---
title: "ദുബായിൽ ഹോട്ടലുകൾ അടച്ചുപൂട്ടുന്നു; ബുർജ് അൽ അറബ് ഒന്നര വർഷത്തേക്ക് പ്രവർത്തിക്കില്ല"
english_title: "Hotels are closing in Dubai"
publisher: "gccnews.in"
canonical_url: "https://gcc.truevisionnews.com/news/354215/hotels-are-closing-in-dubai"
published_at: "2026-04-19T14:46:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69e49dc7d71c6_17.jpg"
keywords: []
---

# ദുബായിൽ ഹോട്ടലുകൾ അടച്ചുപൂട്ടുന്നു; ബുർജ് അൽ അറബ് ഒന്നര വർഷത്തേക്ക് പ്രവർത്തിക്കില്ല

> **Lead Summary:** **ദുബായ്:[ **പശ്ചിമേഷ്യയിൽ നിലനിൽക്കുന്ന സംഘർഷ സാഹചര്യങ്ങൾ ദുബായിലെ വിനോദസഞ്ചാര മേഖലയെ സാരമായി ബാധിക്കുന്നു. സന്ദർശകരുടെ എണ്ണത്തിൽ ഉണ്ടായ കുറവിനെത്തുടർന്ന് നഗരത്തിലെ പ്രമുഖ പഞ്ചനക്ഷത്ര ഹോട്ടലുകൾ ദീർഘകാല അറ്റകുറ്റപ്പണികൾക്കായി അടച്ചിടാൻ തീരുമാനിച്ചു.

## Article Content

**ദുബായ്:[ **പശ്ചിമേഷ്യയിൽ നിലനിൽക്കുന്ന സംഘർഷ സാഹചര്യങ്ങൾ ദുബായിലെ വിനോദസഞ്ചാര മേഖലയെ സാരമായി ബാധിക്കുന്നു. സന്ദർശകരുടെ എണ്ണത്തിൽ ഉണ്ടായ കുറവിനെത്തുടർന്ന് നഗരത്തിലെ പ്രമുഖ പഞ്ചനക്ഷത്ര ഹോട്ടലുകൾ ദീർഘകാല അറ്റകുറ്റപ്പണികൾക്കായി അടച്ചിടാൻ തീരുമാനിച്ചു.

ദുബായിയുടെ ആഗോള അടയാളമായ ബുർജ് അൽ അറബ് ഒന്നര വർഷത്തേക്കാണ് പ്രവർത്തനങ്ങൾ നിർത്തിവെച്ചത്. ലോകത്തിലെ ആദ്യത്തെ സപ്തനക്ഷത്ര ഹോട്ടലുകളിൽ ഒന്നായ ഇതിന്റെ അകത്തളങ്ങൾ പാരിസിൽ നിന്നുള്ള പ്രശസ്ത ഇന്റീരിയർ ആർക്കിടെക്റ്റ് ട്രൈസ്റ്റൻ ഔറിന്റെ നേതൃത്വത്തിൽ പൂർണ്ണമായും നവീകരിക്കും.

27 വർഷത്തെ പ്രവർത്തന പാരമ്പര്യമുള്ള പായ്ക്കപ്പൽ രൂപത്തിലുള്ള ഈ വിസ്മയത്തിന്, കഴിഞ്ഞ ദിവസങ്ങളിലുണ്ടായ മിസൈൽ ആക്രമണങ്ങളിൽ ചെറിയ തോതിൽ കേടുപാടുകൾ സംഭവിച്ചതായും റിപ്പോർട്ടുകളുണ്ട്.

ബുർജ് അൽ അറബിന് പുറമേ പാം ജുമൈറയിലെ പ്രശസ്തമായ സെന്റ് റിജിസ് ഹോട്ടലും അഞ്ച് മാസത്തേക്ക് അടച്ചു. ഹോട്ടലിന്റെ വെബ്സൈറ്റിലൂടെയാണ് മാനേജ്‌മെന്റ് ഇക്കാര്യം അറിയിച്ചത്.

മേഖലയിലെ സംഘർഷങ്ങൾ നീണ്ടുനിൽക്കുന്ന പശ്ചാത്തലത്തിൽ വിനോദസഞ്ചാരികളുടെ കുറവ് മുൻകൂട്ടി കണ്ടാണ് ഇത്തരമൊരു നവീകരണ പാതയിലേക്ക് ഹോട്ടൽ ഗ്രൂപ്പുകൾ നീങ്ങുന്നത്. നവീകരണ പ്രവർത്തനങ്ങൾ പൂർത്തിയാക്കി പുതിയ മുഖത്തോടെ തിരിച്ചെത്താനാണ് ഈ ആഡംബര ഹോട്ടലുകളുടെ ലക്ഷ്യം.

### Related Links & Sources
- [Original Story Source](https://gcc.truevisionnews.com/news/354215/hotels-are-closing-in-dubai)