---
title: "പ്രവാസികള്‍ക്ക് കോളടിച്ചേ ....! ഒരു ദിര്‍ഹത്തിന് 26.23 രൂപ; നാട്ടിലേക്ക് പണം അയക്കാന്‍ നല്ല സമയം"
english_title: "UAE Dirham To INR Rate 26.23 Expats Remittance Good Time"
publisher: "gccnews.in"
canonical_url: "https://gcc.truevisionnews.com/news/374395/uae-dirham-inr-rate-26-23-expats-remittance"
published_at: "2026-07-24T16:32:00+05:30"
category: "News"
language: "ml"
image: "https://gcc.truevisionnews.com/image-uploads/6a6346a08cb5c_uae-dirham-inr-rate-26-23-expats-remittance.jpg"
keywords: ["UAE Dirham", "INR", "Exchange Rate", "NRI Remittance", "Gulf News"]
---

# പ്രവാസികള്‍ക്ക് കോളടിച്ചേ ....! ഒരു ദിര്‍ഹത്തിന് 26.23 രൂപ; നാട്ടിലേക്ക് പണം അയക്കാന്‍ നല്ല സമയം

> **Lead Summary:** **ദുബൈ: **പ്രവാസികള്‍ക്ക് നാട്ടിലേക്ക് പണം അയക്കാന്‍ നല്ല സമയം. ഇന്ത്യന്‍ രൂപ ഉള്‍പ്പെടെയുള്ള പ്രമുഖ ഏഷ്യന്‍ കറന്‍സികളുടെ മൂല്യത്തിലുണ്ടാകുന്ന വന്‍ ഇടിവാണ് യുഎഇ പ്രവാസികള്‍ക്ക് ഉള്‍പ്പെടെ നേട്ടമാകുന്നത്. യുഎഇ ദിര്‍ഹവുമായുള്ള വിനിമയ നിരക്കില്‍ ചരിത്രത്തിലെ ഏറ്റവും താഴ്ന്ന നിലവാരത്തിലേക്ക് ഇന്ത്യന്‍ രൂപ താഴ്ന്നു.

## Article Content

**ദുബൈ: **പ്രവാസികള്‍ക്ക് നാട്ടിലേക്ക് പണം അയക്കാന്‍ നല്ല സമയം. ഇന്ത്യന്‍ രൂപ ഉള്‍പ്പെടെയുള്ള പ്രമുഖ ഏഷ്യന്‍ കറന്‍സികളുടെ മൂല്യത്തിലുണ്ടാകുന്ന വന്‍ ഇടിവാണ് യുഎഇ പ്രവാസികള്‍ക്ക് ഉള്‍പ്പെടെ നേട്ടമാകുന്നത്. യുഎഇ ദിര്‍ഹവുമായുള്ള വിനിമയ നിരക്കില്‍ ചരിത്രത്തിലെ ഏറ്റവും താഴ്ന്ന നിലവാരത്തിലേക്ക് ഇന്ത്യന്‍ രൂപ താഴ്ന്നു.

ഇന്ത്യന്‍ രൂപയ്ക്ക് പുറമേ ഫിലിപ്പീന്‍സ് പെസോ, പാകിസ്ഥാന്‍ രൂപ തുടങ്ങിയ ഏഷ്യന്‍ കറന്‍സികളും ദിര്‍ഹത്തിനെതിരെ മൂല്യമിടിവ് നേരിടുന്നുണ്ട്. ഏറ്റവും പുതിയ വിനിമയ നിരക്ക് പ്രകാരം ഒരു ദിര്‍ഹത്തിന് 26.23 രൂപ എന്ന ഉയര്‍ന്ന നിരക്കാണ് പ്രവാസികള്‍ക്ക് ലഭിക്കുന്നത്. മുന്‍ദിവസത്തെ 26.19 രൂപയില്‍ നിന്നാണ് രൂപയുടെ മൂല്യം വീണ്ടും കുറഞ്ഞത്.

കുറഞ്ഞ ദിര്‍ഹം അയക്കുമ്പോള്‍ തന്നെ നാട്ടില്‍ കൂടുതല്‍ തുക ലഭ്യമാകുമെന്നതാണ് ഇതിന്റെ പ്രധാന ആകര്‍ഷണം. നിലവിലെ ഉയര്‍ന്ന വിനിമയ നിരക്ക് പരമാവധി പ്രയോജനപ്പെടുത്താനാണ് പ്രവാസികളുടെ നീക്കം.

കൈവശമുള്ള തുകയുടെ ഒരു ഭാഗം ഉയര്‍ന്ന നിരക്ക് ലഭിക്കുന്ന ഇപ്പോള്‍ത്തന്നെ നാട്ടിലേക്ക് അയക്കുകയും, വിപണിയിലെ വ്യതിയാനങ്ങള്‍ നിരീക്ഷിച്ച് നിരക്കില്‍ കുറവുണ്ടാകുന്നത് അനുസരിച്ച് അയക്കാന്‍ ദിര്‍ഹം കരുതി വയ്ക്കുന്നവരുമുണ്ട്. രൂപയുടെ മൂല്യം ഇടിയുന്നത് ഇന്ത്യയിലെ സാമ്പത്തിക മേഖലയ്ക്കും ഇറക്കുമതിക്കും വലിയ തിരിച്ചടിയാണെങ്കിലും ഗള്‍ഫില്‍ നിന്ന് നാട്ടിലേക്ക് പണമയക്കുന്ന പ്രവാസികള്‍ക്ക് ഇത് വലിയ ആശ്വാസമാണ് നല്‍കുന്നത്.

### Related Links & Sources
- [Original Story Source](https://gcc.truevisionnews.com/news/374395/uae-dirham-inr-rate-26-23-expats-remittance)