---
title: "താപനില ഉയരും, യുഎഇയിൽ വരുംദിവസങ്ങളിൽ മഴയ്ക്കും ശക്തമായ കാറ്റിനും സാധ്യത"
english_title: "Rain and strong winds expected in the UAE in the coming days"
publisher: "gccnews.in"
canonical_url: "https://gcc.truevisionnews.com/news/351515/rain-and-strong-winds-expected-in-the-uae-in-the-coming-days"
published_at: "2026-04-04T14:06:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69d0cdc1b97f0_rain.jpg"
keywords: []
---

# താപനില ഉയരും, യുഎഇയിൽ വരുംദിവസങ്ങളിൽ മഴയ്ക്കും ശക്തമായ കാറ്റിനും സാധ്യത

> **Lead Summary:** **ദുബായ്: [ ** യുഎഇയിൽ ഈ വാരാന്ത്യത്തിൽ താപനില നേരിയ തോതിൽ ഉയരുമെന്നും എന്നാൽ വരുംദിവസങ്ങളിൽ മഴയ്ക്കും ശക്തമായ കാറ്റിനും സാധ്യതയുണ്ടെന്നും ദേശീയ കാലാവസ്ഥാ നിരീക്ഷണ കേന്ദ്രം (എൻസിഎം) അറിയിച്ചു. ഇന്ന് രാജ്യത്തിന്റെ മിക്ക ഭാഗങ്ങളിലും ഭാഗികമായി മേഘാവൃതമായ കാലാവസ്ഥയായിരിക്കും. തീരദേശങ്ങളിൽ 24 ഡിഗ്രി മുതൽ 28 ഡിഗ്രി വരെയും ഉൾപ്രദേശങ്ങളിൽ 27 മുതൽ 32 ഡിഗ്രി വരെയുമായിരിക്കും താപനില.

## Article Content

**ദുബായ്: [ ** യുഎഇയിൽ ഈ വാരാന്ത്യത്തിൽ താപനില നേരിയ തോതിൽ ഉയരുമെന്നും എന്നാൽ വരുംദിവസങ്ങളിൽ മഴയ്ക്കും ശക്തമായ കാറ്റിനും സാധ്യതയുണ്ടെന്നും ദേശീയ കാലാവസ്ഥാ നിരീക്ഷണ കേന്ദ്രം (എൻസിഎം) അറിയിച്ചു. ഇന്ന് രാജ്യത്തിന്റെ മിക്ക ഭാഗങ്ങളിലും ഭാഗികമായി മേഘാവൃതമായ കാലാവസ്ഥയായിരിക്കും. തീരദേശങ്ങളിൽ 24 ഡിഗ്രി മുതൽ 28 ഡിഗ്രി വരെയും ഉൾപ്രദേശങ്ങളിൽ 27 മുതൽ 32 ഡിഗ്രി വരെയുമായിരിക്കും താപനില.

നാളെ മുതൽ ആകാശം കൂടുതൽ മേഘാവൃതമാകാനും തീരദേശങ്ങളിലും വടക്കൻ മേഖലകളിലും നേരിയ മഴ പെയ്യാനും സാധ്യതയുണ്ട്. തിങ്കളാഴ്ചയോടെ അന്തരീക്ഷം കൂടുതൽ അസ്ഥിരമാകുകയും താപനില കുറയുകയും ചെയ്യും. മണിക്കൂറിൽ 45 കിലോമീറ്റർ വരെ വേഗത്തിൽ ശക്തമായ വടക്കുപടിഞ്ഞാറൻ കാറ്റ് വീശാൻ സാധ്യതയുള്ളതിനാൽ പൊടിപടലങ്ങൾ ഉയരാനും കാഴ്ചപരിധി കുറയാനും സാധ്യതയുണ്ട്.

ചൊവ്വാഴ്ചയും ബുധനാഴ്ചയും കാറ്റിന്റെ വേഗം മണിക്കൂറിൽ 50 കിലോമീറ്റർ വരെ ഉയർന്നേക്കാം. കടൽ പ്രക്ഷുബ്ധമാകാൻ സാധ്യതയുള്ളതിനാൽ കടലിൽ പോകുന്നവർ ജാഗ്രത പാലിക്കണമെന്ന് അധികൃതർ നിർദേശിച്ചു. വരുംദിവസങ്ങളിൽ പെയ്യാനിടയുള്ള മഴയെ നേരിടാൻ ആവശ്യമായ മുൻകരുതലുകൾ സ്വീകരിക്കണമെന്നും കാലാവസ്ഥാ വകുപ്പ് അറിയിച്ചു. കഴിഞ്ഞ വർഷത്തെ അപേക്ഷിച്ച് ഈ സീസണിൽ കാലാവസ്ഥയിൽ പ്രകടമായ മാറ്റങ്ങളാണ് പ്രകടമാകുന്നത്.

### Related Links & Sources
- [Original Story Source](https://gcc.truevisionnews.com/news/351515/rain-and-strong-winds-expected-in-the-uae-in-the-coming-days)