---
title: "ഒമാനിൽ കാറ്റും പൊടിക്കാറ്റും കടുക്കും; മൂടൽമഞ്ഞ് മുന്നറിയിപ്പുമായി കാലാവസ്ഥാ കേന്ദ്രം"
english_title: "Oman Meteorological Department issues fog warning"
publisher: "gccnews.in"
canonical_url: "https://gcc.truevisionnews.com/news/364927/oman-meteorological-department-issues-fog-warning"
published_at: "2026-06-09T15:30:00+05:30"
category: "News"
language: "ml"
image: "https://gcc.truevisionnews.com/image-uploads/6a27e46d63de6_OMAN.jpg"
keywords: ["Latest News", "Oman", "Wind and Dust Storm"]
---

# ഒമാനിൽ കാറ്റും പൊടിക്കാറ്റും കടുക്കും; മൂടൽമഞ്ഞ് മുന്നറിയിപ്പുമായി കാലാവസ്ഥാ കേന്ദ്രം

> **Lead Summary:** **മസ്കത്ത്: [** ഒമാനിലെ വിവിധ ഗവർണറേറ്റുകളിൽ വരും മണിക്കൂറുകളിൽ ശക്തമായ കാറ്റിനും കനത്ത പൊടിക്കാറ്റിനും സാധ്യതയെന്ന് ഒമാൻ സിവിൽ ഏവിയേഷൻ അതോറിറ്റി കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.

## Article Content

**മസ്കത്ത്: [** ഒമാനിലെ വിവിധ ഗവർണറേറ്റുകളിൽ വരും മണിക്കൂറുകളിൽ ശക്തമായ കാറ്റിനും കനത്ത പൊടിക്കാറ്റിനും സാധ്യതയെന്ന് ഒമാൻ സിവിൽ ഏവിയേഷൻ അതോറിറ്റി കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.

രാജ്യത്തിന്റെ ഉൾപ്രദേശങ്ങളിലും മരുഭൂമി മേഖലകളിലുമായിരിക്കും പൊടിക്കാറ്റ് കൂടുതൽ പ്രതിസന്ധി സൃഷ്ടിക്കുക. പൊടിക്കാറ്റ് ശക്തമാകുന്നതോടെ പലയിടങ്ങളിലും കാഴ്ചപരിധി ഗണ്യമായി കുറയാൻ സാധ്യതയുണ്ടെന്നും അധികൃതർ വ്യക്തമാക്കി.

ആദം, ബുറൈമി, സുനൈന, ബഹ്‌ല, ദൻക്, ഇബ്രി എന്നീ ഗവർണറേറ്റുകളിലാണ് അതീവ പൊടിക്കാറ്റ് ജാഗ്രതാ നിർദേശമുള്ളത്. അതേസമയം, രാജ്യത്തിന്റെ ഭൂരിഭാഗം പ്രദേശങ്ങളിലും ഇന്ന് പൊതുവെ തെളിഞ്ഞതോ ഭാഗികമായി മേഘാവൃതമായതോ ആയ കാലാവസ്ഥയായിരിക്കും.

എന്നാൽ സൗത്ത് അൽ ശർഖിയ, അൽ വുസ്ത ഗവർണറേറ്റുകളുടെ ചില ഭാഗങ്ങളിൽ അർധരാത്രിയിലും പുലർച്ചെയും ശക്തമായ മൂടൽമഞ്ഞ് രൂപപ്പെടാൻ സാധ്യതയുണ്ടെന്നും കാലാവസ്ഥാ കേന്ദ്രം അറിയിച്ചു.

ഇസ്‌കി, ഹംറ, ഖബൂറ, റുസ്താഖ്, സുവൈഖ്, അൽ ഔദ്, അൽ മആവിൽ എന്നീ പ്രദേശങ്ങളിൽ ശക്തമായ കാറ്റ് വീശിയേക്കും. ഇതിന് പുറമെ അൽ ജസീറ, ദുഖം, തുമ്രൈത്, ജഅ്ലാൻ ബനി ബൂ ഹസ്സൻ, ജഅ്ലാൻ ബനി ബൂ അലി, രഖ്യൂത്ത്, സദഹ് എന്നീ തീരദേശ-ഉൾപ്രദേശങ്ങളിലും കനത്ത കാറ്റിന് സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണമെന്ന് നിർദേശമുണ്ട്. 

### Related Links & Sources
- [Original Story Source](https://gcc.truevisionnews.com/news/364927/oman-meteorological-department-issues-fog-warning)