---
title: "ക്ഷമയോടെ ഡ്രൈവ് ചെയ്യാം; റമദാൻ മാസത്തിൽ ഗതാഗത സുരക്ഷ വേണമെന്ന് മുന്നറിയിപ്പ്"
english_title: "Drive with patience; Warning on traffic safety during Ramadan"
publisher: "gccnews.in"
canonical_url: "https://gcc.truevisionnews.com/news/343549/drive-with-patience-warning-on-traffic-safety-during-ramadan"
published_at: "2026-02-22T15:33:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/699ad4df9fc99_21.jpg"
keywords: []
---

# ക്ഷമയോടെ ഡ്രൈവ് ചെയ്യാം; റമദാൻ മാസത്തിൽ ഗതാഗത സുരക്ഷ വേണമെന്ന് മുന്നറിയിപ്പ്

> **Lead Summary:** **മസ്കത്ത്: **റമദാൻ മാസത്തിൽ നോമ്പ് തുറക്കാൻ വീട്ടിലെത്താനുള്ള തിടുക്കം റോഡുകളിൽ വലിയ അപകടങ്ങൾക്ക് കാരണമാകുന്നതായി റിപ്പോർട്ട്. ഇഫ്താറിന് തൊട്ടുമുമ്പുള്ള സമയങ്ങളിൽ അമിതവേഗതയും അശ്രദ്ധമായ ഡ്രൈവിംഗും വർധിക്കുന്ന പശ്ചാത്തലത്തിൽ ഡ്രൈവർമാർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.

## Article Content

**മസ്കത്ത്: **റമദാൻ മാസത്തിൽ നോമ്പ് തുറക്കാൻ വീട്ടിലെത്താനുള്ള തിടുക്കം റോഡുകളിൽ വലിയ അപകടങ്ങൾക്ക് കാരണമാകുന്നതായി റിപ്പോർട്ട്. ഇഫ്താറിന് തൊട്ടുമുമ്പുള്ള സമയങ്ങളിൽ അമിതവേഗതയും അശ്രദ്ധമായ ഡ്രൈവിംഗും വർധിക്കുന്ന പശ്ചാത്തലത്തിൽ ഡ്രൈവർമാർ ജാഗ്രത പാലിക്കണമെന്ന് അധികൃതർ നിർദ്ദേശിച്ചു.

ഒരു വലിയ അപകടം വരുത്തിവെക്കുന്നതിനേക്കാൾ നല്ലത് ഏതാനും മിനിറ്റുകൾ വൈകി വീട്ടിലെത്തുന്നതാണെന്ന് മുൻ മിഡിൽ ഈസ്റ്റ് റാലി സേഫ്റ്റി ഓഫീസർ റാഷിദ് ബിൻ ഫക്കീർ അൽ ബലൂഷി ഓർമ്മിപ്പിച്ചു.

റമദാൻ പഠിപ്പിക്കുന്ന ക്ഷമയും ശാന്തതയും വാഹനമോടിക്കുമ്പോഴും കാണിക്കണമെന്ന് അദ്ദേഹം പറഞ്ഞു. ഇഫ്താർ സമയം കണക്കാക്കി നേരത്തെ യാത്ര തുടങ്ങുക, ആവശ്യത്തിന് വിശ്രമിച്ച ശേഷം മാത്രം ഡ്രൈവ് ചെയ്യുക, മൊബൈൽ ഫോൺ ഉപയോഗം ഒഴിവാക്കുക തുടങ്ങിയ നിർദ്ദേശങ്ങൾ അദ്ദേഹം മുന്നോട്ടുവെച്ചു.

തിരക്കുള്ള സമയങ്ങളിൽ റോഡ് മുറിച്ചുകടക്കുന്ന കാൽനടയാത്രക്കാരും നിശ്ചിത ക്രോസിംഗുകൾ മാത്രം ഉപയോഗിക്കാൻ ശ്രദ്ധിക്കണമെന്നും അദ്ദേഹം കൂട്ടിച്ചേർത്തു.

### Related Links & Sources
- [Original Story Source](https://gcc.truevisionnews.com/news/343549/drive-with-patience-warning-on-traffic-safety-during-ramadan)