---
title: "യുഎഇയിൽ ജൂൺ മാസത്തെ ഇന്ധനവില പ്രഖ്യാപിച്ചു; പെട്രോളിന് വില കൂടിയപ്പോൾ ഡീസലിന് വൻ കുറവ്"
english_title: "Fuel prices announced for June in the UAE"
publisher: "gccnews.in"
canonical_url: "https://gcc.truevisionnews.com/news/362945/fuel-prices-announced-for-june-in-the-uae"
published_at: "2026-05-31T14:21:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a1bf6ee4926f_17.jpg"
keywords: ["Latest News", "Uae", "Dubai", "Fuel price", "June"]
---

# യുഎഇയിൽ ജൂൺ മാസത്തെ ഇന്ധനവില പ്രഖ്യാപിച്ചു; പെട്രോളിന് വില കൂടിയപ്പോൾ ഡീസലിന് വൻ കുറവ്

> **Lead Summary:** **ദുബായ്: [ **യുഎഇയിൽ ജൂൺ മാസത്തേക്കുള്ള പുതുക്കിയ ഇന്ധന നിരക്കുകൾ പ്രഖ്യാപിച്ചു. യുഎഇ ഇന്ധനവില നിർണ്ണയ സമിതി പുറത്തുവിട്ട പുതിയ വിവരങ്ങൾ പ്രകാരം പെട്രോൾ വിലയിൽ വർധനവുണ്ടായപ്പോൾ ഡീസൽ വിലയിൽ കാര്യമായ കുറവാണ് രേഖപ്പെടുത്തിയിരിക്കുന്നത്.

## Article Content

**ദുബായ്: [ **യുഎഇയിൽ ജൂൺ മാസത്തേക്കുള്ള പുതുക്കിയ ഇന്ധന നിരക്കുകൾ പ്രഖ്യാപിച്ചു. യുഎഇ ഇന്ധനവില നിർണ്ണയ സമിതി പുറത്തുവിട്ട പുതിയ വിവരങ്ങൾ പ്രകാരം പെട്രോൾ വിലയിൽ വർധനവുണ്ടായപ്പോൾ ഡീസൽ വിലയിൽ കാര്യമായ കുറവാണ് രേഖപ്പെടുത്തിയിരിക്കുന്നത്.

ജൂൺ ഒന്ന് മുതൽ പുതിയ നിരക്കുകൾ രാജ്യവ്യാപകമായി പ്രാബല്യത്തിൽ വരും. അന്താരാഷ്ട്ര വിപണിയിലെ എണ്ണവിലയിലെ വ്യതിയാനങ്ങൾക്ക് അനുസൃതമായാണ് സമിതി നിരക്കുകൾ പരിഷ്കരിച്ചിരിക്കുന്നത്.

പുതുക്കിയ നിരക്കനുസരിച്ച് ഉയർന്ന ഗ്രേഡായ സൂപ്പർ 98 പെട്രോളിന് ലിറ്ററിന് 3.95 ദിർഹമാകും ജൂണിലെ വില. മെയ് മാസത്തിൽ ഇത് 3.66 ദിർഹമായിരുന്നു. സ്പെഷ്യൽ 95 പെട്രോളിന്റെ വില മെയ് മാസത്തിലെ 3.55 ദിർഹത്തിൽ നിന്നും ജൂണിൽ 3.83 ദിർഹമായി ഉയർന്നു.

ഇ-പ്ലസ് 91 പെട്രോളിന് ലിറ്ററിന് 3.76 ദിർഹമാണ് പുതിയ നിരക്ക്; കഴിഞ്ഞ മാസം ഇത് 3.48 ദിർഹമായിരുന്നു. പെട്രോൾ ഇനങ്ങളിൽ ലിറ്ററിന് ഏകദേശം 28 മുതൽ 29 ഫിൽസ് വരെയുള്ള വർധനവാണ് ഈ തവണ ഉണ്ടായിട്ടുള്ളത്.

അതേസമയം, ഡീസൽ വിലയിൽ ലിറ്ററിന് 36 ഫിൽസിന്റെ വലിയ കുറവ് രേഖപ്പെടുത്തിയത് ഉപഭോക്താക്കൾക്ക് വലിയ ആശ്വാസമായി. മെയ് മാസത്തിൽ ലിറ്ററിന് 4.69 ദിർഹമായിരുന്ന ഡീസൽ വില ജൂണിൽ 4.33 ദിർഹമായാണ് കുറഞ്ഞത്.

ഡീസൽ നിരക്കിലുണ്ടായ ഈ പ്രകടമായ കുറവ് രാജ്യത്തെ ചരക്കുനീക്ക-ഗതാഗത മേഖലയ്ക്ക് വലിയ രീതിയിൽ തുണയാകും. എല്ലാ മാസവും അവസാന വാരത്തിലാണ് ഇന്ധനവില നിർണ്ണയ സമിതി അടുത്ത മാസത്തേക്കുള്ള നിരക്കുകൾ അവലോകനം ചെയ്ത് പുതുക്കാറുള്ളത്.

### Related Links & Sources
- [Original Story Source](https://gcc.truevisionnews.com/news/362945/fuel-prices-announced-for-june-in-the-uae)