---
title: "സ്വര്‍ണത്തെ പിന്നിലാക്കി വെള്ളി; യു.എ.ഇ വിപണിയില്‍ വില മൂന്ന് ശതമാനത്തിലധികം വർധിച്ചു"
english_title: "Silver overtakes gold prices rise more than 3 percent in UAE market"
publisher: "gccnews.in"
canonical_url: "https://gcc.truevisionnews.com/news/344544/silver-overtakes-gold-prices-rise-more-than-3-percent-in-uae-market"
published_at: "2026-02-27T12:04:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69a13b40e70c5_silver_price.jpg"
keywords: []
---

# സ്വര്‍ണത്തെ പിന്നിലാക്കി വെള്ളി; യു.എ.ഇ വിപണിയില്‍ വില മൂന്ന് ശതമാനത്തിലധികം വർധിച്ചു

> **Lead Summary:** **ദുബൈ:[ ** ആഗോള വിപണിയിലെ ചലനങ്ങളെത്തുടര്‍ന്ന് ഇന്ന് വ്യാപാരത്തിന്റെ തുടക്കത്തില്‍ ദുബൈയില്‍ വെള്ളിവിലയില്‍ വന്‍ കുതിച്ചുചാട്ടം. സ്വര്‍ണവില മാറ്റമില്ലാതെ തുടരുമ്പോഴാണ് വെള്ളി മൂന്ന് ശതമാനത്തിലധികം വര്‍ധനവ് രേഖപ്പെടുത്തിയത്.

## Article Content

**ദുബൈ:[ ** ആഗോള വിപണിയിലെ ചലനങ്ങളെത്തുടര്‍ന്ന് ഇന്ന് വ്യാപാരത്തിന്റെ തുടക്കത്തില്‍ ദുബൈയില്‍ വെള്ളിവിലയില്‍ വന്‍ കുതിച്ചുചാട്ടം. സ്വര്‍ണവില മാറ്റമില്ലാതെ തുടരുമ്പോഴാണ് വെള്ളി മൂന്ന് ശതമാനത്തിലധികം വര്‍ധനവ് രേഖപ്പെടുത്തിയത്.

യു.എസ്-ഇറാൻ ചർച്ചകളുടെ ഫലത്തിനായി നിക്ഷേപകർ കാത്തിരിക്കുന്നതിനിടെയാണ് വിപണിയിൽ ഈ മാറ്റങ്ങൾ പ്രകടമായത്. ഇന്ന് രാവിലെ ദുബൈയില്‍ ഒരു ഔൺസ് വെള്ളിക്ക് 330 ദിർഹം (89.86 ഡോളർ) എന്ന നിരക്കിലാണ് വ്യാപാരം നടക്കുന്നത്.

**സ്വര്‍ണവില നിലവാരം**

ദുബൈ വിപണിയില്‍ വ്യാപാരം ആരംഭിക്കുമ്പോള്‍ 24 കാരറ്റ് സ്വര്‍ണത്തിന് ഗ്രാമിന് 624.50 ദിര്‍ഹമാണ് രേഖപ്പെടുത്തിയത്. കഴിഞ്ഞ ദിവസത്തെ ക്ലോസിംഗിനേക്കാള്‍ 2.25 ദിര്‍ഹത്തിന്റെ വര്‍ധനവാണിത്. മറ്റ് കാരറ്റുകളിലെ വില നിലവാരം താഴെ പറയുന്ന പ്രകാരമാണ്:

**യുഎഇയിലെ ഇന്നത്തെ സ്വര്‍ണ വില**

* 24 കാരറ്റ് (ഗ്രാം) 624.50 ദിര്‍ഹം

* 22 കാരറ്റ് (ഗ്രാം) 578.25 ദിര്‍ഹം

* 18 കാരറ്റ് (ഗ്രാം) 475.25 ദിര്‍ഹം

അന്താരാഷ്ട്ര വിപണിയില്‍ സ്‌പോട്ട് ഗോള്‍ഡ് ഔണ്‍സിന് 5,186.9 ഡോളര്‍ എന്ന നിരക്കിലാണ് വ്യാപാരം നടക്കുന്നത് (0.18 ശതമാനം വര്‍ധനവ്).

**വിലക്കയറ്റത്തിന് പിന്നില്‍**

ജനീവയില്‍ നടക്കുന്ന യുഎസ്-ഇറാന്‍ ആണവ ചര്‍ച്ചകളില്‍ വ്യക്തമായ തീരുമാനങ്ങള്‍ ഉണ്ടാകാത്തത് വിപണിയില്‍ അനിശ്ചിതത്വം നിലനിര്‍ത്തുന്നുണ്ടെന്ന് വിപണി നിരീക്ഷകര്‍ വിലയിരുത്തുന്നു. സുരക്ഷിത നിക്ഷേപം എന്ന നിലയില്‍ സ്വര്‍ണത്തിന് ആവശ്യക്കാര്‍ ഏറുന്നുണ്ടെങ്കിലും, യുഎസിലെ പണപ്പെരുപ്പ നിരക്ക് കുറയാത്തത് വലിയ രീതിയിലുള്ള വിലക്കയറ്റത്തിന് തടസ്സമാകുന്നുണ്ട്. അതേസമയം, വന്‍കിട സ്ഥാപനങ്ങള്‍ സ്വര്‍ണത്തിലും വെള്ളിയിലും നിക്ഷേപം തുടരുന്നത് വിപണിക്ക് കരുത്തേകുന്നു.

### Related Links & Sources
- [Original Story Source](https://gcc.truevisionnews.com/news/344544/silver-overtakes-gold-prices-rise-more-than-3-percent-in-uae-market)