഞ്ഞ് പുതയ്ക്കും; ബുധനാഴ്ച വരെ ശക്തമായ മൂടൽമഞ്ഞിന് സാധ്യത"
english_title: "Snowfall expected in UAE; heavy fog likely until Wednesday"
publisher: "gccnews.in"
canonical_url: "https://gcc.truevisionnews.com/news/343274/snowfall-expected-in-uae-heavy-fog-likely-until-wednesday"
published_at: "2026-02-21T11:00:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/699943d7a7382_Snowfall_expected_in_UAE;_heavy_fog_likely_until_Wednesday.jpg"
keywords: []
---

# യുഎഇയിൽ മഞ്ഞ് പുതയ്ക്കും; ബുധനാഴ്ച വരെ ശക്തമായ മൂടൽമഞ്ഞിന് സാധ്യത

> **Lead Summary:** **അബുദാബി:[ ** യുഎഇയുടെ വിവിധ ഭാഗങ്ങളിൽ വരുംദിവസങ്ങളിൽ ശക്തമായ മൂടൽമഞ്ഞിന് സാധ്യതയുള്ളതായി ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. ഇന്ന് മുതൽ ബുധനാഴ്ച വരെ രാജ്യത്തിന്റെ വിവിധയിടങ്ങളിൽ അന്തരീക്ഷത്തിൽ ഈർപ്പം വർധിക്കാൻ സാധ്യതയുണ്ട്. പ്രത്യേകിച്ച് തീരദേശ മേഖലകളിലും ഉൾനാടൻ പ്രദേശങ്ങളിലും പുലർച്ചെ സമയങ്ങളിൽ മൂടൽമഞ്ഞ് ശക്തമാകുമെന്നും റിപ്പോർട്ടുകൾ വ്യക്തമാക്കുന്നു.

## Article Content

**അബുദാബി:[ ** യുഎഇയുടെ വിവിധ ഭാഗങ്ങളിൽ വരുംദിവസങ്ങളിൽ ശക്തമായ മൂടൽമഞ്ഞിന് സാധ്യതയുള്ളതായി ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു. ഇന്ന് മുതൽ ബുധനാഴ്ച വരെ രാജ്യത്തിന്റെ വിവിധയിടങ്ങളിൽ അന്തരീക്ഷത്തിൽ ഈർപ്പം വർധിക്കാൻ സാധ്യതയുണ്ട്. പ്രത്യേകിച്ച് തീരദേശ മേഖലകളിലും ഉൾനാടൻ പ്രദേശങ്ങളിലും പുലർച്ചെ സമയങ്ങളിൽ മൂടൽമഞ്ഞ് ശക്തമാകുമെന്നും റിപ്പോർട്ടുകൾ വ്യക്തമാക്കുന്നു.

മൂടൽമഞ്ഞ് കാരണം കാഴ്ചപരിധി ഗണ്യമായി കുറയാൻ സാധ്യതയുള്ളതിനാൽ വാഹനയാത്രികർ അതീവ ജാഗ്രത പാലിക്കണമെന്ന് അധികൃതർ നിർദ്ദേശിച്ചു. പുലർച്ചെയും രാത്രി വൈകിയും യാത്ര ചെയ്യുന്നവർ ഗതാഗത നിയമങ്ങൾ കർശനമായി പാലിക്കണമെന്നും സുരക്ഷാ മുൻകരുതലുകൾ സ്വീകരിക്കണമെന്നും കാലാവസ്ഥാ കേന്ദ്രം മുന്നറിയിപ്പ് നൽകി. വരും ദിവസങ്ങളിൽ താപനിലയിലും നേരിയ മാറ്റങ്ങൾ ഉണ്ടായേക്കാം.

പൊതുവെ തെളിഞ്ഞ കാലാവസ്ഥയായിരിക്കുമെങ്കിലും ആകാശത്ത് ഇടയ്ക്കിടെ മേഘങ്ങൾ പ്രത്യക്ഷപ്പെടാം. ഞായറാഴ്ച താപനിലയിൽ നേരിയ കുറവുണ്ടാകുമെങ്കിലും ചൊവ്വാഴ്ചയോടെ ചൂട് വീണ്ടും വർധിച്ചേക്കും. മണിക്കൂറിൽ 35 കിലോമീറ്റർ വരെ വേഗത്തിൽ കാറ്റടിക്കാനും സാധ്യതയുണ്ട്. അറബിക്കടലിലും ഒമാൻ കടലിലും തിരമാലകൾ പൊതുവെ ശാന്തമായിരിക്കുമെങ്കിലും ഞായർ, ബുധൻ ദിവസങ്ങളിൽ കടൽ നേരിയ തോതിൽ പ്രക്ഷുബ്ധമാകാൻ സാധ്യതയുണ്ടെന്നും മുന്നറിയിപ്പുണ്ട്.

പുലർച്ചെയും രാത്രി വൈകിയും വാഹനമോടിക്കുന്നവർ അതീവ ജാഗ്രത പാലിക്കണമെന്ന് അധികൃതർ നിർദേശിച്ചു. മൂടൽമഞ്ഞ് മൂലം കാഴ്ചപരിധി കുറയുന്നതിനാൽ ഗതാഗത നിയമങ്ങൾ കർശനമായി പാലിക്കണമെന്നും വേഗത കുറച്ച് യാത്ര ചെയ്യണമെന്നും പൊലീസ് അറിയിച്ചു.

### Related Links & Sources
- [Original Story Source](https://gcc.truevisionnews.com/news/343274/snowfall-expected-in-uae-heavy-fog-likely-until-wednesday)