---
title: "പള്ളികളിലെ തറാവീഹ് നമസ്കാരത്തിന് നിയന്ത്രണം ഏർപ്പെടുത്തി"
english_title: "Restrictions imposed on Taraweeh prayers in mosques"
publisher: "gccnews.in"
canonical_url: "https://gcc.truevisionnews.com/news/344883/restrictions-imposed-on-taraweeh-prayers-in-mosques"
published_at: "2026-02-28T23:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69a327362c5b7_23.jpg"
keywords: []
---

# പള്ളികളിലെ തറാവീഹ് നമസ്കാരത്തിന് നിയന്ത്രണം ഏർപ്പെടുത്തി

> **Lead Summary:** കു**വൈത്ത് സിറ്റി: **പശ്ചിമേഷ്യയിൽ വർദ്ധിച്ചുവരുന്ന സംഘർഷാവസ്ഥയുടെ പശ്ചാത്തലത്തിൽ കുവൈത്തിൽ കർശന മുൻകരുതൽ നടപടികൾ പ്രഖ്യാപിച്ചു. രാജ്യത്തെ പള്ളികളിൽ രാത്രികാലങ്ങളിൽ നടക്കുന്ന തറാവീഹ് നമസ്കാരം താൽക്കാലികമായി നിർത്തിവെക്കാൻ ഇസ്ലാമിക കാര്യ മന്ത്രാലയം ഉത്തരവിട്ടു.

## Article Content

കു**വൈത്ത് സിറ്റി: **പശ്ചിമേഷ്യയിൽ വർദ്ധിച്ചുവരുന്ന സംഘർഷാവസ്ഥയുടെ പശ്ചാത്തലത്തിൽ കുവൈത്തിൽ കർശന മുൻകരുതൽ നടപടികൾ പ്രഖ്യാപിച്ചു. രാജ്യത്തെ പള്ളികളിൽ രാത്രികാലങ്ങളിൽ നടക്കുന്ന തറാവീഹ് നമസ്കാരം താൽക്കാലികമായി നിർത്തിവെക്കാൻ ഇസ്ലാമിക കാര്യ മന്ത്രാലയം ഉത്തരവിട്ടു.

അടുത്ത അറിയിപ്പ് ഉണ്ടാകുന്നത് വരെ ഇശാ നമസ്കാരം മാത്രം പള്ളികളിൽ നിർവ്വഹിക്കണമെന്നും തറാവീഹ് ഒഴിവാക്കണമെന്നുമാണ് നിർദ്ദേശം.

വിദ്യാഭ്യാസ മേഖലയിലും സർക്കാർ നിയന്ത്രണങ്ങൾ ഏർപ്പെടുത്തിയിട്ടുണ്ട്. രാജ്യത്തെ സ്കൂളുകൾക്ക് അവധി പ്രഖ്യാപിച്ചതിനൊപ്പം കുവൈത്ത് യൂണിവേഴ്സിറ്റിക്ക് കീഴിലെ എല്ലാ കോളേജുകളിലെയും ക്ലാസുകളും പരീക്ഷകളും റദ്ദാക്കി. വിദ്യാർത്ഥികളുടെയും പൊതുജനങ്ങളുടെയും സുരക്ഷ കണക്കിലെടുത്താണ് ഈ തീരുമാനങ്ങൾ.

മേഖലയിലെ അടിയന്തര സാഹചര്യങ്ങൾ വിലയിരുത്തിക്കൊണ്ട് സുരക്ഷാ മുൻകരുതലുകൾ കൂടുതൽ ശക്തമാക്കാനാണ് കുവൈത്ത് ഭരണകൂടത്തിന്റെ നീക്കം. ജനങ്ങൾ പരിഭ്രാന്തരാകരുതെന്നും ഔദ്യോഗിക നിർദ്ദേശങ്ങൾ പാലിക്കണമെന്നും അധികൃതർ അഭ്യർത്ഥിച്ചു.

### Related Links & Sources
- [Original Story Source](https://gcc.truevisionnews.com/news/344883/restrictions-imposed-on-taraweeh-prayers-in-mosques)