---
title: "ദുബായിലും അബൂദബിയിലും വിമാനത്താവളങ്ങളെ ലക്ഷ്യമിട്ട് വ്യോമാക്രമണം; ഒരു മരണം"
english_title: "Airstrikes targeting airports in Dubai and Abu Dhabi; one dead"
publisher: "gccnews.in"
canonical_url: "https://gcc.truevisionnews.com/news/344899/airstrikes-targeting-airports-in-dubai-and-abu-dhabi-one-dead"
published_at: "2026-03-01T08:07:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69a3a712a4e6b_7.jpg"
keywords: []
---

# ദുബായിലും അബൂദബിയിലും വിമാനത്താവളങ്ങളെ ലക്ഷ്യമിട്ട് വ്യോമാക്രമണം; ഒരു മരണം

> **Lead Summary:** **ദുബായ്/അബൂദബി: **യുഎഇയിലെയും ബഹ്‌റൈനിലെയും പ്രധാന കേന്ദ്രങ്ങളെ ലക്ഷ്യമിട്ടുണ്ടായ ഡ്രോൺ ആക്രമണങ്ങളിൽ ഒരാൾ കൊല്ലപ്പെടുകയും 11 പേർക്ക് പരിക്കേൽക്കുകയും ചെയ്തു.

## Article Content

**ദുബായ്/അബൂദബി: **യുഎഇയിലെയും ബഹ്‌റൈനിലെയും പ്രധാന കേന്ദ്രങ്ങളെ ലക്ഷ്യമിട്ടുണ്ടായ ഡ്രോൺ ആക്രമണങ്ങളിൽ ഒരാൾ കൊല്ലപ്പെടുകയും 11 പേർക്ക് പരിക്കേൽക്കുകയും ചെയ്തു.

അബൂദബി അന്താരാഷ്ട്ര വിമാനത്താവളത്തിന് നേരെയുണ്ടായ ഡ്രോൺ ആക്രമണത്തിലാണ് ഒരാൾക്ക് ജീവൻ നഷ്ടമായത്. ഇവിടെ ഏഴുപേർക്ക് പരിക്കേറ്റതായും റിപ്പോർട്ടുകളുണ്ട്.

ദുബായ് വിമാനത്താവളത്തിലെ പാസഞ്ചർ ടെർമിനലിന് സമീപവും ആക്രമണം നടന്നു. നാലുപേർക്കാണ് ഇവിടെ പരിക്കേറ്റത്. ലോകപ്രശസ്തമായ ബുർജ് അൽ അറബ് ഹോട്ടലിന് നേരെയും ഡ്രോൺ ആക്രമണ ശ്രമമുണ്ടായി.

പ്രതിരോധ സംവിധാനങ്ങൾ ഡ്രോൺ തകർത്തുവെങ്കിലും, അതിന്റെ അവശിഷ്ടങ്ങൾ വീണ് കെട്ടിടത്തിന് സമീപം തീപിടിത്തമുണ്ടായി. കൂടാതെ, മേഖലയിലെ പ്രധാന വ്യാപാര കേന്ദ്രമായ ജബൽ അലി പോർട്ടിന് നേരെയും ആക്രമണമുണ്ടായതായി അധികൃതർ സ്ഥിരീകരിച്ചു.

യുഎഇക്ക് പുറമെ ബഹ്‌റൈൻ അന്താരാഷ്ട്ര വിമാനത്താവളത്തെ ലക്ഷ്യമിട്ടും ഡ്രോൺ ആക്രമണമുണ്ടായി. വിമാനത്താവളത്തിൽ നാശനഷ്ടങ്ങൾ സംഭവിച്ചതായും പ്രദേശം സുരക്ഷിതമാക്കാൻ അടിയന്തര നടപടികൾ സ്വീകരിച്ചതായും ബഹ്‌റൈൻ അധികൃതർ അറിയിച്ചു.

ആക്രമണങ്ങളുടെ പശ്ചാത്തലത്തിൽ ഗൾഫ് രാജ്യങ്ങളിൽ സുരക്ഷാ മുൻകരുതലുകൾ അതീവ ജാഗ്രതയോടെ ശക്തമാക്കിയിട്ടുണ്ട്.

### Related Links & Sources
- [Original Story Source](https://gcc.truevisionnews.com/news/344899/airstrikes-targeting-airports-in-dubai-and-abu-dhabi-one-dead)