---
title: "ഒമാൻ തിളയ്ക്കുന്നു; വരും ദിവസങ്ങളിൽ താപനില 50 ഡിഗ്രിയിലേക്ക്"
english_title: "Temperatures could reach 50 degrees in Oman"
publisher: "gccnews.in"
canonical_url: "https://gcc.truevisionnews.com/news/364656/temperatures-could-reach-50-degrees-in-oman"
published_at: "2026-06-08T12:15:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a250924ef27d_un.jpg"
keywords: ["LATEST NEWS", "Oman", "Temperature"]
---

# ഒമാൻ തിളയ്ക്കുന്നു; വരും ദിവസങ്ങളിൽ താപനില 50 ഡിഗ്രിയിലേക്ക്

> **Lead Summary:** മസ്കറ്റ്: **[** ഒമാനിൽ വരും ദിവസങ്ങളിൽ ചൂട് കഠിനമാകുമെന്ന് സിവിൽ ഏവിയേഷൻ അതോറിറ്റിയുടെ മുന്നറിയിപ്പ്. തിങ്കളാഴ്ച മുതൽ രാജ്യത്തിന്റെ വിവിധ ഭാഗങ്ങളിൽ താപനില കുത്തനെ ഉയർന്നേക്കും. ചിലയിടങ്ങളിൽ ഇത് 50 ഡിഗ്രി സെൽഷ്യസ് വരെ എത്തിയേക്കാമെന്നും അധികൃതർ വ്യക്തമാക്കി.

## Article Content

മസ്കറ്റ്: **[** ഒമാനിൽ വരും ദിവസങ്ങളിൽ ചൂട് കഠിനമാകുമെന്ന് സിവിൽ ഏവിയേഷൻ അതോറിറ്റിയുടെ മുന്നറിയിപ്പ്. തിങ്കളാഴ്ച മുതൽ രാജ്യത്തിന്റെ വിവിധ ഭാഗങ്ങളിൽ താപനില കുത്തനെ ഉയർന്നേക്കും. ചിലയിടങ്ങളിൽ ഇത് 50 ഡിഗ്രി സെൽഷ്യസ് വരെ എത്തിയേക്കാമെന്നും അധികൃതർ വ്യക്തമാക്കി.

അന്തരീക്ഷത്തിന്റെ മുകൾഭാഗത്തുണ്ടാകുന്ന ഉയർന്ന വായുമർദ്ദവും വടക്ക്-പടിഞ്ഞാറ് ദിശയിൽ നിന്ന് വീശുന്ന വരണ്ട കാറ്റുമാണ് ചൂട് കൂടാൻ കാരണം. ഒമാൻ കടലിനോട് ചേർന്നുള്ള തീരപ്രദേശങ്ങളിൽ വരും ദിവസങ്ങളിൽ കടുത്ത ചൂട് അനുഭവപ്പെടും. എന്നാൽ അൽ വുസ്ത, ദോഫാർ എന്നീ തീരദേശ മേഖലകളിൽ മറ്റ് സ്ഥലങ്ങളെ അപേക്ഷിച്ച് ചൂട് കുറവായിരിക്കും.

**പ്രധാന നിർദ്ദേശങ്ങൾ:**

ഉച്ചസമയങ്ങളിൽ നേരിട്ട് സൂര്യപ്രകാശം ഏൽക്കുന്നത് പൂർണ്ണമായി ഒഴിവാക്കുക.

നിർജ്ജലീകരണവും മറ്റ് ശാരീരിക അസ്വസ്ഥതകളും ഒഴിവാക്കാൻ ആവശ്യത്തിന് വെള്ളം കുടിക്കണം.

 കഠിനമായ ഔട്ട്ഡോർ ജോലികൾ ചൂട് കൂടിയ സമയങ്ങളിൽ നിന്ന് മാറ്റി മറ്റ് സമയങ്ങളിലേക്ക് ക്രമീകരിക്കാൻ തൊഴിലുടമകൾ ശ്രദ്ധിക്കണം.

തൊഴിലാളികൾക്ക് വിശ്രമിക്കാൻ തണലുള്ള സൗകര്യങ്ങളും കുടിവെള്ളവും ഉറപ്പുവരുത്തണം.

വർഷത്തിലെ ഏറ്റവും ചൂടേറിയ കാലയളവിലൂടെയാണ് ഒമാൻ കടന്നുപോകുന്നത് എന്നതിനാൽ സ്വദേശികളും പ്രവാസികളും കടുത്ത ജാഗ്രത പാലിക്കണമെന്ന് അതോറിറ്റി ആവശ്യപ്പെട്ടു.

### Related Links & Sources
- [Original Story Source](https://gcc.truevisionnews.com/news/364656/temperatures-could-reach-50-degrees-in-oman)