---
title: "റോഡുകളിൽ ഇനി കളി വേണ്ട; കുവൈത്തിൽ ട്രാഫിക് പരിശോധന കർശനം, നൂറുകണക്കിന് വാഹനങ്ങൾ കസ്റ്റഡിയിൽ"
english_title: "Traffic checks tightened in Kuwait"
publisher: "gccnews.in"
canonical_url: "https://gcc.truevisionnews.com/news/343464/traffic-checks-tightened-in-kuwait"
published_at: "2026-02-22T09:30:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/699a7fbe6208f_tru3.jpg"
keywords: []
---

# റോഡുകളിൽ ഇനി കളി വേണ്ട; കുവൈത്തിൽ ട്രാഫിക് പരിശോധന കർശനം, നൂറുകണക്കിന് വാഹനങ്ങൾ കസ്റ്റഡിയിൽ

> **Lead Summary:** **കുവൈത്ത്: [ **കുവൈത്തിലെ റോഡുകളിൽ സുരക്ഷയും അച്ചടക്കവും ഉറപ്പാക്കുന്നതിനായി ട്രാഫിക് ഡിപ്പാർട്ട്‌മെന്റ് പരിശോധനകൾ കർശനമാക്കി. അശ്രദ്ധമായ ഡ്രൈവിംഗും നിയമലംഘനങ്ങളും തടയുന്നതിന്റെ ഭാഗമായി രാജ്യവ്യാപകമായി നടത്തിയ പ്രത്യേക പരിശോധനയിൽ നൂറുകണക്കിന് വാഹനങ്ങളാണ് അധികൃതർ പിടിച്ചെടുത്തത്.

## Article Content

**കുവൈത്ത്: [ **കുവൈത്തിലെ റോഡുകളിൽ സുരക്ഷയും അച്ചടക്കവും ഉറപ്പാക്കുന്നതിനായി ട്രാഫിക് ഡിപ്പാർട്ട്‌മെന്റ് പരിശോധനകൾ കർശനമാക്കി. അശ്രദ്ധമായ ഡ്രൈവിംഗും നിയമലംഘനങ്ങളും തടയുന്നതിന്റെ ഭാഗമായി രാജ്യവ്യാപകമായി നടത്തിയ പ്രത്യേക പരിശോധനയിൽ നൂറുകണക്കിന് വാഹനങ്ങളാണ് അധികൃതർ പിടിച്ചെടുത്തത്.

ആകെ 319 ഗതാഗത നിയമലംഘനങ്ങൾ രേഖപ്പെടുത്തിയ ഈ നടപടിയിൽ, വിവിധ കുറ്റകൃത്യങ്ങളുടെ പേരിൽ 80 വാഹനങ്ങളും മോട്ടോർ സൈക്കിളുകളും കസ്റ്റഡിയിലെടുത്ത് ട്രാഫിക് വിഭാഗത്തിലേക്ക് മാറ്റിയിട്ടുണ്ട്.

നിയമം ലംഘിക്കുന്നവർക്കെതിരെ വിട്ടുവീഴ്ചയില്ലാത്ത നടപടികൾ തുടരുമെന്ന് അധികൃതർ വ്യക്തമാക്കി. പരിശോധനയിൽ പ്രായപൂർത്തിയാകാത്ത പത്ത് കുട്ടികൾ ലൈസൻസില്ലാതെ വാഹനം ഓടിച്ചതായി കണ്ടെത്തിയതിനെത്തുടർന്ന് ഇവരെ ജുവനൈൽ പ്രോസിക്യൂഷന് കൈമാറി.

ഗുരുതരമായ നിയമലംഘനങ്ങൾ നടത്തിയ 44 പേരെ മുൻകരുതൽ തടങ്കലിലാക്കുകയും, നിയമപാലകർ തിരഞ്ഞുകൊണ്ടിരുന്ന ഏഴ് വ്യക്തികളെയും മൂന്ന് വാഹനങ്ങളെയും ഈ നീക്കത്തിലൂടെ വലയിലാക്കുകയും ചെയ്തു.

ഔദ്യോഗിക രേഖകളില്ലാത്ത ഒരാളെയും തുടർനടപടികൾക്കായി ബന്ധപ്പെട്ട വകുപ്പുകളിലേക്ക് മാറ്റിയിട്ടുണ്ട്.റോഡ് സുരക്ഷ വർദ്ധിപ്പിക്കുന്നതിനും അപകടകരമായ ഡ്രൈവിംഗ് രീതികൾ അവസാനിപ്പിക്കുന്നതിനും പൊതുജനങ്ങളുടെ പൂർണ്ണ സഹകരണം ട്രാഫിക് വിഭാഗം അഭ്യർത്ഥിച്ചു.

നിയമലംഘനങ്ങൾ ശ്രദ്ധയിൽപ്പെട്ടാൽ 112 എന്ന ഹോട്ട്‌ലൈൻ നമ്പരിലോ, 99324092 എന്ന വാട്‌സ്ആപ്പ് നമ്പരിലോ വിവരം അറിയിക്കാവുന്നതാണ്.

### Related Links & Sources
- [Original Story Source](https://gcc.truevisionnews.com/news/343464/traffic-checks-tightened-in-kuwait)