---
title: "വിരൽത്തുമ്പിലെ 'കെണി' തിരിച്ചറിയുക; വ്യാജ ലിങ്കുകൾക്കെതിരെ അബുദാബി പോലീസിന്റെ മുന്നറിയിപ്പ്"
english_title: "Abu Dhabi Police warns against fake links"
publisher: "gccnews.in"
canonical_url: "https://gcc.truevisionnews.com/news/354207/abu-dhabi-police-warns-against-fake-links"
published_at: "2026-04-19T14:19:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69e4975150910_Abu_Dhabi_Police_warns_against_fake_links.jpg"
keywords: []
---

# വിരൽത്തുമ്പിലെ 'കെണി' തിരിച്ചറിയുക; വ്യാജ ലിങ്കുകൾക്കെതിരെ അബുദാബി പോലീസിന്റെ മുന്നറിയിപ്പ്

> **Lead Summary:** അബൂദബി: ഗൂഗിൾ ഉൾപ്പെടെയുള്ള സെർച്ച് എൻജിനുകളിൽ പ്രത്യക്ഷപ്പെടുന്ന വ്യാജ ലിങ്കുകൾ വഴി ബാങ്ക് വിവരങ്ങളും വ്യക്തിഗത ഡാറ്റയും തട്ടിയെടുക്കുന്ന സംഘങ്ങൾക്കെതിരെ പൊതുജനങ്ങൾക്ക് ജാഗ്രതാ നിർദ്ദേശവുമായി അബുദാബി പോലീസ്. സർക്കാർ സേവനങ്ങൾ, ഉപഭോക്തൃ സംരക്ഷണ പ്ലാറ്റ്‌ഫോമുകൾ എന്നിവയുടെ പേരിൽ വ്യാജമായി നിർമ്മിച്ച സൈറ്റുകളിൽ ക്ലിക്ക് ചെയ്യരുതെന്ന് അധികൃതർ മുന്നറിയിപ്പ് നൽകി. ഔദ്യോഗിക വെബ്സൈറ്റുകൾ നേരിട്ട് ടൈപ്പ് ചെയ്ത് ഉപയോഗിക്കണമെന്നും തട്ടിപ്പ് ലിങ്കുകളിൽ വീഴരുതെന്നും പോലീസ് അറിയിച്ചു.

## Article Content

അബൂദബി: ഗൂഗിൾ ഉൾപ്പെടെയുള്ള സെർച്ച് എൻജിനുകളിൽ പ്രത്യക്ഷപ്പെടുന്ന വ്യാജ ലിങ്കുകൾ വഴി ബാങ്ക് വിവരങ്ങളും വ്യക്തിഗത ഡാറ്റയും തട്ടിയെടുക്കുന്ന സംഘങ്ങൾക്കെതിരെ പൊതുജനങ്ങൾക്ക് ജാഗ്രതാ നിർദ്ദേശവുമായി അബുദാബി പോലീസ്. സർക്കാർ സേവനങ്ങൾ, ഉപഭോക്തൃ സംരക്ഷണ പ്ലാറ്റ്‌ഫോമുകൾ എന്നിവയുടെ പേരിൽ വ്യാജമായി നിർമ്മിച്ച സൈറ്റുകളിൽ ക്ലിക്ക് ചെയ്യരുതെന്ന് അധികൃതർ മുന്നറിയിപ്പ് നൽകി. ഔദ്യോഗിക വെബ്സൈറ്റുകൾ നേരിട്ട് ടൈപ്പ് ചെയ്ത് ഉപയോഗിക്കണമെന്നും തട്ടിപ്പ് ലിങ്കുകളിൽ വീഴരുതെന്നും പോലീസ് അറിയിച്ചു.

വിവരങ്ങള്‍ തേടുന്നതിനും സേവനങ്ങള്‍ക്കും ഓണ്‍ലൈന്‍ പേയ്മെന്‍റുകള്‍ക്കും ഔദ്യോഗിക വെബ്സൈറ്റുകളും ആപ്പുകളും മാത്രം ഉപയോഗിക്കണം. തട്ടിപ്പുകാര്‍ നിര്‍മിക്കുന്ന വ്യാജ സൈറ്റുകള്‍ യഥാർഥ വെബ്സൈറ്റുകളെപ്പോലെ തന്നെ തോന്നിക്കുന്നവയാണ്. ഉപഭോക്താവിന് ആവശ്യമുള്ള കാര്യങ്ങള്‍ക്ക് സെര്‍ച്ച് ചെയ്യുമ്പോള്‍ ഏറ്റവും മുകളിലായി വരാവുന്ന പ്രഫഷണല്‍ രീതിയിലാണ് ഇത്തരം വ്യാജ സൈറ്റുകള്‍ രൂപകൽപന ചെയ്തിരിക്കുന്നത്. ഉപഭോക്താക്കള്‍ ഈ ലിങ്കുകളില്‍ പ്രവേശിക്കുമ്പോള്‍ ബാങ്ക് വിവരങ്ങളോ വ്യക്തിഗത വിവരങ്ങളോ ആവശ്യപ്പെടുകയും ഇതുവഴി അക്കൗണ്ടുകളില്‍ നിന്ന് പണം തട്ടിയെടുക്കുകയുമാണ് സൈബര്‍ ക്രിമിനലുകളുടെ രീതി. തട്ടിപ്പിന് ഇരയായാലോ സംശയാസ്പദമായ നീക്കങ്ങള്‍ ശ്രദ്ധയില്‍പ്പെട്ടാലോ ഉടന്‍ ‘അമാന്‍’ സേവനം വഴി അബൂദബി പൊലീസിനെ അറിയിക്കണം. ഫോണ്‍: 8002626. എസ്.എം.എസ്: 2828. ഇമെയില്‍: aman@adpolice.gov.ae. പൊലിസ് സ്റ്റേഷന്‍ ഇന്‍ യുവര്‍ ഫോണ്‍ എന്ന ആപ്പ് വഴിയും പരാതി നല്‍കാം.

### Related Links & Sources
- [Original Story Source](https://gcc.truevisionnews.com/news/354207/abu-dhabi-police-warns-against-fake-links)