---
title: "ബലിപെരുന്നാൾ ആഘോഷ നിറവിൽ ദുബായ്; 937 പള്ളികൾ പെരുന്നാൾ നമസ്‌കാരത്തിന് സജ്ജം"
english_title: "Content Highlights:-  Dubai gears up for Eid celebrations; 937 mosques ready for Eid prayers"
publisher: "gccnews.in"
canonical_url: "https://gcc.truevisionnews.com/news/361943/dubai-gears-up-for-eid-celebrations-937-mosques-ready-for-eid-prayers-NEW"
published_at: "2026-05-26T16:25:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a157c824a76c_EID.jpg"
keywords: ["DubaI", "Eid celebration", "Eid prayers"]
---

# ബലിപെരുന്നാൾ ആഘോഷ നിറവിൽ ദുബായ്; 937 പള്ളികൾ പെരുന്നാൾ നമസ്‌കാരത്തിന് സജ്ജം

> **Lead Summary:** **ദുബായ്: **ബലിപെരുന്നാൾ നമസ്‌കാരത്തിനായി ദുബായ് എമിറേറ്റ് പൂർണ്ണ സജ്ജമായി. എമിറേറ്റിലുടനീളമുള്ള 937 പള്ളികളും ഈദ്ഗാഹുകളും വിശ്വാസികളെ സ്വീകരിക്കാൻ ഒരുങ്ങിയതായി ഇസ്‌ലാമിക് അഫയേഴ്‌സ് ആൻഡ് ചാരിറ്റബിൾ ആക്റ്റിവിറ്റീസ് ഡിപ്പാർട്ട്‌മെന്‍റ് അറിയിച്ചു. 

## Article Content

**ദുബായ്: **ബലിപെരുന്നാൾ നമസ്‌കാരത്തിനായി ദുബായ് എമിറേറ്റ് പൂർണ്ണ സജ്ജമായി. എമിറേറ്റിലുടനീളമുള്ള 937 പള്ളികളും ഈദ്ഗാഹുകളും വിശ്വാസികളെ സ്വീകരിക്കാൻ ഒരുങ്ങിയതായി ഇസ്‌ലാമിക് അഫയേഴ്‌സ് ആൻഡ് ചാരിറ്റബിൾ ആക്റ്റിവിറ്റീസ് ഡിപ്പാർട്ട്‌മെന്‍റ് അറിയിച്ചു. 

നാളെ ബുധനാഴ്ച പുലർച്ചെ 5:45-നാണ് ദുബായിൽ പെരുന്നാൾ നമസ്‌കാരം നടക്കുക. വിശ്വാസികൾക്ക് പൂർണ്ണ സമാധാനത്തോടും സുരക്ഷിതത്വത്തോടും കൂടി ആരാധനകൾ നിർവ്വഹിക്കാൻ ആവശ്യമായ എല്ലാ ക്രമീകരണങ്ങളും ഉൾപ്പെടുത്തിയ സമഗ്രമായ പ്രവർത്തന പദ്ധതിയാണ് മന്ത്രാലയം പൂർത്തിയാക്കിയിട്ടുള്ളത്.

ഇത്തവണത്തെ പെരുന്നാൾ നമസ്‌കാരത്തിൽ ദുബായിലെ പള്ളികളിൽ പെരുന്നാൾ തക്ബീറുകൾ മുഴക്കാനും ബാങ്ക് വിളിക്കാനും 'മുഅദ്ദിൻ അൽ ഫ്രീജ്' പദ്ധതിയിലെ സ്വദേശികളായ കുട്ടികളും പങ്കാളികളാകും എന്നതാണ് പ്രത്യേകത.

കുട്ടികൾക്ക് മതപരമായ ആചാരങ്ങളോടുള്ള ആഭിമുഖ്യം വർധിപ്പിക്കുന്നതിനും എമിറാത്തി സ്വത്വവും ഇസ്‌ലാമിക മൂല്യങ്ങളും അവരിൽ വളർത്തിയെടുക്കുന്നതിനുമായാണ് ഈ പദ്ധതി നടപ്പിലാക്കുന്നത്. പെരുന്നാൾ നമസ്‌കാരങ്ങളിൽ പങ്കെടുക്കാനും തക്ബീർ ധ്വനികൾ മുഴക്കാനും കുട്ടികളെ പ്രോത്സാഹിപ്പിക്കണമെന്ന് അധികൃതർ മാതാപിതാക്കളോട് അഭ്യർത്ഥിച്ചു.

### Related Links & Sources
- [Original Story Source](https://gcc.truevisionnews.com/news/361943/dubai-gears-up-for-eid-celebrations-937-mosques-ready-for-eid-prayers-NEW)