---
title: "യു.എ.ഇയിൽ ഇന്ധനവില കൂടി; മേയ് മാസത്തേക്കുള്ള പുതുക്കിയ പെട്രോൾ, ഡീസൽ വിലകൾ പ്രഖ്യാപിച്ചു"
english_title: "Fuel prices increase in the UAE"
publisher: "gccnews.in"
canonical_url: "https://gcc.truevisionnews.com/news/356363/fuel-prices-increase-in-the-uae"
published_at: "2026-04-30T13:01:00+05:30"
category: "Gulf Focus"
language: "ml"
image: "https://cf.zdn.im/img/truevisionnews.com/0/image-uploads/69f30570ac480_fuel_price.jpg"
keywords: []
---

# യു.എ.ഇയിൽ ഇന്ധനവില കൂടി; മേയ് മാസത്തേക്കുള്ള പുതുക്കിയ പെട്രോൾ, ഡീസൽ വിലകൾ പ്രഖ്യാപിച്ചു

> **Lead Summary:** **ദുബൈ : ** യു.എ.ഇയിൽ മേയ് മാസത്തേക്കുള്ള പുതുക്കിയ പെട്രോൾ, ഡീസൽ വിലകൾ പ്രഖ്യാപിച്ചു. ഏപ്രിൽ മാസത്തെ അപേക്ഷിച്ച് മേയിൽ ഇന്ധനവിലയിൽ വർധനവാണ് രേഖപ്പെടുത്തിയിരിക്കുന്നത്. കഴിഞ്ഞ മൂന്ന് മാസമായി തുടരുന്ന വിലവർധനവ് മേയ് മാസത്തിലും തുടരുകയാണ്. നാളെ മുതൽ പ്രാബല്യത്തിൽ വരുന്ന പുതിയ നിരക്കുകൾ താഴെ പറയുന്നവയാണ്.

## Article Content

**ദുബൈ : ** യു.എ.ഇയിൽ മേയ് മാസത്തേക്കുള്ള പുതുക്കിയ പെട്രോൾ, ഡീസൽ വിലകൾ പ്രഖ്യാപിച്ചു. ഏപ്രിൽ മാസത്തെ അപേക്ഷിച്ച് മേയിൽ ഇന്ധനവിലയിൽ വർധനവാണ് രേഖപ്പെടുത്തിയിരിക്കുന്നത്. കഴിഞ്ഞ മൂന്ന് മാസമായി തുടരുന്ന വിലവർധനവ് മേയ് മാസത്തിലും തുടരുകയാണ്. നാളെ മുതൽ പ്രാബല്യത്തിൽ വരുന്ന പുതിയ നിരക്കുകൾ താഴെ പറയുന്നവയാണ്.

**പുതുക്കിയ വില**

* സൂപ്പർ 98: ലിറ്ററിന് 3.66 ദിർഹം (ഏപ്രിലിൽ 3.39 ദിർഹം).

* സ്പെഷ്യൽ 95: ലിറ്ററിന് 3.55 ദിർഹം (ഏപ്രിലിൽ 3.28 ദിർഹം).

* ഇ-പ്ലസ് 91: ലിറ്ററിന് 3.47 ദിർഹം (ഏപ്രിലിൽ 3.20 ദിർഹം).

* ഡീസൽ: ലിറ്ററിന് 4.69 ദിർഹം (ഏപ്രിലിലെ അതേ വില തുടരുന്നു).

ആഗോള വിപണിയിലെ എണ്ണവിലയിലുണ്ടായ വ്യതിയാനങ്ങൾക്ക് അനുസരിച്ചാണ് യു.എ.ഇ ഊർജ മന്ത്രാലയം ഓരോ മാസവും ഇന്ധനവില പുതുക്കി നിശ്ചയിക്കുന്നത്. പശ്ചിമേഷ്യയിലെ നിലവിലെ രാഷ്ട്രീയ സാഹചര്യങ്ങളും വിതരണ ശൃംഖലയിലെ തടസ്സങ്ങളും ആഗോള എണ്ണവില ഉയരാൻ കാരണമായിട്ടുണ്ട്. ഇതിന്റെ പ്രതിഫലനമാണ് പ്രാദേശിക വിപണിയിലും ദൃശ്യമാകുന്നത്.

മേയ് മാസം മുതൽ ഒപെക് (OPEC) കൂട്ടായ്മയിൽ നിന്ന് പുറത്തുപോകാനുള്ള യു.എ.ഇയുടെ തീരുമാനം ആഗോള എണ്ണ വിപണിയിൽ വലിയ മാറ്റങ്ങൾക്ക് വഴിവെക്കുമെന്നാണ് വിലയിരുത്തപ്പെടുന്നത്. സ്വന്തം നിലയിൽ ഉൽപാദനം വർധിപ്പിക്കാൻ ഈ തീരുമാനം യു.എ.ഇയെ സഹായിക്കും. ഇത് ദീർഘകാലാടിസ്ഥാനത്തിൽ വിപണിയിലെ വില നിയന്ത്രിക്കാൻ ഉപകരിച്ചേക്കാം. എങ്കിലും നിലവിലെ അന്താരാഷ്ട്ര സാഹചര്യങ്ങൾ പരിഗണിച്ചാണ് മേയ് മാസത്തിലെ ഇന്ധന നിരക്കുകൾ വർധിപ്പിച്ചിരിക്കുന്നത്.

### Related Links & Sources
- [Original Story Source](https://gcc.truevisionnews.com/news/356363/fuel-prices-increase-in-the-uae)