---
title: "ഒമാനിലേക്ക് വൻതോതിൽ മയക്കുമരുന്ന് കടത്താൻ ശ്രമം; 5.426 കിലോഗ്രാം കഞ്ചാവുമായി യാത്രക്കാരൻ പിടിയിൽ "
english_title: " Content Highlights:- Attempt to smuggle large quantities of drugs into Oman, passenger arrested with 5.426 kg of cannabis"
publisher: "gccnews.in"
canonical_url: "https://gcc.truevisionnews.com/news/361585/content-highlights-Attempt-to-smuggle-large-quantities-of-drugs-into-Oman-"
published_at: "2026-05-25T11:59:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a13ed344bd89_GCC.jpg"
keywords: ["Latest News", "Gulf News", "Drugs", "Arrest"]
---

# ഒമാനിലേക്ക് വൻതോതിൽ മയക്കുമരുന്ന് കടത്താൻ ശ്രമം; 5.426 കിലോഗ്രാം കഞ്ചാവുമായി യാത്രക്കാരൻ പിടിയിൽ 

> **Lead Summary:** മസ്‌കറ്റ്: മസ്‌കറ്റ് അന്താരാഷ്ട്ര വിമാനത്താവളം വഴി ഒമാനിലേക്ക് വൻതോതിൽ മയക്കുമരുന്ന് കടത്താൻ ശ്രമം.

## Article Content

മസ്‌കറ്റ്: മസ്‌കറ്റ് അന്താരാഷ്ട്ര വിമാനത്താവളം വഴി ഒമാനിലേക്ക് വൻതോതിൽ മയക്കുമരുന്ന് കടത്താൻ ശ്രമം.

5.426 കിലോഗ്രാം കഞ്ചാവുമായി തായ്‌ലൻഡ് സ്വദേശിയായ യാത്രക്കാരനാണ് കസ്റ്റംസ് അധികൃതരുടെ പിടിയിലായത്. വിമാനത്താവളത്തിൽ വെച്ച് ഇയാളെ റോയൽ ഒമാൻ പൊലീസ് കസ്റ്റംസ് പിടികൂടി.

യാത്രക്കാരന്‍റെ വ്യക്തിഗത ലഗേജുകൾ പരിശോധിച്ചപ്പോഴാണ് അതീവ രഹസ്യമായി സൂക്ഷിച്ച നിലയിൽ കഞ്ചാവ് കണ്ടെത്തിയത്. ആകെ 14 പാക്കറ്റുകളിലായാണ് മയക്കുമരുന്ന് പാക്ക് ചെയ്തിരുന്നത്.

വിമാനത്താവളത്തിലെ കസ്റ്റംസ് ഉദ്യോഗസ്ഥരുടെ കൃത്യമായ പരിശോധനയിലാണ് മയക്കുമരുന്ന് കടത്ത് നീക്കം പൊളിഞ്ഞത്. പിടിയിലായ പ്രതിക്കെതിരെയുള്ള നിയമനടപടികൾ പുരോഗമിക്കുകയാണെന്ന് ഒമാൻ കസ്റ്റംസ് അറിയിച്ചു.

മയക്കുമരുന്ന് കടത്ത് തടയുന്നതിനായി വിമാനത്താവളങ്ങളിലും മറ്റ് അതിർത്തികളിലും പരിശോധന ശക്തമാക്കിയിട്ടുണ്ടെന്ന് അധികൃതർ വ്യക്തമാക്കി.

**
**

### Related Links & Sources
- [Original Story Source](https://gcc.truevisionnews.com/news/361585/content-highlights-Attempt-to-smuggle-large-quantities-of-drugs-into-Oman-)