---
title: "കണ്ണൂരിനു പിന്നാലെ തിരുവനന്തപുരത്തേയ്ക്കും; എയർ ഇന്ത്യ എക്‌സ്പ്രസ് മസ്‌കത്തിൽ നിന്ന് സർവീസ് പുനരാരംഭിക്കുന്നു"
english_title: "air india express resumes muscat thiruvananthapuram service"
publisher: "gccnews.in"
canonical_url: "https://gcc.truevisionnews.com/news/350876/air-india-express-resumes-muscat-thiruvananthapuram-service"
published_at: "2026-04-01T09:06:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69cc92ce54956_air_india_express.jpg"
keywords: []
---

# കണ്ണൂരിനു പിന്നാലെ തിരുവനന്തപുരത്തേയ്ക്കും; എയർ ഇന്ത്യ എക്‌സ്പ്രസ് മസ്‌കത്തിൽ നിന്ന് സർവീസ് പുനരാരംഭിക്കുന്നു

> **Lead Summary:** **മസ്‌കത്ത്: ** ഒമാൻ തലസ്ഥാനമായ മസ്‌കത്തിൽ നിന്ന് കണ്ണൂരിലേക്കുള്ള സർവീസിന് പിന്നാലെ തിരുവനന്തപുരം സർവീസും എയർ ഇന്ത്യ എക്‌സ്പ്രസ് പുനരാരംഭിക്കുന്നു. ഏപ്രിൽ അഞ്ചു മുതൽ 30 വരെയുള്ള ഷെഡ്യൂളിലാണ് മസ്‌കത്ത്- തിരുവനന്തപുരം സർവീസ് ഉൾപ്പെടുത്തിയത്. അതേസമയം, കോഴിക്കോട്ടേക്കും കൊച്ചിയിലേക്കുമുള്ള സർവീസുകൾ ഈ ഷെഡ്യൂളിലും ഉൾപ്പെടുത്തിയിട്ടില്ല.

## Article Content

**മസ്‌കത്ത്: ** ഒമാൻ തലസ്ഥാനമായ മസ്‌കത്തിൽ നിന്ന് കണ്ണൂരിലേക്കുള്ള സർവീസിന് പിന്നാലെ തിരുവനന്തപുരം സർവീസും എയർ ഇന്ത്യ എക്‌സ്പ്രസ് പുനരാരംഭിക്കുന്നു. ഏപ്രിൽ അഞ്ചു മുതൽ 30 വരെയുള്ള ഷെഡ്യൂളിലാണ് മസ്‌കത്ത്- തിരുവനന്തപുരം സർവീസ് ഉൾപ്പെടുത്തിയത്. അതേസമയം, കോഴിക്കോട്ടേക്കും കൊച്ചിയിലേക്കുമുള്ള സർവീസുകൾ ഈ ഷെഡ്യൂളിലും ഉൾപ്പെടുത്തിയിട്ടില്ല.

മസ്‌കത്തിൽനിന്ന് കേരളത്തിലേക്കുള്ള മുഴുവൻ സർവീസുകളും റദ്ദാക്കിയതായി പത്തു ദിവസം മുമ്പ് എയർ ഇന്ത്യ എക്സ്പ്രസ് അറിയിച്ചിരുന്നു. ഏപ്രിൽ ഒന്നു മുതലുള്ള ഷെഡ്യൂളിൽ കണ്ണൂർ സർവീസ് ഉൾപ്പെടുത്തി. ഇതിനു പിന്നാലെയാണ് ഏപ്രിൽ അഞ്ചു മുതൽ 30 വരെയുള്ള ഷെഡ്യൂളിൽ തിരുവനന്തപുരം സർവീസ് കൂടി ഉൾപ്പെടുത്തിയത്.

നിലവിൽ കണ്ണൂരിലേക്ക് തിങ്കൾ, ബുധൻ, വെള്ളി, ഞായർ ദിവസങ്ങളിലാണ് സർവീസ്. രാത്രി 8.10ന് പുറപ്പെടുന്ന വിമാനം പുലർച്ചെ 1.20ന് കണ്ണൂരിലെത്തും. ഇതേ ദിവസങ്ങളിൽ രാത്രി 11. 25ന് മസ്‌കത്തിൽ നിന്ന് പുറപ്പെടുന്ന തിരുവനന്തപുരം സർവീസ് പുലർച്ചെ 4.55 ന് തിരുവനന്തപുരത്തെത്തും.

### Related Links & Sources
- [Original Story Source](https://gcc.truevisionnews.com/news/350876/air-india-express-resumes-muscat-thiruvananthapuram-service)