---
title: "ഹാഷിഷും ഹെറോയിനും ലിറിക്കയും; കുവൈത്തിൽ മയക്കുമരുന്ന് കേസുകളിൽ ഏഴു പേർ അറസ്റ്റിൽ"
english_title: "Hashish, heroin and Lyrica; Seven people arrested in drug cases in Kuwait"
publisher: "gccnews.in"
canonical_url: "https://gcc.truevisionnews.com/news/365307/hashish-heroin-and-lyrica-seven-people-arrested-in-drug-cases-in-kuwait"
published_at: "2026-06-11T14:24:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a2a7885f263e_Seven_people_arrested_in_drug_cases_in_Kuwait.jpg"
keywords: ["Latest News", "Hashish", "Drug Bust", "Anti Narcotics"]
---

# ഹാഷിഷും ഹെറോയിനും ലിറിക്കയും; കുവൈത്തിൽ മയക്കുമരുന്ന് കേസുകളിൽ ഏഴു പേർ അറസ്റ്റിൽ

> **Lead Summary:** കുവൈത്ത് സിറ്റി: മയക്കുമരുന്നും വിനാശകരമായ സൈക്കോട്രോപിക് ലഹരിവസ്തുക്കളും കൈവശം വച്ചതുമായി ബന്ധപ്പെട്ട് വ്യത്യസ്ത കേസുകളിലായി ഏഴ് പേരെ സുരക്ഷാ ഉദ്യോഗസ്ഥർ പിടികൂടി. ലഹരികടത്തിനും വ്യക്തിഗത ഉപയോഗത്തിനുമായി സൂക്ഷിച്ചിരുന്ന വൻ മയക്കുമരുന്ന് ശേഖരമാണ് ഇവരിൽ നിന്ന് പിടിച്ചെടുത്തതെന്ന് ആഭ്യന്തര മന്ത്രാലയം അറിയിച്ചു.

## Article Content

കുവൈത്ത് സിറ്റി: മയക്കുമരുന്നും വിനാശകരമായ സൈക്കോട്രോപിക് ലഹരിവസ്തുക്കളും കൈവശം വച്ചതുമായി ബന്ധപ്പെട്ട് വ്യത്യസ്ത കേസുകളിലായി ഏഴ് പേരെ സുരക്ഷാ ഉദ്യോഗസ്ഥർ പിടികൂടി. ലഹരികടത്തിനും വ്യക്തിഗത ഉപയോഗത്തിനുമായി സൂക്ഷിച്ചിരുന്ന വൻ മയക്കുമരുന്ന് ശേഖരമാണ് ഇവരിൽ നിന്ന് പിടിച്ചെടുത്തതെന്ന് ആഭ്യന്തര മന്ത്രാലയം അറിയിച്ചു.

ഏകദേശം 2.55 കിലോഗ്രാം ഹാഷിഷ്, 150 ഗ്രാം ഹെറോയിൻ, 20 ഗ്രാം മെത്താംഫെറ്റാമൈൻ (ഐസ്), 6,350 ലിറിക്ക കാപ്സ്യൂളുകൾ, 150 സനാക്സ് ഗുളികകൾ, 50 മെത്തഡോൾ ഗുളികകൾ എന്നിവയാണ് പ്രതികളിൽ നിന്ന് കണ്ടെടുത്തത്. ഇതിന് പുറമെ ലഹരിവസ്തുക്കൾ തയാറാക്കുന്നതിനും പാക്കുചെയ്യുന്നതിനുമായി പ്രതികൾ ഉപയോഗിച്ചിരുന്ന അത്യാധുനിക ഉപകരണങ്ങളും ഉദ്യോഗസ്ഥർ കസ്റ്റഡിയിലെടുത്തു.

എല്ലാ പ്രതികളെയും, കണ്ടുകെട്ടിയ വസ്തുക്കളും തുടർ നിയമനടപടികൾക്കായി ബന്ധപ്പെട്ട അധികാരികൾക്ക് കൈമാറി. മയക്കുമരുന്ന് കടത്ത് തടയുന്നതിനും ലഹരി അപകടങ്ങളിൽ നിന്നും സമൂഹത്തെ സംരക്ഷിക്കുന്നതിനും ശക്തമായ പരിശോധനയും നടപടികളും തുടരുമെന്ന് ആഭ്യന്തര മന്ത്രാലയം വ്യക്തമാക്കി.

### Related Links & Sources
- [Original Story Source](https://gcc.truevisionnews.com/news/365307/hashish-heroin-and-lyrica-seven-people-arrested-in-drug-cases-in-kuwait)