---
title: "ബഹറൈൻ വ്യോമപാത തുറന്നില്ല, ​സർവീസുകൾ താൽക്കാലികമായി നിർത്തിവെച്ചെന്ന് ​ഗൾഫ് എയർ‌"
english_title: "Gulf Air says Bahrain airspace not open, services temporarily suspended"
publisher: "gccnews.in"
canonical_url: "https://gcc.truevisionnews.com/news/346838/gulf-air-says-bahrain-airspace-not-open-services-temporarily-suspended"
published_at: "2026-03-10T15:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69aff2c32d35d_gulf_air.jpg"
keywords: []
---

# ബഹറൈൻ വ്യോമപാത തുറന്നില്ല, ​സർവീസുകൾ താൽക്കാലികമായി നിർത്തിവെച്ചെന്ന് ​ഗൾഫ് എയർ‌

> **Lead Summary:** **മനാമ: [ **ഗൾഫ് എയർ വിമാന സർവീസുകൾ താൽക്കാലികമായി നിർത്തിവെച്ചു. ബഹ്‌റൈൻ വ്യോമപാത അടച്ചിട്ടിരിക്കുന്നത് തുടരുന്നതിനാലാണ് സർവീസ് നിർത്തിവെച്ചിരിക്കുന്നത്. വ്യോമപാത സുരക്ഷിതമായി തുറന്നുകൊടുക്കുന്നതിനെക്കുറിച്ച് ബിസിഎഎ സ്ഥിരീകരണം നൽകിയാലുടൻ സർവീസുകൾ പുനരാരംഭിക്കുമെന്ന് ​ഗൾഫ് എയർ അറിയിച്ചു.

## Article Content

**മനാമ: [ **ഗൾഫ് എയർ വിമാന സർവീസുകൾ താൽക്കാലികമായി നിർത്തിവെച്ചു. ബഹ്‌റൈൻ വ്യോമപാത അടച്ചിട്ടിരിക്കുന്നത് തുടരുന്നതിനാലാണ് സർവീസ് നിർത്തിവെച്ചിരിക്കുന്നത്. വ്യോമപാത സുരക്ഷിതമായി തുറന്നുകൊടുക്കുന്നതിനെക്കുറിച്ച് ബിസിഎഎ സ്ഥിരീകരണം നൽകിയാലുടൻ സർവീസുകൾ പുനരാരംഭിക്കുമെന്ന് ​ഗൾഫ് എയർ അറിയിച്ചു.

അടുത്ത അറിയിപ്പ് മാർച്ച് 11, ബഹ്‌റൈൻ സമയം 11:00-ന് ലഭിക്കും. വിമാനങ്ങളെ സംബന്ധിച്ച ഏറ്റവും പുതിയ വിവരങ്ങൾക്കായി gulfair.com സന്ദർശിക്കുകയോ ഗൾഫ് എയർ ആപ്പ് ഉപയോഗിക്കുകയോ ചെയ്യണമെന്നും വിമാന അധികൃതർ വ്യക്തമാക്കി.

ഇറാനിൽ തുടരുന്ന സംഘർഷത്തെത്തുടർന്ന് വിമാനങ്ങൾ വൻതോതിൽ വൈകുകയും റദ്ദാക്കപ്പെടുകയും ചെയ്യുന്നത് ആയിരക്കണക്കിന് യാത്രക്കാരുടെ യാത്രാപദ്ധതികളെ തകിടം മറിച്ചിരിക്കുകയാണ്. ഫെബ്രുവരി 28-ന് ഇറാനെതിരെ അമേരിക്കയും ഇസ്രായേലും നടത്തിയ ആക്രമണങ്ങളെത്തുടർന്ന് യുഎഇ, ഖത്തർ, കുവൈത്ത്, ബഹ്‌റൈൻ, ഇറാൻ, ഇസ്രായേൽ, ഇറാഖ് എന്നീ ഗൾഫ് രാജ്യങ്ങൾ തങ്ങളുടെ വ്യോമപാതകൾ പൂർണ്ണമായോ ഭാഗികമായോ അടയ്ക്കുകയും വിമാന സർവീസുകൾക്ക് താൽക്കാലിക നിയന്ത്രണങ്ങൾ ഏർപ്പെടുത്തുകയും ചെയ്തിരുന്നു.

നിലവിൽ, മിഡിൽ ഈസ്റ്റിലെ ചില ഭാഗങ്ങളിൽ നിയന്ത്രിതമായ വ്യോമപാതകളിലൂടെ വിമാന സർവീസുകൾ ക്രമേണ പുനരാരംഭിച്ചു തുടങ്ങിയിട്ടുണ്ട്. ദുബായ്, ദോഹ, അബുദാബി എന്നിവിടങ്ങളിൽ നിന്ന് പരിമിതമായ സർവീസുകൾ ഇപ്പോൾ ലഭ്യമാണ്.

### Related Links & Sources
- [Original Story Source](https://gcc.truevisionnews.com/news/346838/gulf-air-says-bahrain-airspace-not-open-services-temporarily-suspended)