---
title: "ഒമാനിൽ ബലിപെരുന്നാൾ മെയ് 27-ന് വരാൻ സാധ്യത; പ്രതീക്ഷയോടെ പ്രവാസികൾ"
english_title: "Eid in Oman likely to fall on May 27; Expatriates hopeful"
publisher: "gccnews.in"
canonical_url: "https://gcc.truevisionnews.com/news/355758/eid-in-oman-likely-to-fall-on-may-27-expatriates-hopeful"
published_at: "2026-04-27T14:45:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69ef2a0125d08_Eid_in_Oman_likely_to_fall_on_May_27;_Expatriates_hopeful.jpg"
keywords: []
---

# ഒമാനിൽ ബലിപെരുന്നാൾ മെയ് 27-ന് വരാൻ സാധ്യത; പ്രതീക്ഷയോടെ പ്രവാസികൾ

> **Lead Summary:** **മസ്കത്ത്: [** ഒമാനിൽ ഈ വർഷത്തെ ബലിപെരുന്നാൾ മെയ് 27-ന് ആയിരിക്കുമെന്ന് സൂചന. ജ്യോതിശാസ്ത്ര കണക്കുകൂട്ടലുകളുടെ അടിസ്ഥാനത്തിൽ മെയ് 27-ന് പെരുന്നാൾ വരാനാണ് സാധ്യതയെന്ന് ഒമാൻ സ്പേസ് ആൻഡ് അസ്‌ട്രോണമിക്കൽ സൊസൈറ്റി ബോർഡ് അംഗം അബ്ദുൽ വഹാബ് അൽ ബുസൈദി നിരീക്ഷിച്ചു.

## Article Content

**മസ്കത്ത്: [** ഒമാനിൽ ഈ വർഷത്തെ ബലിപെരുന്നാൾ മെയ് 27-ന് ആയിരിക്കുമെന്ന് സൂചന. ജ്യോതിശാസ്ത്ര കണക്കുകൂട്ടലുകളുടെ അടിസ്ഥാനത്തിൽ മെയ് 27-ന് പെരുന്നാൾ വരാനാണ് സാധ്യതയെന്ന് ഒമാൻ സ്പേസ് ആൻഡ് അസ്‌ട്രോണമിക്കൽ സൊസൈറ്റി ബോർഡ് അംഗം അബ്ദുൽ വഹാബ് അൽ ബുസൈദി നിരീക്ഷിച്ചു.

ഇതുസംബന്ധിച്ച റിപ്പോർട്ട് 'ഒമാൻ ഒബ്സർവർ' പുറത്തുവിട്ടു. അതേസമയം, ഔദ്യോഗിക പ്രഖ്യാപനം മുഖ്യ ചന്ദ്രദർശന സമിതിയുടെ തീരുമാനത്തിന് വിധേയമായിരിക്കും. നിലവിൽ പെരുന്നാൾ സംബന്ധിച്ച് ഔദ്യോഗിക അറിയിപ്പുകളൊന്നും വന്നിട്ടില്ല.

മെയ് 17 ഞായറാഴ്ച (ദുൽ ഖഅദ് 29) മസ്കത്തിൽ വൈകുന്നേരം 6.43-ന് സൂര്യൻ അസ്തമിക്കും. തുടർന്ന് 7.38-ന് ചന്ദ്രൻ അസ്തമിക്കും. ചന്ദ്രക്കല ഏകദേശം 55 മിനിറ്റോളം ആകാശത്ത് ദൃശ്യമായിരിക്കും. ഇത് കണക്കിലെടുത്താൽ മെയ് 18 തിങ്കളാഴ്ച ദുൽ ഹിജ്ജ മാസത്തിലെ ഒന്നാം തീയതിയായിരിക്കും.

അതനുസരിച്ച് ദുൽ ഹിജ്ജ 10 ആയ മെയ് 27 ബലിപെരുന്നാളായി ആഘോഷിക്കപ്പെടുമെന്ന് അബ്ദുൽ വഹാബ് അൽ ബുസൈദി പറഞ്ഞു. വാരാന്ത്യ അവധി കൂടി ഉൾപ്പെടുത്തിയാൽ അഞ്ച് ദിവസത്തെ അവധി ലഭിക്കാൻ സാധ്യതയുണ്ട്. ഈ സമയത്ത് സർക്കാർ ഓഫീസുകൾക്കും സ്കൂളുകൾക്കും അവധിയായിരിക്കും.

### Related Links & Sources
- [Original Story Source](https://gcc.truevisionnews.com/news/355758/eid-in-oman-likely-to-fall-on-may-27-expatriates-hopeful)