---
title: "യുദ്ധഭീതിക്കിടെ പ്രവാസികളെ വഴിതെറ്റിക്കാൻ ശ്രമം; മസ്‌കത്ത് ഇന്ത്യൻ എംബസിയുടെ പേരിൽ വ്യാജ നോട്ടീസ് പ്രചരിക്കുന്നു, ജാഗ്രതാ നിർദ്ദേശവുമായി അധികൃതർ"
english_title: "Fake notice circulating in the name of the Indian Embassy in Muscat, Indian Embassy issues warning"
publisher: "gccnews.in"
canonical_url: "https://gcc.truevisionnews.com/news/345965/fake-notice-circulating-in-the-name-of-the-indian-embassy-in-muscat-indian-embassy-issues-warning-new"
published_at: "2026-03-06T12:02:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69aa7570c9df6_Fake_notice_circulating_in_the_name_of_the_Indian_Embassy_in_Muscat_Indian_Embassy_issues_warning.jpg"
keywords: []
---

# യുദ്ധഭീതിക്കിടെ പ്രവാസികളെ വഴിതെറ്റിക്കാൻ ശ്രമം; മസ്‌കത്ത് ഇന്ത്യൻ എംബസിയുടെ പേരിൽ വ്യാജ നോട്ടീസ് പ്രചരിക്കുന്നു, ജാഗ്രതാ നിർദ്ദേശവുമായി അധികൃതർ

> **Lead Summary:** മസ്‌കത്ത്: വാട്‌സ്ആപ്പ് വഴി പ്രചരിക്കുന്ന വ്യാജ സന്ദേശങ്ങൾക്കെതിരെ ജാഗ്രത പാലിക്കണമെന്ന് ഒമാനിലെ ഇന്ത്യൻ പ്രവാസികൾക്ക് മസ്‌കത്തിലെ ഇന്ത്യൻ എംബസി മുന്നറിയിപ്പ് നൽകി. എംബസിയുടെ ഔദ്യോഗിക അറിയിപ്പാണെന്ന വ്യാജേന വലിയ തോതിൽ സന്ദേശങ്ങൾ പ്രചരിക്കുന്നത് ശ്രദ്ധയിൽപ്പെട്ടതിനെത്തുടർന്നാണ് വിശദീകരണം. ഇത്തരത്തിൽ പ്രചരിക്കുന്ന സന്ദേശങ്ങൾക്ക് എംബസിയുമായി യാതൊരു ബന്ധവുമില്ലെന്നും ഇവ പൂർണ്ണമായും വ്യാജമാണെന്നും അധികൃതർ വ്യക്തമാക്കി.

## Article Content

മസ്‌കത്ത്: വാട്‌സ്ആപ്പ് വഴി പ്രചരിക്കുന്ന വ്യാജ സന്ദേശങ്ങൾക്കെതിരെ ജാഗ്രത പാലിക്കണമെന്ന് ഒമാനിലെ ഇന്ത്യൻ പ്രവാസികൾക്ക് മസ്‌കത്തിലെ ഇന്ത്യൻ എംബസി മുന്നറിയിപ്പ് നൽകി. എംബസിയുടെ ഔദ്യോഗിക അറിയിപ്പാണെന്ന വ്യാജേന വലിയ തോതിൽ സന്ദേശങ്ങൾ പ്രചരിക്കുന്നത് ശ്രദ്ധയിൽപ്പെട്ടതിനെത്തുടർന്നാണ് വിശദീകരണം. ഇത്തരത്തിൽ പ്രചരിക്കുന്ന സന്ദേശങ്ങൾക്ക് എംബസിയുമായി യാതൊരു ബന്ധവുമില്ലെന്നും ഇവ പൂർണ്ണമായും വ്യാജമാണെന്നും അധികൃതർ വ്യക്തമാക്കി.

നിലവിലെ സംഘർഷ പശ്ചാത്തലത്തിൽ അടിയന്തര സാഹചര്യമുണ്ടായാൽ ഇന്ത്യൻ പ്രവാസികൾ സ്വീകരിക്കേണ്ട നടപടികളും മറ്റും സംബന്ധിച്ച് വിശദീകരിക്കുന്ന നോട്ടീസാണ് എംബസിയുടേതെന്ന പേരിൽ സമൂഹ മാധ്യമങ്ങളിൽ പ്രചരിക്കുന്നത്.

ഇത്തരത്തിലുള്ള ഒരു ഔദ്യോഗിക അറിയിപ്പും തങ്ങൾ പുറപ്പെടുവിച്ചിട്ടില്ലെന്ന് എംബസി പുറത്തിറക്കിയ പ്രസ്താവനയിൽ പറഞ്ഞു. സ്ഥിരീകരിക്കാത്ത സന്ദേശങ്ങൾ മറ്റുള്ളവർക്കു കൈമാറുകയോ പങ്കുവെക്കുകയോ ചെയ്യരുത്. വിശ്വാസയോഗ്യമായ വിവരങ്ങളും അറിയിപ്പുകളും ലഭിക്കാൻ എംബസിയുടെ ഔദ്യോഗിക ആശയവിനിമയ മാർഗങ്ങൾ മാത്രമേ ആശ്രയിക്കാവൂ എന്നും അധികൃതർ പറഞ്ഞു.ഔദ്യോഗിക അറിയിപ്പുകൾക്കായി എംബസിയുടെ സോഷ്യൽ മീഡിയ അക്കൗണ്ടുകളായ എക്സ് പ്ലാറ്റ്ഫോമിലെ @Indemb_Muscat, ഫേസ്ബുക്കിലെ ‘India In Oman’, ഇൻസ്റ്റാഗ്രാമിലെ @indemb_muscat എന്നിവ പിന്തുടരണമെന്നും അറിയിച്ചു.

### Related Links & Sources
- [Original Story Source](https://gcc.truevisionnews.com/news/345965/fake-notice-circulating-in-the-name-of-the-indian-embassy-in-muscat-indian-embassy-issues-warning-new)