---
title: "ഗൾഫ് വിപണികളിൽ വിഷുത്തിരക്ക്; ടൺകണക്കിന് പച്ചക്കറികളും കൊന്നപ്പൂക്കളും കേരളത്തിൽ നിന്നെത്തി"
english_title: "Gulf markets witness Vishu rush"
publisher: "gccnews.in"
canonical_url: "https://gcc.truevisionnews.com/news/353325/gulf-markets-witness-vishu-rush"
published_at: "2026-04-14T13:03:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69ddee29e8963_13.jpg"
keywords: []
---

# ഗൾഫ് വിപണികളിൽ വിഷുത്തിരക്ക്; ടൺകണക്കിന് പച്ചക്കറികളും കൊന്നപ്പൂക്കളും കേരളത്തിൽ നിന്നെത്തി

> **Lead Summary:** **ദുബായ്: [ **പശ്ചിമേഷ്യയിലെ നിലവിലെ സംഘർഷ സാഹചര്യങ്ങൾക്കിടയിലും ആവേശം ഒട്ടും ചോരാതെ വിഷുവിനെ വരവേൽക്കാൻ ഒരുങ്ങി ഗൾഫ് മലയാളി ലോകം. വിഷുക്കണിയും സദ്യവട്ടങ്ങളുമായി ആഘോഷങ്ങൾ ഗംഭീരമാക്കാനുള്ള ഒരുക്കത്തിലാണ് പ്രവാസികൾ.

## Article Content

**ദുബായ്: [ **പശ്ചിമേഷ്യയിലെ നിലവിലെ സംഘർഷ സാഹചര്യങ്ങൾക്കിടയിലും ആവേശം ഒട്ടും ചോരാതെ വിഷുവിനെ വരവേൽക്കാൻ ഒരുങ്ങി ഗൾഫ് മലയാളി ലോകം. വിഷുക്കണിയും സദ്യവട്ടങ്ങളുമായി ആഘോഷങ്ങൾ ഗംഭീരമാക്കാനുള്ള ഒരുക്കത്തിലാണ് പ്രവാസികൾ.

ഹൈപ്പർമാർക്കറ്റുകളിലും സൂപ്പർമാർക്കറ്റുകളിലും കണി ഒരുക്കാനുള്ള സാധനങ്ങളും സദ്യയ്ക്കുള്ള പച്ചക്കറികളും സുലഭമായതോടെ വിപണികൾ സജീവമായിട്ടുണ്ട്. പല പ്രമുഖ വ്യാപാര കേന്ദ്രങ്ങളിലും കണി കിറ്റുകൾ നേരത്തെ തന്നെ ലഭ്യമാക്കിയിട്ടുണ്ട്.

ആഘോഷങ്ങൾക്ക് മാറ്റ് കൂട്ടാൻ ടൺകണക്കിന് പഴം-പച്ചക്കറികളും കൊന്നപ്പൂക്കളുമാണ് പ്രത്യേക വിമാനങ്ങളിലായി കേരളത്തിൽ നിന്ന് യുഎഇ ഉൾപ്പെടെയുള്ള ജിസിസി രാജ്യങ്ങളിലെത്തിയത്. ലുലു ഗ്രൂപ്പ് പോലുള്ള പ്രമുഖ സ്ഥാപനങ്ങൾ വിതരണത്തിനായി വിപുലമായ സജ്ജീകരണങ്ങളാണ് ഒരുക്കിയിരിക്കുന്നത്.

എമിറേറ്റ്സ്, ഇത്തിഹാദ് തുടങ്ങിയ വിമാനങ്ങളിലാണ് വിഷുവിനായി കൊന്നപ്പൂക്കൾ വിദേശത്തെത്തിയത്. വീടുകളിൽ സദ്യ തയ്യാറാക്കാൻ സാധിക്കാത്തവർക്കായി പ്രവാസി റെസ്റ്റോറന്റുകൾ പ്രത്യേക സദ്യ ബുക്കിംഗുകളും ആരംഭിച്ചിട്ടുണ്ട്. നാട്ടിലെത്താൻ കഴിഞ്ഞില്ലെങ്കിലും പ്രവാസി മണ്ണിൽ വിഷു ആഘോഷം അവിസ്മരണീയമാക്കാനുള്ള തയ്യാറെടുപ്പിലാണ് ഓരോ മലയാളിയും.

### Related Links & Sources
- [Original Story Source](https://gcc.truevisionnews.com/news/353325/gulf-markets-witness-vishu-rush)