---
title: "ഭാഗ്യം തുണച്ചത് രണ്ട് മലയാളി ഡ്രൈവർമാരെ; ബിഗ് ടിക്കറ്റിലൂടെ പ്രവാസികൾക്ക് 56 കോടിയും ലാൻഡ് റോവർ ഡിഫൻഡറും "
english_title: "56 crores and a Land Rover Defender for expatriates through Big Ticket"
publisher: "gccnews.in"
canonical_url: "https://gcc.truevisionnews.com/news/357196/56-crores-and-a-land-rover-defender-for-expatriates-through-big-ticket"
published_at: "2026-05-04T10:54:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/69f82da09a4af_10.jpg"
keywords: []
---

# ഭാഗ്യം തുണച്ചത് രണ്ട് മലയാളി ഡ്രൈവർമാരെ; ബിഗ് ടിക്കറ്റിലൂടെ പ്രവാസികൾക്ക് 56 കോടിയും ലാൻഡ് റോവർ ഡിഫൻഡറും 

> **Lead Summary:** **അബുദാബി:[ **[ ]ബിഗ് ടിക്കറ്റിന്റെ ഏറ്റവും പുതിയ തത്സമയ നറുക്കെടുപ്പിൽ വീണ്ടും മലയാളികളുടെ ഭാഗ്യവേട്ട. 25 മില്യൺ ദിർഹത്തിന്റെ (ഏകദേശം 56 കോടിയിലേറെ ഇന്ത്യൻ രൂപ) ഗ്രാൻഡ് പ്രൈസും സ്വപ്നവാഹനമായ ലാൻഡ് റോവർ ഡിഫൻഡറും രണ്ട് മലയാളി പ്രവാസികളാണ് ഇത്തവണ സ്വന്തമാക്കിയത്.

## Article Content

**അബുദാബി:[ **[ ]ബിഗ് ടിക്കറ്റിന്റെ ഏറ്റവും പുതിയ തത്സമയ നറുക്കെടുപ്പിൽ വീണ്ടും മലയാളികളുടെ ഭാഗ്യവേട്ട. 25 മില്യൺ ദിർഹത്തിന്റെ (ഏകദേശം 56 കോടിയിലേറെ ഇന്ത്യൻ രൂപ) ഗ്രാൻഡ് പ്രൈസും സ്വപ്നവാഹനമായ ലാൻഡ് റോവർ ഡിഫൻഡറും രണ്ട് മലയാളി പ്രവാസികളാണ് ഇത്തവണ സ്വന്തമാക്കിയത്.

വിജയികളായ രണ്ടുപേരും യുഎഇയിൽ ഡ്രൈവർമാരായി ജോലി ചെയ്യുന്നവരാണെന്ന പ്രത്യേകതയുമുണ്ട്. കഴിഞ്ഞ 17 വർഷമായി ദുബായിൽ താമസിക്കുന്ന അബ്ദുൾ റഷീദാണ് ബിഗ് ടിക്കറ്റിലെ വമ്പൻ സമ്മാനത്തുകയായ 25 മില്യൺ ദിർഹം നേടിയത്.

സുഹൃത്തുക്കൾക്കൊപ്പം ഇരിക്കുമ്പോഴാണ് ജീവിതം മാറ്റിമറിച്ച ഈ വാർത്ത തേടിയെത്തിയതെന്നും കുടുംബത്തോടും സുഹൃത്തുക്കളോടും ആലോചിച്ച് സമ്മാനത്തുക എന്ത് ചെയ്യണമെന്ന് തീരുമാനിക്കുമെന്നും അദ്ദേഹം പറഞ്ഞു.

അബുദാബിയിൽ താമസിക്കുന്ന അഷ്റഫ് അബ്ദുള്ളയാണ് ഡ്രീം കാർ നറുക്കെടുപ്പിൽ ലാൻഡ് റോവർ ഡിഫൻഡർ സ്വന്തമാക്കിയ മറ്റൊരു ഭാഗ്യശാലി. 40 പേരുടെ സുഹൃദ്‌സംഘത്തിനൊപ്പമാണ് അദ്ദേഹം ടിക്കറ്റെടുത്തത്.

തികച്ചും അപ്രതീക്ഷിതമായ ഈ വിജയം സുഹൃത്തുക്കളുടെ നിർബന്ധത്തിന് വഴങ്ങി ടിക്കറ്റെടുത്തതിലൂടെ കൈവന്നതാണെന്ന് അഷ്റഫ് സന്തോഷം പങ്കുവെച്ചു. അടുത്ത മാസം വീണ്ടും വൻകിട സമ്മാനങ്ങളുമായി ബിഗ് ടിക്കറ്റ് രംഗത്തെത്തുന്നുണ്ട്.

ജൂൺ 3-ന് നടക്കുന്ന നറുക്കെടുപ്പിലെ ഗ്രാൻഡ് പ്രൈസ് 20 മില്യൺ ദിർഹമാണ്. കൂടാതെ, മെയ് 24 വരെ നീളുന്ന 'ബിഗ് വിൻ' മത്സരത്തിലൂടെ 600,000 ദിർഹം വരെ നേടാനുള്ള അവസരവുമുണ്ട്.

ആഴ്ചതോറുമുള്ള ഇ-ഡ്രോയിൽ 25,000 ദിർഹം വീതം നാല് വിജയികൾക്ക് ലഭിക്കും. വരും മാസങ്ങളിൽ റേഞ്ച് റോവർ വെലാർ, ബിഎംഡബ്ല്യു എക്സ്6 തുടങ്ങിയ ആഡംബര കാറുകളും ഡ്രീം കാർ സീരീസിലൂടെ ഭാഗ്യശാലികളെ തേടിയെത്തും.

### Related Links & Sources
- [Original Story Source](https://gcc.truevisionnews.com/news/357196/56-crores-and-a-land-rover-defender-for-expatriates-through-big-ticket)