---
title: "വ്യാജ കസ്റ്റംസ് രേഖകളുമായി രാജ്യം വിടാൻ ശ്രമം; കുവൈത്ത് അതിർത്തിയിൽ അഞ്ച് പേർ പിടിയിൽ "
english_title: "Content Highlights:-Kuwait Five held over attempt to cross border with forged customs documents"
publisher: "gccnews.in"
canonical_url: "https://gcc.truevisionnews.com/news/360830/content-highlights-kuwait-five-held-over-attempt-to-cross-border-with-forged-customs-documents"
published_at: "2026-05-21T15:31:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a0ed84a04f64_GYHRYTU.jpg"
keywords: ["Latest News", "Kuwait", "Customs"]
---

# വ്യാജ കസ്റ്റംസ് രേഖകളുമായി രാജ്യം വിടാൻ ശ്രമം; കുവൈത്ത് അതിർത്തിയിൽ അഞ്ച് പേർ പിടിയിൽ 

> **Lead Summary:** കുവൈത്ത് സിറ്റി: **[**കുവൈത്തിലെ അൽ-അബ്ദാലി അതിർത്തി ചെക്ക്‌പോസ്റ്റ് വഴി വ്യാജ കസ്റ്റംസ് ട്രാൻസിറ്റ് രേഖകളും കാർനെറ്റുകളും ഉപയോഗിച്ച് രാജ്യം വിടാൻ ശ്രമിച്ച അഞ്ച് യാത്രക്കാരെ കസ്റ്റംസ് വിഭാഗം പിടികൂടി. ജനറൽ അഡ്മിനിസ്ട്രേഷൻ ഓഫ് കസ്റ്റംസ് ആണ് ഈ വിവരം ഔദ്യോഗികമായി പുറത്തുവിട്ടത്.

## Article Content

കുവൈത്ത് സിറ്റി: **[**കുവൈത്തിലെ അൽ-അബ്ദാലി അതിർത്തി ചെക്ക്‌പോസ്റ്റ് വഴി വ്യാജ കസ്റ്റംസ് ട്രാൻസിറ്റ് രേഖകളും കാർനെറ്റുകളും ഉപയോഗിച്ച് രാജ്യം വിടാൻ ശ്രമിച്ച അഞ്ച് യാത്രക്കാരെ കസ്റ്റംസ് വിഭാഗം പിടികൂടി. ജനറൽ അഡ്മിനിസ്ട്രേഷൻ ഓഫ് കസ്റ്റംസ് ആണ് ഈ വിവരം ഔദ്യോഗികമായി പുറത്തുവിട്ടത്.

അതിർത്തിയിലെ പതിവ് പരിശോധനകൾക്കിടയിൽ യാത്രക്കാർ സമർപ്പിച്ച ട്രാൻസിറ്റ് രേഖകളിൽ കസ്റ്റംസ് ഇൻസ്പെക്ടർക്ക് തോന്നിയ ശക്തമായ സംശയമാണ് തട്ടിപ്പ് പുറത്തുകൊണ്ടുവരാൻ സഹായിച്ചത്.

തുടർന്ന് അധികൃതർ നടത്തിയ വിശദമായ പരിശോധനയിൽ, ഈ അന്താരാഷ്ട്ര കസ്റ്റംസ് ട്രാൻസിറ്റ് പേപ്പറുകൾ അംഗീകൃത അന്താരാഷ്ട്ര ഗ്യാരന്റി ശൃംഖലയിലുള്ള സ്ഥാപനങ്ങളല്ല നൽകിയതെന്നും, ഇവ പൂർണ്ണമായും വ്യാജമായി നിർമ്മിച്ചതാണെന്നും കണ്ടെത്തി.

ഫെഡറേഷൻ ഇന്റർനാഷണൽ ഡി എൽ ഓട്ടോമൊബൈൽ, അലയൻസ് ഇന്റർനാഷണൽ ഡി ടൂറിസം എന്നിവയുടെ ഗ്യാരന്റിയോ അംഗീകാരമോ ഇല്ലാത്ത വ്യാജ രേഖകൾ വിപണിയിലുണ്ടെന്ന് കുവൈത്ത് ഇന്റർനാഷണൽ ഓട്ടോമൊബൈൽ ക്ലബ്ബ് നേരത്തെ തന്നെ കസ്റ്റംസ് വിഭാഗത്തിന് മുന്നറിയിപ്പ് നൽകിയിരുന്നു. അംഗീകൃത സ്ഥാപനങ്ങൾ നൽകാത്ത ഒരു രേഖയും അതിർത്തികളിൽ സ്വീകരിക്കില്ലെന്ന് ക്ലബ്ബ് വ്യക്തമാക്കിയിട്ടുണ്ട്. പിടിയിലായ അഞ്ച് പേർക്കെതിരെയും ഉടനടി നിയമനടപടികൾ ആരംഭിച്ചതായി അധികൃതർ അറിയിച്ചു.

### Related Links & Sources
- [Original Story Source](https://gcc.truevisionnews.com/news/360830/content-highlights-kuwait-five-held-over-attempt-to-cross-border-with-forged-customs-documents)