---
title: "മദീനയിൽ പെൺവാണിഭം: രണ്ട് പ്രവാസി വനിതകൾ അറസ്റ്റിൽ"
english_title: "Two Expat Women Arrested In Madinah For Prostitution Ring"
publisher: "gccnews.in"
canonical_url: "https://gcc.truevisionnews.com/news/379397/madinah-two-expat-women-arrested-prostitution-case"
published_at: "2026-08-20T23:09:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a873c03938aa_madinah-two-expat-women-arrested-prostitution-case.jpg"
keywords: ["Saudi Arabia", "Human Trafficking", "Prostitution", "Expat Women", "Madinah Police"]
---

# മദീനയിൽ പെൺവാണിഭം: രണ്ട് പ്രവാസി വനിതകൾ അറസ്റ്റിൽ

> **Lead Summary:** സൗദി അറേബ്യ : മദീന റീജിയണിൽ പെൺവാണിഭത്തിൽ ഏർപ്പെട്ടിരുന്ന രണ്ട് പ്രവാസി വനിതകളെ സംയുക്ത റെയ്ഡിൽ അറസ്റ്റ് ചെയ്തു. മദീന റീജിയൺ പൊലീസും ജനറൽ അഡ്മിനിസ്ട്രേഷൻ ഫോർ കമ്യൂണിറ്റി സെക്യൂരിറ്റി ആന്റ് കോംബാറ്റിങ് ഹ്യൂമൻ ട്രാഫിക്കിങ്ങും ചേർന്നാണ് നടപടി സ്വീകരിച്ചത്.

## Article Content

സൗദി അറേബ്യ : മദീന റീജിയണിൽ പെൺവാണിഭത്തിൽ ഏർപ്പെട്ടിരുന്ന രണ്ട് പ്രവാസി വനിതകളെ സംയുക്ത റെയ്ഡിൽ അറസ്റ്റ് ചെയ്തു. മദീന റീജിയൺ പൊലീസും ജനറൽ അഡ്മിനിസ്ട്രേഷൻ ഫോർ കമ്യൂണിറ്റി സെക്യൂരിറ്റി ആന്റ് കോംബാറ്റിങ് ഹ്യൂമൻ ട്രാഫിക്കിങ്ങും ചേർന്നാണ് നടപടി സ്വീകരിച്ചത്.

രഹസ്യ വിവരത്തിന്റെ അടിസ്ഥാനത്തിൽ നടത്തിയ തിരച്ചിലിലാണ് പ്രതികളെ അധികൃതർ പിടികൂടിയത്. അറസ്റ്റിലായ വനിതകൾക്കെതിരെ നിലവിലുള്ള നിയമങ്ങൾ അനുസരിച്ചുള്ള നടപടികൾ സ്വീകരിച്ചിട്ടുണ്ടെന്ന് മദീന റീജിയൺ പൊലീസ് അറിയിച്ചു. തുടർനടപടികൾക്കായി കേസ് പബ്ലിക് പ്രോസിക്യൂഷന് കൈമാറിയതായും പൊലീസ് സ്ഥിരീകരിച്ചു.

മേഖലയിൽ ക്രമസമാധാനം ഉറപ്പുവരുത്തുന്നതിനും നിയമവിരുദ്ധ പ്രവർത്തനങ്ങൾ തടയുന്നതിനുമായി സുരക്ഷാ സേന പരിശോധനകൾ ശക്തമാക്കിയിട്ടുണ്ട്. അനധികൃത തൊഴിൽ രീതികൾക്കും മനുഷ്യക്കടത്തിനും എതിരായ നടപടികളുടെ ഭാഗമായാണ് ഈ റെയ്ഡ് നടത്തിയത്. നിയമലംഘനങ്ങളിൽ ഏർപ്പെടുന്നവർക്കെതിരെ വിട്ടുവീഴ്ചയില്ലാത്ത നടപടികൾ സ്വീകരിക്കുമെന്ന് അധികൃതർ മുന്നറിയിപ്പ് നൽകി.

സൗദി നിയമങ്ങൾ ലംഘിക്കുന്ന ഏത് പ്രവർത്തനവും കർശനമായി നേരിടുമെന്നും പൊതുജനങ്ങൾ ഇത്തരം നിയമവിരുദ്ധ പ്രവർത്തനങ്ങൾ കണ്ടാൽ ബന്ധപ്പെട്ട അധികാരികളെ അറിയിക്കണമെന്നും പൊലീസ് അഭ്യർത്ഥിച്ചു. മനുഷ്യക്കടത്തും ചൂഷണവും തടയുന്നതിനായി സൗദി അറേബ്യയിൽ വിവിധ വകുപ്പുകൾ ഏകോപിപ്പിച്ച് പരിശോധനകൾ നടത്തിവരികയാണ്. മദീനയിൽ കഴിഞ്ഞ ദിവസങ്ങളിലും സമാനമായ നിരവധി റെയ്ഡുകൾ നടന്നിരുന്നു.

**English Summary**

Two expatriate women involved in prostitution were arrested in Madinah during a joint raid by Madinah Region Police and the General Administration for Community Security and Combating Human Trafficking. The operation was conducted based on secret information. Police confirmed that legal procedures have been initiated against the arrested women and the case has been referred to the Public Prosecution for further action. Authorities said security inspections have been intensified to ensure public order and curb illegal activities and irregular employment. They warned that violators will face strict action.

### Related Links & Sources
- [Original Story Source](https://gcc.truevisionnews.com/news/379397/madinah-two-expat-women-arrested-prostitution-case)