---
title: "മക്കയിൽ തീർഥാടക പ്രവാഹം! ഒറ്റദിവസം 9.04 ലക്ഷം പേർ ഉംറ നിർവഹിച്ച് റെക്കോർഡിട്ടു"
english_title: "Pilgrims flock to Mecca! 9.04 lakh people perform Umrah in a single day setting a record"
publisher: "gccnews.in"
canonical_url: "https://gcc.truevisionnews.com/news/344370/pilgrims-flock-to-mecca-904-lakh-people-perform-umrah-in-a-single-day-setting-a-record"
published_at: "2026-02-26T13:30:00+05:30"
category: "Gulf Focus"
language: "ml"
image: "https://cf.zdn.im/img/truevisionnews.com/0/image-uploads/699ffdd6c3c0f_umrah.jpg"
keywords: []
---

# മക്കയിൽ തീർഥാടക പ്രവാഹം! ഒറ്റദിവസം 9.04 ലക്ഷം പേർ ഉംറ നിർവഹിച്ച് റെക്കോർഡിട്ടു

> **Lead Summary:** **സൗദി: [**വിശുദ്ധ റമസാനിലെ നാലാം രാവിൽ മക്കയിലെ ഗ്രാൻഡ് മോസ്കിൽ ഉംറ തീർഥാടകരുടെ എണ്ണത്തിൽ ചരിത്രപരമായ വർധനവ് രേഖപ്പെടുത്തി. ഒരൊറ്റ ദിവസം കൊണ്ട് 9.04 ലക്ഷം പേരാണ് ഉംറ നിർവഹിച്ചത്. മക്കയുടെ ചരിത്രത്തിലെ തന്നെ ഏറ്റവും ഉയർന്ന കണക്കാണിത്.

## Article Content

**സൗദി: [**വിശുദ്ധ റമസാനിലെ നാലാം രാവിൽ മക്കയിലെ ഗ്രാൻഡ് മോസ്കിൽ ഉംറ തീർഥാടകരുടെ എണ്ണത്തിൽ ചരിത്രപരമായ വർധനവ് രേഖപ്പെടുത്തി. ഒരൊറ്റ ദിവസം കൊണ്ട് 9.04 ലക്ഷം പേരാണ് ഉംറ നിർവഹിച്ചത്. മക്കയുടെ ചരിത്രത്തിലെ തന്നെ ഏറ്റവും ഉയർന്ന കണക്കാണിത്.

വൻ തിരക്ക് അനുഭവപ്പെട്ടെങ്കിലും അത്യാധുനിക എഐ സെൻസറുകളും സ്മാർട് നിരീക്ഷണ സംവിധാനങ്ങളും ഉപയോഗിച്ച് സൗദി അധികൃതർ തിരക്ക് കൃത്യമായി നിയന്ത്രിച്ചു. കഅബയ്ക്ക് ചുറ്റുമുള്ള മതാഫിലേക്ക് തീർഥാടകർക്ക് മാത്രമായി പ്രവേശനം പരിമിതപ്പെടുത്തിയത് കർമ്മങ്ങൾ സുഗമമാക്കാൻ സഹായിച്ചു.

തീർഥാടകരുടെ സൗകര്യാർത്ഥം മലയാളം ഉൾപ്പെടെ 50 ഭാഷകളിൽ വിവരങ്ങൾ നൽകുന്ന 40 സ്മാർട് സ്ക്രീനുകൾ ഹറം പള്ളിയിൽ സജ്ജമാക്കിയിട്ടുണ്ട്. ശുചീകരണത്തിനും അണുനശീകരണത്തിനുമായി എഐ റോബട്ടുകളെ വിന്യസിച്ചതും ശ്രദ്ധേയമായി.

റമസാൻ മാസത്തിൽ ഉംറ നിർവഹിക്കാൻ ആഗ്രഹിക്കുന്നവർ ‘നുസൂക്’ ആപ്പ് വഴി മുൻകൂട്ടി അനുമതി പത്രം എടുക്കണമെന്ന് അധികൃതർ വീണ്ടും ഓർമ്മിപ്പിച്ചു. നൂതന സാങ്കേതികവിദ്യയുടെ സഹായത്തോടെ തീർഥാടകർക്ക് സുരക്ഷിതവും സുഗമവുമായ സൗകര്യങ്ങളാണ് സൗദി സർക്കാർ ഒരുക്കിയിരിക്കുന്നത്.

### Related Links & Sources
- [Original Story Source](https://gcc.truevisionnews.com/news/344370/pilgrims-flock-to-mecca-904-lakh-people-perform-umrah-in-a-single-day-setting-a-record)